من الاخير شنو حكاية المرافق؟؟؟؟؟؟؟؟؟؟؟؟؟؟

السلام عليكم نبي الزبدة من الاخير بالنسبة للمرافق في المانيا , هل عادي يكون الاب او الاخ؟؟؟؟؟؟؟؟؟؟؟

لوزا كتب:

هنزد يا خيتي انا صديقتي تحضر في ماجستير في الصيدله كانت مع والدها
بس بعدها تزوجت وسافرت مع زوجها
اعتقد لوكان النظام كيف قبل مفش مشكله

وانقولك حاجه ثانيه خوذي باتك وفوتي خوكي
لان الاخ يمزطك وانت في الغربه والعملية مش ناقصه

يارب انكون فدتك يا خيتي

بارك الله فيك يا لوزا بس والدي ما يبيش يسافر و بعدين فرصة ايحصل دراسة غادي . و بعدين شنو صار فيك في كندا حصلت قبول لغة او اكاديمي

missfreelibya17 كتب:

عن تجربه راهو الاخ مزااااااااااااااااااااط كببببببببد ع قولة الاخت لوزه انا قعدت في استراليا سنة قريب جاته حالة نفسية وخصوصا كانت وقتها الثورة عيني عينك يبي يروح بيا وبيخششني معاه الجبهة >> واول ماتحررت ليبيا رجعنا دغررررى

الخلاصه ان لو الوالد يقدر يمشي معاك احسنلك

عندي منهم اختي ليبا الحرة
انا في اعتقادي الاب خير من الاخ
لان الاخ مايريحش روحه,,,,علي اساس ماشي يقرا
وهو ماشي سياحه وتكحيل

خوذي باتك وفكك من المزاط والقهاير

لوزا كتب:

هنزد يا خيتي انا صديقتي تحضر في ماجستير في الصيدله كانت مع والدها
بس بعدها تزوجت وسافرت مع زوجها
اعتقد لوكان النظام كيف قبل مفش مشكله

وانقولك حاجه ثانيه خوذي باتك وفوتي خوكي
لان الاخ يمزطك وانت في الغربه والعملية مش ناقصه

يارب انكون فدتك يا خيتي

احترمي نفسك ...راعي شعوري..!

لا يُقـــــــــــــــــــــــــــدم "المستحيل" لأجل إنسان لم يفعل من أجلنا" الممكن" !!!
نسال الله العافية.

بعض الاخوات ترفع معاها خوها مرافق ويكون احيانا شاب صغير او حتي مراهق في البداية تمشي الامور تمام وبعد حوالي شهرين الي تلاتة اشهر تبداء عملية الانحراف وكترة طلب المال وتبداء المشاكل بين الطالبة واخيها و منهم من يكون مدخن وهده مشكلة اخري في الدول الغربية حيت غلاء سعر السجائر وبالليبي يوصل سعر القرطاس بعشرة الي 15 الدينار والطامة الكبري في الخمر لو حب يجرب

يا فاهم... لو حب

يبقي خراب بيوت مستعجل

يا اختي بالله عليك ارفعي معاك والدك افضل ليك لأنه انا انوقضك من توا مرات خوك من الضعفاء وقاعد تفكيره سطحي وايديرلك مشاكل هلبة والمشاكل الي حكي عليها الأخ فاهم هي ابسط الاشياء ، وماخفي كان أعظم

والله انا اقسم بالله العظيم نعرف قصص صارت لناس ماشية تقرا معها خوها في الغرب ، والله قصص يشيب لها الطفل ، وينده لها الجبين

وخراب بيووووووووووووووووووت بكل معنى الكلمة

يا اختي اما تمشي مع الوالد حفظه الله ، او ننصحك انسي موضوع الدراسة في الغرب بالله عليك

والله انا كلامي بإعتبار انك اختي في الله ، ونخاف على بنات بلادي

يا اختي لا تضعي مستقبلك في يد شخص مراهق ارجوك

فكري في كلامي بالعقل والمنطق

اللهم إني بلغت ، اللهم فأشهد
اللهم إني بلغت ، اللهم فأشهد
اللهم إني بلغت ، اللهم فأشهد

Jebril M. Neji كتب:

اللهم إني بلغت ، اللهم فأشهد
اللهم إني بلغت ، اللهم فأشهد
اللهم إني بلغت ، اللهم فأشهد

جزاك الله خيراااااا

معليش خوى محمد المرة هذه بنأيد اختى لوزا بشدة مع احترامى الخاص ليك ,وبنقول انى ننصح اى بنت ما تمشيش مع خوها لاى دولة غربية او عربية مشهورة بالفسق والفجور.
ونصيحة تانية لاخواتنا الموفدات بلاش منه الايفاد كان مالقيتى مع من تمشى .
ونصيحة ثالثة خوك خليه يمشى معاك ليلة عرسك لما بيوصلك لحوش العريس والباقى ما يجى منه الا المشاكل. مع احترامى لكل اخ مخلص.

والله كان اختي تسمع الكلام هذا ...تفوت الايفاد بكل...!

لكن صوابع يدك مش زي بعضهن..!

Jebril M. Neji كتب:

يا اختي بالله عليك ارفعي معاك والدك افضل ليك لأنه انا انوقضك من توا مرات خوك من الضعفاء وقاعد تفكيره سطحي وايديرلك مشاكل هلبة والمشاكل الي حكي عليها الأخ فاهم هي ابسط الاشياء ، وماخفي كان أعظم

والله انا اقسم بالله العظيم نعرف قصص صارت لناس ماشية تقرا معها خوها في الغرب ، والله قصص يشيب لها الطفل ، وينده لها الجبين

وخراب بيووووووووووووووووووت بكل معنى الكلمة

يا اختي اما تمشي مع الوالد حفظه الله ، او ننصحك انسي موضوع الدراسة في الغرب بالله عليك

والله انا كلامي بإعتبار انك اختي في الله ، ونخاف على بنات بلادي

يا اختي لا تضعي مستقبلك في يد شخص مراهق ارجوك

فكري في كلامي بالعقل والمنطق

والله جبريل كلامك كيف الشهد وعين العقل وهو الكلام الصحيح
لو فرضنا الاخت تاخذ خوها,,,حيتغير الوضع لان في ليبيا
مفش فرص انحراف كبيرة كيف في الخارج
وانا والله العظيم ننصح كل بنت موفده بأن تاخذ الاب
ولو مافي غير الاب ,,ياريت تنسي موضوع الايفاد من الاساس
والله انا نعرف قصص بس اخلاقنا كليبين تمنعنا نسردوها في المنتدي
تجعل اي اب لا يسمح لاخ بسفر مع اخته,,,واللبيب من الاشارة يفهم

يا اختي الايفاد مش نهاية الدنيا ولا هو السعاده الحقيقيه
وانما هو وسيله وليست غايه,,,وخطأ ان الغاية تبرر الوسيله
لو ما حصلتي زوج يخاف ربي او اب ناضج
فاعلمي انك تلعبي بالنااااااار,,,,وهذا عن تجربه حبيبتي

فاهم كتب:

يبقي خراب بيوت مستعجل

خراب بيوت...علي مستوي
في سبيل انها تاخذ شهاده من بره في التعليم
خوها ايجيب معاه شهادة في الانحراف!!!

bwithme كتب:

معليش خوى محمد المرة هذه بنأيد اختى لوزا بشدة مع احترامى الخاص ليك ,وبنقول انى ننصح اى بنت ما تمشيش مع خوها لاى دولة غربية او عربية مشهورة بالفسق والفجور.
ونصيحة تانية لاخواتنا الموفدات بلاش منه الايفاد كان مالقيتى مع من تمشى .
ونصيحة ثالثة خوك خليه يمشى معاك ليلة عرسك لما بيوصلك لحوش العريس والباقى ما يجى منه الا المشاكل. مع احترامى لكل اخ مخلص.

يسلم فمك,,,,ابدعت
وبالنسبه للعرس مفش داعي يوصلني,,,ههههههههههههههه

الاخ ممنوع في المانيا هذه الزبدة و الالمان يديروا المستحيل باش ماياخدش الفيزا

محمد المسماري كتب:

والله كان اختي تسمع الكلام هذا ...تفوت الايفاد بكل...!

لكن صوابع يدك مش زي بعضهن..!

لالالا ياراجل
الايفاد نتيجة تعبها كيف تفوته
اصلا ادارة البعثات هذا اللي تبيه
لكن زي ماهما قاعدين زي الشوكة في موضوع الايفاد
اقعدلهم حتى انت زي الشوكة في رقبتهم

mond كتب:

محمد المسماري كتب:

والله كان اختي تسمع الكلام هذا ...تفوت الايفاد بكل...!

لكن صوابع يدك مش زي بعضهن..!

لالالا ياراجل
الايفاد نتيجة تعبها كيف تفوته
اصلا ادارة البعثات هذا اللي تبيه
لكن زي ماهما قاعدين زي الشوكة في موضوع الايفاد
اقعدلهم حتى انت زي الشوكة في رقبتهم

حال الود والغايه نريد نمشي توا قبل بكرا...! لكن البنات وجعن بطني..!

ياجماعة خايلتوني

السؤال عن المانيا والمرافق قالولك مستحيل
فكري في الاب العم، ورب خير جايلك في الطريق ، قصدي احسن نوعيات المرافق

وموضوع الاخ ،بصفة عامة تعتمد ع تفكير الاخ... في خوت ماشاء الله في الوطن والغربة عزوة ومايضحكن وراهم سنون.... وفيه خويت يالطيف مايهنيك حتى على جيبة خبزة ... الغربة واعرة وتبي راجل راجل
مرات الزوج على قولة لوزا مزاااط كبيدة ، نسمعوا في قصص يكرها في الايفاد وساعتها
يعني من الاخير تعتمد ع تفكير الاخ ورزانته

وبالمناسبة يانسة ليبية الحرة عاجبني خوك ... وتحياتي ليه... اللي فزع ليبيا وسيب رفاهية دولة اوربية عشانها ... اخته ماتنهاس..... ليبيا تريس

طبعا عجبك الكلام يا لوزا لكن حتى اكون منصف.والله حتى المشى مع الخوات تمزيط فى تمزيط.وانى نعرف خوت سافرو مع خواتهم وهما كويسين لكن خواتهم قالباتها نكد وحتى الماكلة ما اطيب فيها .ومشاكل ووجع راس .ولهذا حتى الاخ انقوله رد بالك ترفع اختك معاك كان عندك ايفاد ,حتى يوم عرسك راك تخليها تمشى لاهل العروس لانها بتخرب العرس وبتطلع.
مع احترامى للاخوات المخلصات

bwithme كتب:

طبعا عجبك الكلام يا لوزا لكن حتى اكون منصف.والله حتى المشى مع الخوات تمزيط فى تمزيط.وانى نعرف خوت سافرو مع خواتهم وهما كويسين لكن خواتهم قالباتها نكد وحتى الماكلة ما اطيب فيها .ومشاكل ووجع راس .ولهذا حتى الاخ انقوله رد بالك ترفع اختك معاك كان عندك ايفاد ,حتى يوم عرسك راك تخليها تمشى لاهل العروس لانها بتخرب العرس وبتطلع.
مع احترامى للاخوات المخلصات

صدقت ...
... :::ttt