المانيا الساحة المثالية ما دوخش روحك!!

السلام عليكم

المعيشة غالية وفرصة العمل صعبة وللاسف المانيا مقفلة للقرار الاخير "469 "

germay2 كتب:

السلام عليكم

المعيشة غالية وفرصة العمل صعبة وللاسف المانيا مقفلة للقرار الاخير "469 "

اخى جيرمى وكل الاخوة فى الساحة الالمانية نرجو منكم ايضاحات عن ميونخ مع علمنا ةبغلائها ؟كيفية الحصول على سكن ؟

السلام عليكم يا اخوتي
نبي نستفسر علي القبول في تخصص الطب البشري
هل القبول سهل والا يشترط امتخان معاداله او قبول
وباش تحصل قبول لازم تكون في المانيا لان اني توا في فرنسا والقبول صعببببببببببب جدااااااااااااااااا نبي نغير الساحه منعرفش لو نقدر نحول بكرت الاقامه اللي عندي في فرنسا والا لازم نروح لليبيا قبل
تحياتي لكم

ramad

اخي رمضان القبول تقدر تقول سهل جدا باذن الله وبمجرد ماتكمل فترة اللغة تكون محصل قبولك في اي تخصص تبيه

لايوجد امتحان معادلة الشرط الوحيد انك تكون متعلم لغة المانية الى عند مستوى معين

تقدر تقول اكثر ساحة مرضية في قبولات الطب البشري المانيا ومافيش حد رجع منها من غير قبول

موفق باذن الله

لك مني جزيل الشكر يا اخي

ياجماعة انا نقراء فى المانيا فى الاول نهيت اجراااتى مع ادارة البعثات على جامعة معينة وعطونى جميع الاجرأت وقالولى امورك تمام وتبدء فى الجامعة وماالى >لك من كلام مع العلم ان الدراسة فى الجامعة كانت بالانجليزى .
وبعد ماجيت وياريت ماجيت لالمانية القيت ادارة واحدة اخرة مايندروا على ادارة البعثات ه>ه وين تفتح واول شى قلوه ليا تقراء بالغة الالمانية وتقراء فى قوتا وقالولى الجامعة ه>ه الى تبى تقراء فيها نحن مانتعاملوش معاها وانت هنا فى المانية معناها لازم تقراء بالمانى .. المهم زرد فى زر على العموم انا جيت قبل ماتبداء ثورتنا المباركة بكم يوم ولما بدت الثورة بدات المعاملة الراقية من السفارة الموقرة لامرتب ولا معاملة اكويسة ولا اسلوب .. واللغة هنا مش ساهلة الى يبى ايجى يحاول يجيب مايفيد من ادارة البعثات انه يقراء بالانجليزى بيش يحطهم فى امر واقع .مع العلم انهم يطلبوا على الطلبة فى المستشفيات بى 2 بريفونق وفى الجامعات تسى 1 بريفونق فما فوق والى يبى قائمة الجامعات الى تتعامل مع السفارة يقولى وانا حاضر نبعتها له وانشالله ربى يوفق الجميع ..اه فى نقطة هامة لما اتكلم السفارة يقولولك كم رسوم الجامعة الى تقراء فيها كانهى كيف الرسوم العادية الى يدفعوا فيها الاجانب والالمان الى يقروا فى الجامعات يعنى 580 يوروا لسمستر باهى وكان اكتر اقولولك لا شوف جامعة اخرة عليك حالة اتقول يدفعوا من اجيوبهم .

السسسسسسسسسسلام germay2 هل دارسة اللغة الالمانية صعبة مع العلم انا ماعندى لغه انقليزية او اى لغه

السلام عليكم germay2 عندى سؤال ماهى الاورق المطلوبه ترجمتها من غير الموهل العلمى وكشف درجات عندم احضر الى المانيا علما انا متزوج

السلام عليكم ورحمة الله وبركاته,,,

حبيت نسألك بعض الاسئلة عن المانيا :
الكلام كلها على شخص يريد دراسة الماجستير "هندسة" على حسابه الخاص:
1- ما هي اللغة المطلوبة هناك " انجليزية او المانية"
2- اد كانت انجليزية كم الدرجة المطلوبة في الجامعات للبدء في الدراسة
3- ادكانت المانية كم الدرجة المطلوبة كدالك وكم من الوقت تحتاج من الوقت للوصول لهذه الدرجة
4 - ما نوع الامتحانات المعترفة بها في المانيا بالنسبة للانجليزية " اي التوفل واي انواع من التوفل او الايلس او......
5- نفس الكلام في 4 بالنسبة للالمانية...
6- كم تكلفة الكورس الواحد بالدولار الامريكى بالنسبة لدراسة الانجليزي..وكم مدة الكورس الواحد...
7- نفس الكلام 6 بالنسبة للالمانية ..
8 - هل هناكـ فرصة للعمل على الأقل لدفع المصاريف خلال تعلم اللغة.

معلومات شخصية:
* عندي خالي في ألمانيا و لديه الجنسية الالمانية و له 13 سنة بألمانيا ، هو سيساعدني و خصوصاً في التأشيرة ، و لكني ما نبيش نثقل عليه.
* ناوي أني نشيل معايا 10 آلاف دينار ، للسنة الأولى لتعلم اللغة ، و بعدها ان شاء الله ربكـ يسهل.
* أنا خريج جديد من جامعة قاريونس ، معدلي كويس ، بس ما عنديش هذكي الخبرة في العمل في مجالي " و هذا ممكن يأثر في قبول الجامعة".

الان نأتي الي الاكاديمي...
1- كم تكلفة الدراسة الاكاديمية بالنسبة للماجستير ، هل صحيح تكون مجانية أو بمبلغ رمزي عند الدراسة بالألماني.
2- ما هي نوعية الدراسة بالنسبة للماجستير يعني كيف برنامجه بالضبظ .

في النهاية اود ان اشكركم جزيل الشكر واتمني من الله لك ولكل الطلاب بالتوفيق والنجاح انشاء الله ....

اني تحصلت علي قبول اللغة في ميونخ من المكتب الشعبي وتوا مشكلتي في قبول الجامعة او شهادة تفيد بتقديم طلب القبلول وما عرفتش شنو مواقع الجامعات عليا بان تخصصي طب بشري . وموعد المقابلة في السفارة يوم 24.5
بالله اللي يقدر ايساعد مشـكــــــــــــــــــــــــــــــــــــــــور جدا

يا خوي محمد موسى

بالنسبة لي أنا لما قدمت عالتاشيرة لم يطلبوا مني قبول جامعة بس اللي طلبوه قبول اللغة مع العلم أن تخصصي هنسة

ربي يوفق الجميع

السلام عليكم
شكرا علي الرد يا اخي
اني خشيت علي موقع السفارة الالمانية في طرابلس وكانت وحدة من الاوراق المطلوبة زي ما قلتلك افدة قبول من احدى الجامعات او ما يفيد بتقديم طلب القبول لو في حد يقدر ايساعد مشكور بارسال مواقع الجامعات التي من الممكن الحصول منها علي قبول
شكرا

يااخى محمد اطمئن انا اجريت مقابلة مند اسبوعيين ولم يطلبوا منى قبول اكاديمى اكتفوا بقبول اللغة فقط

اهم شى شهاداتك الاصل والصورة نسختييين
وعدد 3 صور شخصية وجواز السفر صورتين عربى وانجليزى
والابليكشن عدد 3 نسخ
فى زى الاستبيان يبوا منه 2نسخ يسال هل انت شاركت فى حرب او منظم لجماعة ارهابية او او طبعا كل الجابات حتكون لا
يبوا حوالى 100 دينار ليبي
لكن انت ارفع اكتر من هكى مرات تحتاج اكتر
وراك تنسى جواز سفرك وورقة القبو ل امتع اللغة
ونوض الصبح بكري صلى الفجر وادعى لربى وادعيلى معاك وتوكل على الله

يا إخوان نصيحة مني :

تأكدوا من أن قيمة المنحة المكتوبة في رسالة السفارة الليبية في برلين صحيحة يعني مطابقة للوضع الإجتماعي لكم .
لأن هذا قد أخرني كثيرا
بالتوفيق للجميع ... دعواتكم

الاعزب كم يااختى ادكنت تعرفى القيمة قداش قوليلى

شكرا جزيلا اختي غيداء وانشالله ربي ايسهللك امورك كلها

ماعنديش فيه جميل حتى انا مرت بالمرحلة هدى وعارفة شعورك وبادن الله اي حد بيسال سوال نقدر عليه حرد عليه

قيمة المنحة للأعزب هي 1584 يورو

كم قيمة المنحة للمتزوج

اني عندي سؤال على الدراسة في المانيا..هل مطلوب قبول اللغة واللكاديمي معا للحصول على الفيزا ام قبول اللغة يكفي..ارجوكم اريد اجابة طازة يعني كلام توا مش من اربعة سنين..والسؤال التاني ..هل للمتقدمين لدراسة الماجستير مطلوب منهم امتحان تقييمي او اي شي من هدا القبيل قبل الحصول على القبول الاكاديمي علما بان التخصص صيدلة وشكرا

اخي germay2 اسال الله ان يحفظ لك ابنك و جميع اهلك. لنا لم اقرا كل المنتدي و لكن اريد رد سريع علي: هل الدكتوراء في هندسة النفط مثلا تتطلب مني قبول لغة فقط او معة اكاديمي لاكمال الاجراءات في ليبيا؟؟؟؟ لك الشكر و الدعاء بالتوفيق

ليبيا تنادينا

sfruja كتب:

اني عندي سؤال على الدراسة في المانيا..هل مطلوب قبول اللغة واللكاديمي معا للحصول على الفيزا ام قبول اللغة يكفي..ارجوكم اريد اجابة طازة يعني كلام توا مش من اربعة سنين..والسؤال التاني ..هل للمتقدمين لدراسة الماجستير مطلوب منهم امتحان تقييمي او اي شي من هدا القبيل قبل الحصول على القبول الاكاديمي علما بان التخصص صيدلة وشكرا

بالنسبة للسؤال الأول وعن تجربة شخصية لم يطلب مني القبول الأكاديمي وانما طلبو قبول اللغة وهذا يتحصل عليه عن طريق السفارة الليبية ببرلين حيث انني قدمت للتاشيرة شهر 3 وتخصصي هندسة

اما بالنسبة للسؤال الثاني فاترك الاجابة لشخص اكثر خبرة مني فليس عندي اجابة

والتوفيق للجميع

هل قبول من مستشفى مطلوب ولا لا هل يكفي قبول اللغة بس