كل مايتعلق بتأشيرة طالب زائر وتأشيرة سائح

السلام عليكم
بالنسبة لي قد قمت بتعبئة الطلب بنفسي...و بالنسبة للمدة للمرافق على حسب المدة الخاصة بيك....و عدم كتابة ما لديك من عقارات لا يؤثر على قرار الفيزا باذن الله... السلام عليكم

hanoover2006 كتب:

السلام عليكم
اليوم قمت بالمقابلة و اي استفسار أنا جاهز و أتمنى أن أفيد السائلين و شكرا...... السلام عليكم

السلام عليكم اخى فى الله
بالله لو ممكن تقوللنا الخطوات من الاف الى الياء كى تكون الصورة واضحة
اقصد لو ممكن ان تقوللنا الابليكاشن الى عبيته كيف درت الموعد وهكدا

نرجو منك الاجابة الشافية اخى الكريم
وجعله نوراا لك تهتدى به يوم القيامة

السلام عليكم

بعد التقديم على الفيزا بامكانك متابعة حالتها واين وصلت الاجرات يعني هل اوراقك مازالت في المكتب ام انه ثم ارسالها لبريطانيا ام انها رجعت وهي جاهزة الخ.... وذلك عن طريق الدخول لهذا الموقع وادخال الرقم الذي يتم تزويدك به مع ايصال تقديم الاوراق .
بعد الدخول للموقع تختار المكان الذي تربد الذهاب اليه وهو بريطانيا هنا والبلد المتواجد بها وتختار ذهاب ثم تختار track your application و تتبع الخطوات
اليكم الموقع https://www.visainfoservices.com اتمنى اناكون افدتكم
والسلام عليكم[b]

السلام عليكم
نبي نسأل كيف نقدر نعبي ابليكيشن للمرافق

اختي daisy87

طبعا زي ما تعرفي,, المرافق يسمح بيه في حالة التاير 4 بس.. و طريقة اختيار النموذج (الابليكشنapplication) للمرافق عن التقديم اون لاين هو كالاتي

current location
اختاري
Libya

country of nationality
اختاري
Libya


type of visa
اختاري
study

purpose of application
اختاري
PBS Tier 4 student


type of application
اختاري
Tier 4 (General) Dependant partner

و لو عندك طفل اختاري


Tier 4 (General) Dependant Child

السلام عليكم
اريد الاستفسار لو خديت تاشيرة طالب زائر ورجعت قبل انتهاء المدة وحصلت درجة الايلتس المطلوبة هل نقدر نحصل التاشيرة تانى فى نفس السنة ؟؟؟؟؟؟؟؟؟؟؟؟؟؟

اكيد تقدري

لو سمحت ياأخ محمد ممكن توضح اكثر ...لأني سمعت انه بالنسبة للمرافقين اللي خشوا بفيزا نوع الزائر مايقدروش ايخشوا لبريطانيا مرة ثانية الا بعد 6 شهور اخرى ...هل ينطبق هذا الكلام حتى لو غيرنا نوع الفيزا يعني جبت الكاس نمبر ونويت انغير نوع الفيزا ومعاي المرافقين ...كيف تكون الالية ...

يا اختي زي ما كتبنا قبل في المنتدى.. خلال فترة ال 6 اشهر حاولتي تحصلي على الاقل 4 في الايلتس.. و بعدها قدمي على التاير 4 من خارج بريطانيا و يقدر يجي معاك مرافقين بدون اي مشاكل... انت المعلومه الكامله توا عندك,, تخشي للنت و تبحثي اكثر حتتشتت معلوماتك و يزيدوا الشكوك عندك.. لهذا الامور اسهل مما تتوقعيها

يا محمد لاصيبعي ...... معلش عالمداخله عندي سؤال بخصوص شيفلد ! قالوا يبعثوا في اوراق القبول عن طريق البريد ومش عن طريق الايميل .... بالله كيف الراي تو واحنا في ليبيا لا بريد ولا واحد .. كيف استلمت القبول .. واذا كان بالدي اهتش ال ... كم يستغرق بالله ؟؟؟؟؟؟؟؟؟؟؟؟؟؟؟؟؟؟؟

اي جهة في شفلد انت تتكلم عليها يا الفتى اللييبي؟ كلية شافلد؟ جامعة شافلد هالم؟ و الا جامعة شافلد؟

يا محمد ..... هذي اللي نحكي عليها
http://www.shef.ac.uk/

لا لا ما تسمعش الدوه,, الاسبوع الي فات حصلت لشخص منها قبول و بعثوهولي على ايميلي..

السلام عليكم
بامكانك البعث لهم بعنوانك و قل لهم بان يبعثوا القبول لك على الدي اتش ال و سوف تصلك الرسالة ان شاء الله..... هكذا فعلت لصديقي و قد وصلته الرسالة خلال اسبوع دون دفع اي رسوم..... السلام عليكم

اجراء زي هدا الانسان مفروض ما يصرفش عليه حتى ربع دينار.. لان ورقة القبول ما عندهاش قيمه.. القبول مشروط يعني التقديم على البعثات و على الفيزا بيكون عن طريق قبول لغه.. لو صكروا دماغاتهم,, توا نعطيك عنواني و اول ما يوصلني القبول نبعثلك نسخه على الايميل

منور خوي محمد وبارك الله فيك ..... اني بعتلهم رسالة قلتلهم ابعثوها على الايميل وانا أنتظر الرد وكيف يصير انقولك ان شاء الله وبارك الله فيك

ممكن نعرف مكان المقابلة هل هو برج طرابلس او مجمع الواحات حي الاندلس لان عندي مقابلة يوم 7-5

مجمع الواحات

السلام عليكم خونا محمد الاصيبعي انا جديد في الموفد ..المهم اني قدمت للفيزا من مصر وردوني وقدر الله وما شاء فعل ..المهم اني نبي ندير مرة تانيه من ليبيا ان شاء الله نبي نسأل عندي قبول من مدرسة كورس انجليزي علي شن نخش بالزبط وشن نختار اي نوع من الفيزا والله تلخبطت ومعاش عرفت او اي حد يعرف بارك الله فيكم ..

نبي نسال علي اما نوع نقدم اني من الفيزا ..علما اني اول مرة بنمشي لبريطانيا بإذن الله ..اني عندي قبول من مدرسة كورس انجليزي اما نوع نقدم من الفيزا والله تلخبطت بارك الله فيكم ..

hanoover2006 كتب:

السلام عليكم
اختي hananali انا لدي قبول لغة و عن طريق رسالة الدعم المالي للفيزا تحصلت على قبول لغة للمرافق ( نحن الاثنان فيزا نوع student visitor visa ) اما ابني

فنوع فيزا child visitor ,,, انا و الزوجة نفس الاوراق السابقة اما الابن فأخذوا صور الجواز و رسالة الدعم و كشف حساب بنكي......

السلام عليكم ..بالله اخينا هانوفر اما نوع عبيته الابليكيشن npbs او pbs بالله ممكن تقولي بالزبط كيف عبيت او اعطيني رقمك بعد اذنك او اميلك بالله نبي نستفسر بالزبط لانه اني ردوني وبارك الله فيك