التاشيرة البريطانية نوع ( Tier 4 ) القديم

السلام عليكم ...
خوتي بالنسبة للاطفال اللي بيخوشو المدرسة السنة هذي هل فيه اي اوراق مطلوبة زي ورقة التطعيم او شهايد ميلاد متلا ؟
و مشكورين علي المجهود...

شكرا جزيلا على الرد اخي ابومحمد ... و مبارك عليك الشهر الكريم و علي كل الاخوة الكرام في المنتدى الرائع جدا و المفيد جدا ... و نسأل الله العلي القدير ان يجعلنا فيه من الطائعين و من المقبولين بادنه تعالى ,,

السلام عليكم .............ماهى النتيجة المطلوبة في الايلس للتقديم على التاير فور

4.5

السلام عليكم .. كل عام و المسلمين بخير  و تقبل الله صيامكم ان  شاء الله 
عندي سؤال عن مستوى كورس اللغة B2  شن معناه .وما تأثيره على تأشيرة تاير 4 و تأشيرة المرافقين ,مع العلم انا عندي قبول لغة اكاديمي و كاس نمبر و شهادة ايلتس 5.0  و مدة الكورس من 2 اكتوبر حتى 21 مارس . 
و شكرا و بالتوفيق للجميع

وعليكم السلام ورحمة الله ... وتقبل الله منا ومنكم صيامنا وكافة أعمالنا الصالحة

أختي الكريمة ،،، B2 تعني أن مستواك في اللغة الإنجليزية هو Upper Intermediate ، وبالنسبة للتاشيرة أعتقد ليس له تاثير لأنك ستحتاجين لشهادة الآيلتس ، والمستوى الآيلتس اللي عندك يؤهلك للحصول على تأشيرة تاير 4 بشرط أن لا تكون هناك درجة أقل من 4 ،،،

وبالنسبة للمرافقين ،،، لا يمكنك أصطحاب مرافقين معك بقبول اللغة الحالي ، لأن مدة الكورس حسب التواريخ اللي ذكرتيها أقل من 6 اشهر ،،، يمكنك مراسلة الجهة اللي أعطاتك القبول وتطلبي منهم يزيدوا في مدالكورس اكثر من 6 اشهر ولو بقليل ...

بالتوفيق لك وللجميع إن شاء الله ...

عدل سابقا من قبل المتوكل على الله في السبت 20 يوليو 2013, 1:23 pm عدل 1 مرات

المتوكل على الله كتب:

وعليكم السلام ورحمة الله ... وتقبل الله منا ومنكم صيامنا وكافة أعمالنا الصالحة

أختي الكريمة ،،، B2 تعني أن مستواك في اللغة الإنجليزية هو Upper Intermediate ، وبالنسبة للتاشيرة أعتقد ليس له تاثير لأنك ستحتاجين لشهادة الآيلتس ، والمستوى الآيلتس اللي عندك يؤهلك للحصول على تأشيرة تاير 4 بشرط أن لا تكون هناك درجة أقل من 4 ،،،

وبانسبة للمرافقين ،،، لا يمكنك أصطحاب مرافقين معك بقبول اللغة الحالي ، لن مدة الكورس حسب التواريخ اللي ذكرتيها أقل من 6 اشهر ،،، يمكنك مراسلة الجهة اللي أعطاتك القبول وتطلبي منهم يزيدوا في مدالكورس اكثر من 6 اشهر ولو بقليل ...

بالتوفيق لك وللجميع إن شاء الله ...

إجابة كافية ووافية

 

السلام عليكم ورحمة الله وبركاته
عندي استفسار بسيط بخصوص التاشير تاير4
اني حاليا إن شـاء الله حنرجع لليبيا وحنقدم على تاشيرة تاير4 لشهر9 -2013 بريسشن كورس في جامعة... لكن المشكلة اني تاشيرتي الحالية طالب زائر تنتهي في شهر 10-2013.
فهل تاريخ انتهاء التاشيرة الحالية طالب زائر باعتبار تاريخ التقديم على تاشيرة جديدة قبل انتهاء التاشيرة الاولى قد يؤثر على قبول او رفض التاشيرة الجديدة تاير4.

السلام عليكم ورحمة الله وبركاته اول شىء كل عام وانتم بخير  ورمضان كريم علينا وعليكم ويتقبل الله منا ومنكم صالح الأعمال 
انا قدمت على الفيزا تاير فور من حواى 12 اليوم  عندى بعض الاسئلة لو سمحتو لى

أول شىء نمودج الأول متع التاير فور لم اتدكر انى وقعت ووضعت التاريخ  قبل التقديم ولكن اتدكر انه الموضف اعطانى ووقعت ووضعت تاريخ دلك اليوم لفرغات مشابها بتلك  فى النمودج ؟؟؟ فهل هناك اى مشاكل لو انى لم اوقع ولم اوؤرخ النمودج ؟؟

وهناك ايضا لما قدمت الاورق طبعا صورة واصل بنسبة للنمودج الأول الأصل اخد منى الاورق الثلاثه الاوله فقط ؟؟؟؟؟ هل حصلت معكم ولما سئلته قال انها زائدة ودخلت وسئلت وقالو لى السفارة البرياطنية تطلب فى الاورق الثلاثه الاوله فقط؟؟؟ وحقيقة لم استطع النوم حتى يوما هدا ؟؟؟ ارجو الأجابة اخوتى اخواتى الكرام
وباقى الاوراق تمام التمام متل قبول الاكاديمى الغير مشروط و وقبول البريسشينل كورس وايضا الكاس نمبر مصحبوا بأنى دفعت فارق اللغة ولما عبيت نمودج ((vaf9 app8 دكرت القيمة وعطيتهم الواصل صورة واصل  وايضا شهادة ميلاد ووضع عائلى وشهادة الايلتس وايضا شهادة المعهد الى كيف تحصلت عليها  وايضا دعم التأشيرة من السفارة  الليبية وتاريخ جديد وجددت جوازى قبل التقديم وطبعا الشهادة وكشف الدرجات  وايضا دعم القبول القديم ودلك تخوفا منى لانى قرأت فى الكاس تقديم الاورق التى تحصلت بيها على الكاس والعرض من الجامعة طبعا كل الاوراق اصل وصورة  ولا ننسى صورة الجواز كله  الا كشف حساب المصرفى من بريطانيا (( الى هوا حسابى غادى )) محصلتش وقت انى ناخده جديد  فا المصرف يبعث فى الاوراق كلهم مند تمانية شهور فا جمعتهم وقدمت بيهم لانى ليس لديا حل اخر قد نفد منى وقت ولم استطع الحصول على كشف حساب جديد ؟؟  هل هناك مشكلة فى دلك ؟


ارجو الرد

Abu Mohamed كتب:

وعليكم السلام ورحمة الله وبركاته
أعتقد مافيش أي مشكلة والتوقيع لو ماوقعت راهو ردوه لك النموذج توقعه
بالنسبة للأوراق اللي ردوهن لك عادية وشوف هذا الموضوع بالخصوص
http://www.almofad.com/t9975p120-topic
وباقي الوراق إن شاء الله تمام.

السلام عليكم  الله يريحك زى ماريحتنى يا ابو محمد واسئل الله العلى القدير ان يفتحها قدامك وين ماتمشى

حتى انا يا خوي رجعولي أوراق من الابليكيشن وان شاء الله كل أوراقك تمام يومين وتبشرنا بإذن الله

بارك الله فيك خوي أبومحمد وعندي استفسار ثاني الله يرحم والديك:
بالنسبة للدعم المالي لغرض التاشيرة هل ناخذه من السفارة الليبية في بريطانيا قبل لنروح او من البعثاث في ليبيا. وهل فيه اوراق اخرى يلزم اخذها من السفارة هنا ايضا بخصوص التاشيرة لان الواحد يخاف يروح وتطلع ورقة اخرى من هنا ويقعد حاصل في العجب.
تحياتي ليك خوي ابومحمد

محمد كراخلي كتب:

بارك الله فيك خوي أبومحمد وعندي استفسار ثاني الله يرحم والديك:
بالنسبة للدعم المالي لغرض التاشيرة هل ناخذه من السفارة الليبية في بريطانيا قبل لنروح او من البعثاث في ليبيا. وهل فيه اوراق اخرى يلزم اخذها من السفارة هنا ايضا بخصوص التاشيرة لان الواحد يخاف يروح وتطلع ورقة اخرى من هنا ويقعد حاصل في العجب.
تحياتي ليك خوي ابومحمد

خوذه من بريطانيا ومافيش أي أوراق ثانية من السفارة بس خوذ معاك كشف حسابك احتياط وممكن تاخذ ورقة إجازة من السفارة في حالة تبي تتابع أي شئ في البعثات ولكن لا أعتقد أنها مهمة.

عدل سابقا من قبل Abu Mohamed في الإثنين 22 يوليو 2013, 5:20 am عدل 1 مرات

السلام عليكم ورحمة الله .. بالله نبي نسأل الاخوة اللي مجددين تأشيرة تاير 4 من ليبيا انا مقدم لدراسة الكورس الاكاديمي بعد ما اتممت اللغة في الجامعة نبي نستفسر على يحتاجون الى القبول الاكاديمي الاصلي ام النسخة من الايميل ؟؟ وتانيا بالنسبة لي self assesment من عنده خلفية كيفية تعبئة النموذج ؟؟ لاني بنعبي النموذج  المره هذي مش بشهادة الايلس  بل بشهادة معهد اللغة ؟

السلام عليكم و رحمة الله و بركاته ,,, و مبارك عيدكم و كل سنة و الجميع بالف خير و تقبل الله منا و منكم و غفر الله لنا و لكم ...
اخوتي بالنسبة للنمودج appendix 8 فيه سؤال في الصفحة 6 رقم 6.8 هل نحسب حتى العايلة معاي يعني نضيف 450 باوند على كل فرد و الا لا مع العلم اني ماشي علي حسابي الخاص ؟؟و كذلك السؤال رقم 6.16 في الصفحة 7 ؟؟....
و السؤال التاني بالنسبة للCAS كم من الوقت تاخد الجامعة بيش يبعتوهولك امتى توفر الشروط المطلوبة منك ؟ ...
و جزاكم الله خيرا..و جعله في ميزان حسناتكم

اخي ابو العبدين 

السؤال 6.8 ضع 800 باوند * 9 اشهر اي 7200 باوند فقط وبعده انتقل لسؤال 6.12 .

والسؤال 6.16 تكلفة الكورس كم ؟ وبجانبه  منحتك او كم الي عندك في 9 اشهر .

طبعا السؤال 6.17 في حالة عندك مبلغ غير مدفوع من الجامعة ومكتوب في الكاس نمبر

ففي هذه الحالة تكتب مثلا ان متبقي 3000 باوند من الاجمالي !

اما بنسبة لكاس نمبر لن يطول كثيرا اسبوعين او اقل .

السلام عليكم و رحمة الله و بركاته ...
يا خوتي بالنسبة للاوراق زي شهائد الميلاد و عقد الزواج و الوضع العائلي و شهادة المرتب ,,اني ترجمتهم في نص شهر 7 و الموعد امتاعي في السفارة يوم 3 شهر 9 ,,, هل اجرائي هكي مزبوط و الا ضروري يكونو مترجمات في أقل من شهر؟؟,,,,
و سؤالي التاني بالنسبة للابليكيشن فورم امتى نطبعه ؟
و جزاكم الله كل خير ...

ليس هناك علاقة بين ترجمة الاوراق وصلاحية الترجمة .

الصلاحية في ورقة الدعم المالي يجب ان لا تتجاوز 4 اشهر .

طباعة الفورم افضل وقت الطباعه قبل ذهابك للموعد السفارة بيوم او يومين .

mohamed libya كتب:

السلام عليكم
اخواتي الاعزاء اريد ان اتقدم على تاشيرة التير 4( tier 4 ) هل اقدم انا و زوجتي في نفس application او كل واحد بروحة. ولو حبيت نقدم بروحي وبعدين نبعث دعوة لزوجتي كيف يكون الاجراءات.
شكرا

أنت تقصد تقدموا في نفس اليوم أو كل واحد بروحه لأن application كل واحد بروحه سواء قدمتوا مع بعض أو كل واحد بروحه
لو حبيت تخلي زوجتك بعدين مافيش أي إجراء سواء أن تكتب في استمارتك أنها مش مسافرة معك توة وبعدين حتلحقك ولكن الأفضل تقدموا مع بعض بشرط يكون الكورس متاعك اكثر من 6 شهور
أرجو منك الإطلاع على المواضيع المثبتة في قسم التأشيرة

ملاحظة سيتم نقل موضوعك إلى قسم التاشيرة البريطانية ومن ثم دمجه مع هذا الموضوع المناسب