التاشيرة البريطانية نوع ( Tier 4 ) القديم

زوجة صديقي موفدة ولديها قبول لغة لمدة 11 شهر ومرافقها زوجها بدون اطفال

اي نوع من الفيزا تطلب

وهل الوضع تمام بالنسبة لهم، وخصوصا الزوج سيكون مرافق فقط بدون قبول

المنتصربالله كتب:

زوجة صديقي موفدة ولديها قبول لغة لمدة 11 شهر ومرافقها زوجها بدون اطفال

اي نوع من الفيزا تطلب

وهل الوضع تمام بالنسبة لهم، وخصوصا الزوج سيكون مرافق فقط بدون قبول

لو عندها أيلتس أكثر من 4.5 تقدم على تير 4 وزوجها مرافق بعد ماتحصل كاس وإلا تقدم على تأشيرة طالب زائر والزوج نفس التأشيرة لو جاب حتى هو قبول ويبي يقرأ وإلا تاشيرة سياحية

سؤال كيف يمكن ضم المرافق للدراسة على سبيل المثال دراسة اللغة ؟؟

شنبيرة77 كتب:

بسم الله الرحمن الرحيم بفضل الله وبفضل هذا الشهر المبارك والدعاء فيه وبفضل دعاؤكم وشكر لله ثم شكر للخ ابو محمد مدير منتدى الساحة البريطانية على نصائحة وكذلك الاخ محمد الاصيبيعي تحصلت اليوم على تاشيرة تاير 4 انا والمرافقين وهم زوجتي و 2 اطفال ... الحمد لله والعاقبة للجميع . واي مساعدة انا حاضر مع العم انا قدمت بنفسي بدون مكتب وعبيت النماذج لوحدي ةالتوفيق من الله

مبارك أخي شنبيرة وربي يوفقك ومتنساناش من صالح دعائك خاصة في هذه الليالي المباركة

naima كتب:

السلام عليكم:. افيدوني اثابكم الله انا متحصلة على قبول لغة ل 11 شهر وقبول اكاديمي وعملت امتحان ايلس ماحصلتش الا 3.5 فقط وماشي معاي اخي المشكلة الان ان موعد بداية الكورس 3 سبتمبر /2012 وبعدها حاولت اني نسأل عن باقي الاجراءات لكن الاسف ماحدش جاوبني عشان هكي اتصرفت من نفسي ودخلت على موقع السفارة البريطانية (مع اني انجليزيتي مش ولابد ) واخترت نوع الفيزا tier4 student اما اخي لاني قدرت انوفر في حسابه المصرفي 25000 دينار وحاليا نستنى في قبول لغة يعني على حسابنا الخاص لاني مانقدرش انقدملها على فيزا سياحية وحسب اطلعي على الموقع نلقى فيهم يحكوا على تاشيرة طالب زائر student visitor لكن مالقيتهاش في الخيارات المعطيه لنوعية التأشيرة , عشان هكي لقيت نوعية تأشيرة هي tier4(general) dependant partner فقدمت عليها لاخي وحددنا موعد المقابلة مع السفارة 22 اغسطس وبعد مالقيت انه يجب اني نحدد موعد المجي لبريطانيا فحددت 27 اغسطس عارفة اني دخلت التواريخ على بعض ؟ فرجاء خاص كيف ممكن انصحح هذه الاخطاء يلي وقعت فيها وشنو الاجراءات الصحيحة ؟ فأنتم الملجأ الوحيد لي فارجو ان لاتخذولوني

زي ماقالك أخي محمد ماينفعش تقدمي على تير 4 وأنت جايبة أقل من 4 في الأيلتس

شوفي الموضوع هذا في كيفية طريقة تعبأة نموذج التقديم لتأشيرة طالب زائر
http://www.almofad.com/t8989p525-topic

هذه طريقة تعبئة الأبليكشن (الفورمة)


Current location

Libya

Country of Nationality

Libya

Type of Visa

visit

Purpose of Application

special visitor

Type of Application


(special) student visitor , up to 6 months
أو (special) student visitor , up to 11 months
وهذا على حسب مدة قبول اللغة لو 6 شهور أو اقل معناها up to 6 months
ولو أكثر من 6 شهور معناها up to 11 months

ملاحظة: هذه الطريقة كتبها الأخ محمد الأصيبعي بارك الله فيه

بالنسبة لأخيك يقدم بنفس الطريقة لو عنده قبول ويبي يفرأ وإلا تأشيرة سياحية

شنبيرة77 كتب:

سؤال كيف يمكن ضم المرافق للدراسة على سبيل المثال دراسة اللغة ؟؟

جيب قبول لغة وأبعثه للسفارة الليبية في بريطانيا (الشؤون الثقافية) مع طلب كتابي بدفع رسوم الكورس (ممكن حتى عن طريق الموقع الإلكتروني للسفارة بس ممكن يطلبوا القبول الأصلي ترسله بالبريد)

السلام عليكم :
بماانه مانقدرش نقدم على تأشيرة tier4 ؟ فكيف تكون وضعية الابليكشن يلي عبيتو في الاول ؟ نخط عليه ونعبي واحد تاني او نعمل التغييرات فيه والا اصبح معتمد ما نقدرش نغير فيه نوعية التأشيرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ِAbu Mohamed كتب:

المنتصربالله كتب:

زوجة صديقي موفدة ولديها قبول لغة لمدة 11 شهر ومرافقها زوجها بدون اطفال

اي نوع من الفيزا تطلب

وهل الوضع تمام بالنسبة لهم، وخصوصا الزوج سيكون مرافق فقط بدون قبول

لو عندها أيلتس أكثر من 4.5 تقدم على تير 4 وزوجها مرافق بعد ماتحصل كاس وإلا تقدم على تأشيرة طالب زائر والزوج نفس التأشيرة لو جاب حتى هو قبول ويبي يقرأ وإلا تاشيرة سياحية

بارك الله فيك خوي ابو محمد ديما سباق

يعني هي تقدم علي تاشيرة طالب زائر وزوجها سياحية لكن يعطوها كم مدة تاشيرة وهل ضروري يجي ويجدد والا ممكن من بريطانيا يجدد غادي وشن الملف المطلوب تقديمه في هذا النوع من التاشيرة

وبارك الله فيكم

بارك الله لك في التاشيرة اخ شنيبرة77 وعقبال باقي الاخوة يارب
لاتنسانا من الدعاء وكذلك الاخوة اعضاء المنتدي والقائمين عليه

أنسام_الفرح كتب:

السلام عليكم ورحمة الله

...بارك الله فيكم جميعا وبارك الله في كل من رد عليا و مبارك أخي شنبيرة وربي يوفقك .......

لكن خليني انزيد انوضح مشكلتي لعل وعسى نلقى حل انا عندي قبول غير مشروط من نفس الجامعة اللي دراست فيها الماجستير سابقا . . ومعنديش ايلس ولا رغبة لدي في دخول امتحان وعندي مشكلة في الوصول في موعد الامتحان المحدد لانني ليست من سكان طرابلس... اللغة عندي معقولة فانا خريجة بريطانيا بس المشكلة في المحلق الثقافي في بريطانيا رافض انه يدفع مصاريف اللغة طالما انا خريجة بريطانيا ... وانا مصرة على دخول الكورس الاكاديمي .... وهذا بندفعه من حسابي الشخصي بس نبي مساعدة هل لو راسالت المعاهد بورقة الايفاد وخذت تاشيرة طالب زائر هل نقدر نغير المعهد وناخذ اي كورس كاديمي في اللغة يعني نبي حل بيش نقدر نحصل على التاشيرة بدون ما نسجل اسم الجامعة لانني ممكن نغير قراري ومنبيش الجامعة اللي حصلت منها القبول الغير مشروط. انا ما عندي مشكل في المرافق لانني اموري في بريطانيا ميسرة ان شاء الله . وبارك الله فيكم تعرفوا ليا شهور وانا دور في الحل لكن والله بالفعل بارك الله في الاخوة ما قصروا والحمد الله الدينا مازال فيها خير ويحفظ الله بلادنا

\\\




السلام عليكم::: اختي مادام قريتي الماجستير في بريطانيا فدراستك للغه مره اخرى مش حيزيد و لا ينقص,, اسلوب الدكتوراه مع اللغه مختلف جدا عنه في اي درجه اخرى,, يعني في الدكتوراه اهم حاجه الكتابه و الي تبي باش اطوريها شهور طويله و تطويرها يعتمد علي الطالب و مدى دراسته و ممارسته للغه , يعني مع الوقت و مع دراستك للوراق البحثيه و المشاريع السابقه في تخصصك حتلقي لغتك متحسنه,, ما ننصحكش تقري لغه لان مشاكلها حتكون اكثر من مميزاتها و هذا لانك حتواجهي مشاكل في الفيزا و كذلك مع القسم الثقافي,,

القسم الثقافي زي ما قلتي مش حيدفع عليك رسوم اللغه بحكم ان دراستك للماجستير كانت في ليبيا و الاغلب انه مش حيصرفلك منحه الي حين بدايتك للدكتوراه
الشي الاخر حتواجهي مشاكل مع الفيزا,, لو بتقدمي علي تاشيرة طالب زائر حتضطري انك تطلعي من بريطانيا لما بتمي كورس اللغه الي بتقريه علي حسابك و الي نتوقعها ما يدومش اكثر من 3 اشهر,, و حتقدمي علي التاير 4 الي ممكن تبي شهر باش تحصليها,, يعني باش ترجعي ممكن تبي شهرين او تلاثه,, يعني بالمجمل ضيعتي 6 اشهر كنت ممكن تستغليها في الدكتوراه و ممكن الستة اشهر هدي ما تحصليش فيها حتى منحه و ممكن يرفضوا حتي يفتحولك ملف في القسم الثقافي,, الشي الاخر حتواجهيه انك حتلاقي مشاكل مع المرافقين خصوصا لو متزوجه و عندك صغار...

تقدري تراسلي اي معهد في بريطانيا برسالة الدعم المالي الي عندك و تقدري تقدمي علي التاشيره و تقدري بعد حصولك علي تاشير الطالب الزائر تقري في اي معهد اخر,, لكن لما بتبدي قرايتك في الدكتوراه اكيد ضروري تغيري علي التاير 4..

في الخلاصه خطوتك لدراسة اللغه حتعقد االامور اكثر مما تتصوريه و انا عن نفسي انصحك بانك تثبتي علي راي معين و تختاري الجامعه الانسب ليك و تراسليه و تحصلي منها علي قبول و بعدها تسافري و تبدي تقري مباشره

السلام عليكم
خوتي بالله عليكم عندي مشكلة اليوم مشيت استلمت الجوازات بس لقيت في حوازي التاشيرة بس جواز المرافق الجوزة والاطفال تم رفضهم علما باني قدمت على تاشيرة تاير فور والسبب هو ( i am therefore not satisfied that your father undertaking a course which is 12 months or longer in duration, and is of
post-graduate level study, sponsored by a Sponsor which is a Recognised
Body or a body in receipt of funding as a higher education institution
from the Department for Employment and Learning in Northern Ireland, the
Higher Education Funding Council for England, the Higher Education
Funding Council for Wales or the Scottish Funding Council
i have therefore refused your application becouse i am not satisfied on the balance of probabilities
توا انا حاير شن ندير نقدم مرة تانية للجوزة والاطفال وشن ندير باش مايرفضوهاش وشن نقدر نقدم مرة تانية للمرافقين
ارجوكم افيدوني علما باني طالب على حساب الدولة الليبية
وشكرااااااااااااااا

لا مش هذا السبب.. شوف الورق الي عطهولك اكيد تلقى السبب الرئيسي في ورقه اخرى ...


.. انا انصحك بالاتي

1. تقدم علي التفويض كخطوه اولى

2. تسافر بروحك و لما توصل تطلب من القسم الثقافي لندن يعطيك رسالة دعم مالي للتاشيره للمرافقين و تبعثها ليهم و هما يقدموا و لو حصلوها يلحقوك طول

او
-- تشوفك الاسباب الي رفضوك عليهم و تقدم مره اخرى و انت في ليبيا و ما بين ما تميت امور التفويض اكيد هما حيردوا عليك

السلام عليكم
خوي محمد والله هذا الي ردو عليا و اسباب الرفض بس في قوانين الهجرة لقيت ان
(4) the Relevant Points Based System Migrant must be a
Government Sponsored student who is applying for or has entry clearance
or leave to remain for a course of study that is longer than six months;
or


(5) the Relevant Points Based System
Migrant must be undertaking a course which is 12 months or longer in
duration, and is of post-graduate level study, sponsored by a Sponsor
which is a Recognised Body or a body in receipt of funding as a higher
education institution from the Department for Employment and Learning in
Northern Ireland, the Higher Education Funding Council for England, the
Higher Education Funding Council for Wales or the Scottish Funding
Council.
خوي محمد نقدر نقدم على التفويض بدون تاشيرات المرافقين ونقدم مرة تانية للمرافقين في نفس الوقت مع التفويض
وسؤال تاني هل الاوراق نفسهم لما نعاود التقدين

السلام عليكم و رحمة الله

اخي ابن الجبل الغربي كم مدة الكورس الا انت قدمت عليه؟

لان في شخص عضوء في المنتدي كان قدم هو و المرفقين و اعطوه التاشيرة هو و كل المرفقين علما بان مدة الكورس امتعه كانت 9 اشهر

لان حتي انا مو جهتني نفس المشكلة

و موفق ان شاء الله

ابن الجبل الغربي كتب:

السلام عليكم
خوي محمد والله هذا الي ردو عليا و اسباب الرفض بس في قوانين الهجرة لقيت ان
(4) the Relevant Points Based System Migrant must be a
Government Sponsored student who is applying for or has entry clearance
or leave to remain for a course of study that is longer than six months;
or


(5) the Relevant Points Based System
Migrant must be undertaking a course which is 12 months or longer in
duration, and is of post-graduate level study, sponsored by a Sponsor
which is a Recognised Body or a body in receipt of funding as a higher
education institution from the Department for Employment and Learning in
Northern Ireland, the Higher Education Funding Council for England, the
Higher Education Funding Council for Wales or the Scottish Funding
Council.
خوي محمد نقدر نقدم على التفويض بدون تاشيرات المرافقين ونقدم مرة تانية للمرافقين في نفس الوقت مع التفويض
وسؤال تاني هل الاوراق نفسهم لما نعاود التقدين

و الله تبي الحق ما عندي معلومه لو تقدر تقدم علي التفويض بفيزه ليك انت بس لكن اعتقد انك لو راجعت البعثات
و شرحتلهم الموقف اكيد حتجاوبوا معاك... ضروري تحاول معاهم و انا من تجربتي معاهم اعتقد انهم حيساعدوك


بالنسبه للاوراق اعتقد انهم يعتمدوا علي السبب الاصلي للرفض الي الي حد توا مش واضح بالنسبه ليا

يا ريت لو تقدر اديرلهم سكان و تبعثهمهلي و الا تحطهم علي المنتدى و بعدها بعون الله نقدروا ننصحوك

السلام عليكم ورحمة الله
اليوم الاثنين 13/8/2012 بحمد الله وتوفيقه تحصلت على تاشيرة التاير4 مع العلم اني قدمت فيها يوم الاثنين 23/7/2012
اخوي في المنتدي تمنياتي لكم بالتوفيق

السلام عليكم ياشباب عند التقديم اون لاين في خيارين الاول tier 4 general والتاني tier 4 general sponsored اي واحد نختار وشكرا لكم

اخي الكريك اختار نوع التاشيرة Tier 4 General sudent

بالتوفيق ان شاء الله

بتاريخ 13/8 تم الحصول على التاشير البريطانية لى و لزوجتي و لطفلينا و قد قمنا بالتقديم يوم 23/7 و الحمد لله كثيرا

هيثم عبدالصمد كتب:

السلام عليكم ورحمة الله
اليوم الاثنين 13/8/2012 بحمد الله وتوفيقه تحصلت على تاشيرة التاير4 مع العلم اني قدمت فيها يوم الاثنين 23/7/2012
اخوي في المنتدي تمنياتي لكم بالتوفيق

الف مبروك وان شاء الله ربى يسهل اموركم فى الباقى وموفقين باذن الله