من الاخير شنو حكاية المرافق؟؟؟؟؟؟؟؟؟؟؟؟؟؟

أختي msmiley
أناأ دعوا لك بالخير والتوفيق .. وقلت لك أني أنصحك ﻻ أكثر .. مش بس ﻷني أكبرمنك سنا .. ولكني أكثر منك خبرة ولقد درست في جامعة ليبية وحاليا أنا أدرس في جامعة ألمانية ورأي هذا كونته من واقع خبرتي الحياتية والعملية


أخت جنات
ماذا تقصدي بسؤالك؟ على يجوز شرعا أم هل هو ممكن من ناحية الاجراءات؟

بنسه لي كلام اختي متوكله الحق كلامه مزبوط و بنسه لي المانيا الحق صعب في حياه و الدرسه بس الحق نقوله في مجال الطب من احسن الدول و الجامعات في العالم انا ننصح اي حد مجال الطب او الاسنان انا يخد الساحه المانيه بحق ناس متطور في مجال الطب هلب هلب بس

محمد لاصيبعي كتب:

ايه لكن كيف بتعرف السفاره انك انت صاحبة الايفاد و خوك هو المرافق مادام كل واحد فيكم برسالة الدعم المالي الخاصه بيه؟؟؟؟ راجعوا البعثات و خليهم يعطوكم رسالة دعم مالي ليك و لخوك بدون ذكر ان هو المرافق, يعني و كأنه كل واحد فيكم بيمشي بروحه, في الحاله هدي السفاره بتعاملكم كأنكم طلبه و مش حتلقى اي سبب ترفضكم عليه...

كلامك صح بخصوص انهم مش حيعرفو لو كل واحد قدم بروحه بس اليوم بالتمام مدير ادارة البعثات قال مش ممكن نعطي للمرافق رسالة دعم خاصة بيه دون الاشارة للموفد و هذا يعتبر خرق للقانون و ممكن يسبب مشاكل في الادارة

تحياتي

باهي قوليله شن الفرق و كيف الحل و انتم قعدتوا في النص بين السفاره و البعثات؟ قوليله لو رافض هذا الشي يا ريت تعطينا حل اخر يقنع السفاره؟؟ في كل الاحوال المرافق مش حيزيد و لا ينقص عليه اي شي حتى لو ما تمش الاشاره في رسالته انه مرافق ,,, راجعوه و مش لو قال لا يعني مش حيغير رايه,, انا تلاقيت معاه اكثر من مره و نعرف هلبا طلبه قدروا يقنعوه باشياء هو كان رافضها اساسا,,,

اعتقد ان الحل بين ايديكم توا و ما يحتاجش الامر الا بعض النقاش المطول مع الزبير و بن طاهر حتي يفهمو المشكله و انا متأكد انهم حيوافقوا بعد الالحاح

و لكن يا أخي ليس الموضوع سهل كما تتصور لأن الدعم المالي للمرافق الذي تحصلنا عليه يشمل تكاليف الدراسة و التأمين الصحي دون منحة شهرية خاصة به بل يضم مع منحة الموفد و هذا ما يؤدي إلى إشكال في إتمام إجراءات التأشيرة التي تطلب من المتقدم أن يكون لديه حساب خاص به بمرتب شهري لذا لايمكن للمرافق(أب أو أخ) التقدم للسفارة كموفد لأنه لا يتميز بكل ميزات الموفدين

عندك الحق الموضوع متشعب هلبا نسأل الله ان يفرج عليكم

من الاخير واحد يقلب وجهه من هالبلاد الفاسدة ارجل

المشكلة في العقول مش في القدافي ، كان العقول باهية ونيتها حسنة راهو القدافي ماقعدش 4عقود

حسبنا الله ونعم الوكيل

بالله عليكم جاوبوني
قصدكم نقدر اندير رسالة دعم مالي لخوي ورسالة دعم مالي لمرته وكل واحد يعطوه منحة بروحة ؟؟؟
سئلتكم بالله جاوبوني

ايه تقدري تقدمي في رسالة دعم مالي لخوك وتقدري تقدمي في رسالة دعم مالي لمرت خوك .. لكن هكي اختك بتزعل وبتقول فضلت مرت خوي عليا ولدلك بتقدمي في رسالة دعم مالي لاختك .. وشني اختك خير من باقي العيلة .. قدمي في رسالة دعم مالي لكل العائلة وماتنسيش الاقارب والجيران والاصحاب وعابري السبيل

موند
زعلتني

تكبري وتنسي

الله يهديكم شوفولها مرافق وبلاش قصة خاها ومرت خاها.
أول مرة نشوف وحدة قلبها على مرت خاها هكي.
فيه اللي ممكن تضحي بالأيفاد ولا تحصل مرت خاها وراها خير.

صحيح من ليبيا ياتي الجديد

الغريق يتعلق بقشة

جنّات كتب:

الغريق يتعلق بقشة

جنّات كتب:

بالله عليكم جاوبوني
قصدكم نقدر اندير رسالة دعم مالي لخوي ورسالة دعم مالي لمرته وكل واحد يعطوه منحة بروحة ؟؟؟
سئلتكم بالله جاوبوني

رسالة الدعم حتكون لصحاب القرار و للمرافق لكن المنحه حتنزلكم مع بعض

شكرا على الاجابة

mond كتب:

ايه تقدري تقدمي في رسالة دعم مالي لخوك وتقدري تقدمي في رسالة دعم مالي لمرت خوك .. لكن هكي اختك بتزعل وبتقول فضلت مرت خوي عليا ولدلك بتقدمي في رسالة دعم مالي لاختك .. وشني اختك خير من باقي العيلة .. قدمي في رسالة دعم مالي لكل العائلة وماتنسيش الاقارب والجيران والاصحاب وعابري السبيل

كلام مزبوط وخاصة عابري السبيل

بالتوفيق لكل المرافقين ان شاء الله

ربي يسمع منك عبد الناصر