أسئلة بخصوص اللغة والأيلتس

على هالمنوال مش حتلقى حتى ما تاكلي.. هي المنحه الحاليه و يدوب تسدك في لندن لابال تصرفي منها اكثر من النص على كورس اللغه.. فيه معاهد كويسه هلبا في لندن اختاري الي يعجبك و انسي معهد الجامعه

خلاص التفويض يكون مره وحده,, يعني يرجع الطالب في شهر 9 و يكون عنده رسالة دعم تاشيرة من القسم الثقافي لندن
يقدم بيه على التاشيرة في ليبيا... البعثات لما توصلي لبريطانيا تنقطع علاقتك بيهم الا لو تبي تغيري الساحه

ايه اعتقد ان بعدين لما تغيري التأشيرة فعلا حتكون الإجراءات اسهل واقل مدة

وفوق هذا حتكون عندك خبرة علي التأشيرة والتقديم ليها

وحتى هما معاش تكون عندهم غموض حولك مادام قريتي قبل وجيتي من اليو كي

واتفق تماما مع كلام اخوي محمد

نعم بالامكان ذلك وفيه طلبه غيرو حتى معاهد اللغه بالرغم من اننا سمعنا عندما كنا في ليبيا بان الدراسه تكون بالمعهد الذي منحوك به التاشيرة

هناك معاهد لاعلاقة لها بالكليات كالمعاهد الخاصه وبعض الكليات يوجد بها معاهد لغه ولكن التخصص المطلوب غير موجود بها

اختي اعتقد أنها على حسب ظروف الإجراءات في ذلك الوقت

يعني من الممكن لو تحسنت الأمور في السفارة يمكن تكون في غضون اسبوعين لو كانت اجراءاتك كلها سليمة

ولكن في الأسوأ وحسب ما أتوقف والله اعلم تكون يمكن شهر او شهر ونص

وفي كل الحوال وحتى لو تأخرتي اسبوعين عن بداية الفصل اعتقد الجامعه تقدر ذلك

ونستنوا في آراء أولي الخبرة والتجربة في هالأمر

وأنا على فكرة باني توقعاتي كلها على هذا الأساس يعني أني بنرجع في 8 لليبيا عشان تأشيرة التاير4 إن وفقنا الله بدرجة الآيلس في كورس اللغة المقدم عليه ان شاء الله

المهم انه إجراءات التأشيرة تكوني مجهزتيها في الغالب قبل حتى ما ترجعي لليبيا يعني توصلي لليبيا اغلب مستنداتك تكون واتية فقط اضيفي ما يتعلق بالقبول والآيلس

وفي النهاية نحن نريد وهم يريدون والله يفعل ما يشاء

والله الموفق

وفيك بارك الله ، ووفق الله الجميع

لو مثلا الزوج هو المرافق وضفته في رسالة الدعم المالي للتأشيرة ولكن نبي نحصله قبول بعد انا نوصل لبريطانيا
فهل يجب يمشي معايا في المقابلة؟؟؟؟؟

اي مقابلة تقصدين ؟

مقابلة التاشيره اومقابلة فتح الملف؟

اذا مقابلة التاشيرة فضروري ان يكون معك ويتم حجز الموعد لكليكما في نفس الوقت

وبخصوص القبول للمرافق تستطيعي ان تحصلي له على قبول قبل السفر بالاعتماد على الضمان المالي للتاشيره اما بعد الوصول فلن تحتاجي للضمان المالي للتاشيره ويستطيع المعهد اعطاؤك القبول بصورة من جواز السفر وصورة للتاشيره وبعدها عند فتح الملف يستطيع تقديم القبول والبدء بالدراسة معك وبنفس الوقت ويعطى له ضمان مالي خاص به يذهب به للتسجيل بالمعهد

ان شاء الله موفقة اختي ولجميع الموفدين

وشكرا لأخونا ابو محمد

زى ماقال الاستاد ابو محمد اختيار الكورس يعتمد على مستواك فى اللغة وطبعا قبل ماتبدى الدراسة بديرى امتحان تحديد مستوى وبعدين يحددولك اى مستوى بتقريه ... وبالتووووفيق

اللي عنده معلومة أيفيدنا
ما مدى صعوبة/سهولة الحصول على أربعة ونصف في امتحان الايلس
طبعا عشان انحصل على تأشيرة تاير 4

4.5 ساهلة ان شاء الله

يا أخت لوزا في امتحان ايلتس في بنغازي ولا لا ؟؟؟ إذا كانت الإجابة نعم تقدري تعطينا ارقام تليفوناتهم لان في واجدين يسئلوا عليه ومافيش أي طريقة للاتصال بيهم..

أنا سمعت أنهم كانوا ايديروا فيه في منطقة الفويهات فهل مازالوا قاعدين ولا انتقلوا؟؟؟



__________________________

..رَبَّنَا آَتِنَا فِي الدُّنْيَا حَسَنَةً وَفِي الآَخِرَةِ حَسَنَةً وَقِنَا عَذَابَ النَّارِ..