السلام عليكم:انا كنت في تونس مع زوجتي وبنتي موعدنا كان الاربعاء واستغربت لما قالولي ارجعوا الجمعة يعني بسرعة ولكن لما رجعنا لقيت الرفض والسبب هو الكاس نمبر فقط
السلام عليكم عندي بعض الاسئلة البسيطة - اذا الشخص ما عنداش ايلس او ان الايلس متاعه اقل من 4.5 كيف يقدر يقدم على التاشيرة البريطانية وياخدها مع العلم ان عنده ايفاد واوراقه تمام؟؟ - هل قبول اللغة لوحده يكفي للتقديم على التاشيرة؟ - شن هي كل الطرق اللي نقدر نتحصل بيها على الكاز نمبر؟
للعلم الحالة هي ايفاد من الدولة، ولم اذهب الى بريطانيا من قبل، ولم اجري اي امتحان ايلس سابقا
تستطيع التقدم عن طريق قبول لغه على فيزة طالب زائر,, هدا النوع من التأشيرات يعطى للطلبه القاصدين دراسة اللغه الانكليزيه فقط,, يحرم الحاملين لهذا النوع من التأشيرات من اصطحاب مرافقين و كذلك لا يسمح لهم بالعمل في بريطانيا,, عند انتهاء صلاحية التأشيره يجب تجدد التأشيره من خارج بريطانيا..
السلام عليكم نبي نسال على تاشيرة الطالب الزائر اذا المقدم على التاشيرة مراة وعندها اطفال بعمر السنة و السنتين هل تقدر تصطحبهم معاها ارجو الافادة بارككم الله
لو ما عندكش ايلتس,, تقدري تقدمى على تاشيرة طالب زائر Student Visitor Visa تقدري بالحصول على هذه التأشيره دراسة اللغه الانكليزيه فقط,, و في نفس الوقت ما تقدريش ترفعي مرافقين معاك لو بتقدمي على التأشيره هدي و لما اطيح لازم اتجدديها من خارج بريطانيا
باهى خوى الاصبيعى ممكن نعرف 4.5 ايلتس تحتاج هلبا دراسة ووقت طويل عشان تحصلها مع العلم ان مستواى تقريبا بري انترميديات او انتيرميديات الرجاء الرد وممكن ادا تعرف حد حصل على 4.5 كم احتاجت منه وكيف كان امتحان الايلتس وشكرا؟؟ ارجو الرد سريعا
اختي لامون,,لا لا مش هلباء,, نعرف صديقه لي ,, خدت كورس مشي حالك و خشت على الايلتس جابت 4 و نص,, قدمي عليها و خشي على الكورس.. و الايلتس تبي شوي تحضير بغض النظر على مستواك,, يعني مرات انكليزيتك تمام و لكن بما انك ما تعرفيش شي على الايلتس و تمتحني فيها طول مرات ما تحصليش درجه باهيه,, الي اقصده انك مفروض توتي روحك للايلتس قبل ما تخشي عليها.. غيري من الكورس الي فيه انت توا الى الايلتس خودي فيها جو الشهر و بعدين خشي على الامتحان تجيبي اكتر حتى من الاربعه و نص
السلام عليكم اخوتي ارجو الرد على سؤالي لو حد عنده معلومة انا و زوجتي عندنا قرار ايفاد و نريد الدراسة في بريطانيا و نريد تاشيرة طالب زائر و عندنا طفلين واحد سنة و الثاني سنتين نقدروا نصطحبوهم معنا ارجووووووووووووووووووووووووووووو الافادة بارككم الله
السلام عليكم انا طالب موفد للدكتوراة واخترت بريطانيا اريد التقديم على تأشيرة طالب زائر في تونس لدي قبول لغة الا انه يبدأ في شهر فبراير الماضي وطلبت من المعهد تجديد القبول وتم فعلا تجديد قبولي في شهر ابريل ولكن الى حد الان لم يرسلو لي القبول الاصلي بل ارسلو لي عن طريق الايميل الفيزا ليتير سؤالى هو هل ادهب الى تونس بالفيزا ليتير واقول لهم انني انتظر في القبول الاصلي لانني سمعت ان هدا الاجراء ليس فيه مانع وشكرا
http://www.ukba.homeoffice.gov.uk/sitecontent/documents/out-of-country/visitors.pdf ياخوي وسع بالك وتأكد من جميع المستندات المطلوبة وحاول ان اي احد راجع من بريطانيا يجيب لك القبول لان هدا يدعم موقفك في الحصول علي الفيزا في كل مستند مطلوب تقوم بتقديمه وعلي العموم هدا الموقع للهجرة البريطانيه وهو فيه كل شي مطلوب .....والسلام مع طمعي في خالص دعائكم بالخير
السلام عليكم : الى كل من قدم على التأشيرة البريطانية من تونس وتحصل عليها فى صديقة لى قدمت عالفيزا ردوا عليها فى تونس وقالوا مازال وهى فى تونس من اكثر من اسبوعين فاختارت انها ترجع لليبيا وهم بلغوها لما يصدر القرار نتصلوا بيك عالايميل فارجوا من اصحاب الخبرة انهم يفيدونا هل هو اجراء عادى او لا؟
نعم الاجراء سليم و نفس الشي صار معاي,, انا قدمت و رجعت لليبيا و لما اتصلوا بيا مشيت لتونس.. مشيت للسفاره استنيت شوي,, قالولي ارجع غدوه الساعه 2 تلقى الفيزا واتيه ,, و لو تم الرفض يعلموك في نفس اليوم الي تقدم فيها جوازك..
انا اختكم ام فاطمة ليبية ولدى ماجستير فى الهندسة ,,, تحصلت على ايفاد الى بريطانيا للدكتوراه ولا اعرف اى شئ عن بريطانيا .. واريد مساعدتكم
اولا .. هل صحيح ان التاشيره الان يمكن الحصول عليها بقبول اللغه؟؟ ثانيا ... اريد معلومات عن جامعه هيدرزفيلد ... هل هى قويه ام لا؟؟ بحثت عنها وجدت ان ترتيبها ال 93 على بريطانيا
وان المدينه صغيره .... ثالثا ,,, هل كلية الهندسه لها مدن وجامعاات معينه ينبغى الحصول منها على الدكتوراه؟؟ هل هناك جامعات ممنوعه او مدن ممنوعه ؟؟ وماهى؟
اسفه ان اكثرت عليكم لكن انتم اخوانى وان اتعشم فيكم كل خير ..
ابشري يا اخت فاطمة اخوانك في المنتدى لن يقصروا معك وستحصلين على اجوبة شافية وسوف تتفاجئين بها وتفرحك باذن الله ومرحبا بك في المنتدى الرائع والذي سوف تدمنين عليه دون شعور
لازم تعملي بحث عن موقع الجامعة الدولي وتسألي السفارة الليبية في بريطانيا عن مدى اعترافها بها من عدمه....والنقطة الاخيرة هامة جدا..لاني كنت موفد ماجستير في ايطاليا من 10 سنوات وفعلت نفس الشئ...وشكرا
السلام عليكم .. انا طالبه مبتعثه ماجستير تحصلت على قبول من جامعه استون في بيرمنقهام بريطانيا medical science بس القبول جاني ع سنه 2012 وانا مازلت نبي نقرا سنه لغه والتاشيره والتفويض اكيد ياخذ وقت >>> كيف اندير ..... ارجو ا من اخواني واخواتي المساعده... واذا كان في حد يقرا في استون ياريت ايرد عليا... شكراا جزيلا
السلام عليكم الأخت om_tomy النظام في بريطانيا مختلف نوعا ما عن أمريكا , فهناك قد تجدين جامعة قوية في تخصص و ضعيفة في تخصص اخر ,,,, www.rae.ac.uk/ في هذا الموقع تجدين تصنيف جامعات بريطانيا حسب التخصص,,,, كما انه يمكنك الحصول على فيزا بقبول لغة لكنها لا تمكنك من الدراسة الاكاديمية,,, ارجوا أن أكون قد أفدتك , موفقة
اريد مساعدة ذوى الخبرة منكم