بخصوص الأوراق المطلوبة للتاشيرة البريطانية

الجهمي كتب:

شكرا اخي محمد بارك الله فيك
عندي سؤال اخر بس مش عارفه وين نكتبه اني ممكن نطرحه هنا ولو مش المكان المناسب وضوحلي وين نطرحه وسؤالي كالأتي:
اني ليا فتره راجعه من بريطانيا بسبب بعض الظروف اني ما درتش اجراءتي بسرعه متاع التقديم علي التير 4 واني توه ليا اكثر من 10 شهور في ليبيا وسؤالي بخصوص ملفي في الملحقيه حيقعد مفتوح وامتي ما نرجع لبريطانيا حنلقه مفتوح و مش حيكون في مشكله؟؟ مع العلم اني تواصلت من خلال الملف الألكتروني بالمشرف نسأل فيه عن ملفي في الملحقيه لعند امتي يظل مفتوح؟؟ ما فيش رد؟؟
شكرا

ماهو الإجراء عند السفر إلى ليبيا لمدة أكثر من 6 أشهر

هل هناك اي شروط اخرى في الصورة المطلوبة ضمن مستندات تير4 بالاضافة الى شروط معروفة وبديهية (بخلفية بيضاء ومقاس 4.5×3.5 سنتيمتر وطبعا منظر امامي للوجه بدون تغطيته...الخ)؟ احيانا يكون من الشروط ان يكون الراس ظاهر بحجم معين او ان يظهر الكتف او لايظهر هل من شروط دقيقة كهذه؟

السلام عليكم
أن اشتغل في شركة خاصة ونخلص نقدي (كاش) و لدي حساب لاكن مش متحرك يوجد به 18 دينار حاليا.
الشركة قامت بإعطائي رسالة و هذا مضمون الرسالة :ان اشتغل من فترة كدا و مرتي ناخد فيه كاش و ان الشركة مسؤولية عليا من ناحية المعيشة و السكن في حالة تاخير المنحة ، واعطتني اجازة بدون مرتب طيلة فترة دراستي في بريطانيا ، علي ان اعود الي العمل في الشركة عند انتهاء فترة الماجستير.
و ستقوم بإعطائي كشف حساب الشركة .
هل هذا يفي بالغرض ام احتاج الي كشف حساب أو عقد رسمي بيني و بين الشركة في محرر عقود..
بارك الله فيكم

Mohamed Elkeeeb كتب:

السلام عليكم
أن اشتغل في شركة خاصة ونخلص نقدي (كاش) و لدي حساب لاكن مش متحرك يوجد به 18 دينار حاليا.
الشركة قامت بإعطائي رسالة و هذا مضمون الرسالة :ان اشتغل من فترة كدا و مرتي ناخد فيه كاش و ان الشركة مسؤولية عليا من ناحية المعيشة و السكن في حالة تاخير المنحة ، واعطتني اجازة بدون مرتب طيلة فترة دراستي في بريطانيا ، علي ان اعود الي العمل في الشركة عند انتهاء فترة الماجستير.
و ستقوم بإعطائي كشف حساب الشركة .
هل هذا يفي بالغرض ام احتاج الي كشف حساب أو عقد رسمي بيني و بين الشركة في محرر عقود..
بارك الله فيكم

وعليكم السلام

على نوع تأشيرة مقدم لو تير-4 مش محتاج هذا كله ولو طالب زائر الرفض عالي جدا هذه الأيام وممكن تقدم هذه الرسائل من العمل ويكتبوا أنهم يعطوا فيه كاش ولكن لا أعتقد أنه يكفي لأنه تحتاج أن تثبت لهم أنه لديك قدرة مالية لتصرف على نفسك في حالة المنحة انقطعت عليك لأي سبب وأنه لديك أملاك أو أي شئ في ليبيا سترجع له وبعد هذا كله مازالت نسبة الرفض 50%.

هل يجب ان تكون جميع الاوراق اصلية للتقديم للتأشيرة ............... هل يمكن ارفاف " افادة عقارية " نسخة طبق الاصل مترجمة ؟ وشكرا

نعم اخي اي ورقة يجب ان تكون اصلية ومع ترجمته .

مثل افادة التخرج و كشف الدرجات , شهادة الميلاد , كشف الحساب , وحتى شهادة الملكية

الخاصة بالعقار , ورسالة العمل وشهادة المرتب الخ

السلام عليكم ورحمه الله
سمعت ان في مستند جديد لطلب تأشيرت التير 4 وهوالحاله الجنائيه فهل يتوجب فعلا تجهيزها؟؟ او انها مجرد حكي؟؟
ايضاً كيف ممكن نعرف ان رسوم الدراسه الاكاديميه اللي طلبتها الجامعه ظمن حدود دفع الملحقيه؟؟
شكرا

الجهمي كتب:

السلام عليكم ورحمه الله
سمعت ان في مستند جديد لطلب تأشيرت التير 4 وهوالحاله الجنائيه فهل يتوجب فعلا تجهيزها؟؟ او انها مجرد حكي؟؟
ايضاً كيف ممكن نعرف ان رسوم الدراسه الاكاديميه اللي طلبتها الجامعه ظمن حدود دفع الملحقيه؟؟
شكرا

وعليكم السلام ورحمة الله

لم نسمع بهذا الكلام
أبعثي لمشرفك القبول وهو يقولك.

بارك الله فيكم على الشرح والتوضيح وجزاكم الله خيرا

انا موفد علي حساب الدولة الأوراق الأزمة حساب علمي هي :ايفادة التخرج و الدعم الفيزا والمالي من البعتاث
وشهادة الميلاد
هل يلازم تصوير الأوراق كلها وكم نسخة

ولد ويف كتب:

انا موفد علي حساب الدولة الأوراق الأزمة حساب علمي هي :ايفادة التخرج و الدعم الفيزا والمالي من البعتاث
وشهادة الميلاد  
هل يلازم تصوير الأوراق كلها وكم نسخة

الأوراق تعتمد على نوع التأشيرة وأعتقد ناقصات أوراقك شوف هذا الموضوع

موضوع شامل وسهل وبسيط عن كيفية التقديم علي التأشيرة البريطانية 

اخي ابو محمد حياك الله ... باهي كيف نعرف اما تاشيرة افضل ليا علما باني اعزب وتحصلت علي رسالة الدعم المالي بس متلخبطة عندي ما عرفتش

ali alkrami كتب:

اخي ابو محمد حياك الله ... باهي كيف نعرف اما تاشيرة افضل ليا علما باني اعزب وتحصلت علي رسالة الدعم المالي بس متلخبطة عندي ما عرفتش

ملخص كيفية اختيار نوع التاشيرة البريطانية (لو لاترغب في قراءة مواضيع المنتدى شوف هذا قبل)

السلام عليكم
لدي عده استفسارات :
منحتني الجامعه قبول اكاديمي مشروط ب 7 شروط من اهمها درجه الايلس ست ونص وكذلك رسالتين تزكيه وغيره من الشروط وبعده بعثتلي قبول لكورس لغه اكاديمي اللي هو برسيشينال كورس وبعدها بعثتلي الكاس نمبر لدراسه اللغه الاكاديميه...فسؤالي هل لما نقدم اوراقي للفيزا نقدم القبول الاكاديمي المشروط او اني نقدم بس الكاس نمبر لدراسه اللغه الاكاديميه ؟؟مع العلم قالولي الكاس نمبر اسحبيه من الايميل عادي وقدميه من ضمن اوراق الفيزا؟؟ فهل فعلا لو سحبت الكاس نمبر من الايميل حيكون الاجراء سليم؟؟ وفي حال ان الاجراء عباره عن اني نسحب الكاس نمبر فقط هل يلزم اني نقدم مع مستندات الفيزا رسائل التزكيه ومقترح الرساله متاعي اللي هم يعتبروا من ضمن الشروط في رساله القبول الاكاديمي المشروط؟؟ اتمني الايفاده بارك الله فيكم


تحياتي

بعد التحية:
اولا ما نوع التأشيرة التي تنوي تقدمي عليها تير 4 والا طالب زائر.
فاذا كانت تاشيرة تير 4 فتحتاجي الى امتحان ELST بدرجة 4 وتحتاجي الى الكاس نمبر والدي يمكن سحبه من الاميل ... انا متحصل على تاشيرة تير 4 وسحبت الكاس نمبر من الاميل وعادي قبوله.... اما القبول المشروط فيستحسن الحصول على قبول اكاديمي مشروط فقط باللغة فقط وتقديمه عادي .... ما نعرف من قبل قبول اكاديمي مشروط ب7 شروط......وشكرا

شكرا اخي محمد احمد علي ردك..وبارك الله فيك
انا تحصلت علي قبول أكاديمي مشروط باللغه وايضاً شرطين فيه رسالتين تزكيه والدعم المالي ومقترح الرساله وموفقه الطالب...بعثتلهم كل حاجه يبوها بعدها بعثولي قبول لغه اللي هو برسيشينال كورس وبعدها الكاس نمبر....وانا توه حنقدم علي تأشيرت التير 4 وعندي نتيجه امتحان الايلس 6 وانا سؤالي شن نقدم هل نقدم الكاس فقط او نقدم رساله القبول متاع اللغه او رساله القبول متاع الدراسه الاكاديميه ونحط معاهم المقترح ورسائل التزكيه او لا ؟؟؟ وشكرا

السلام عليكم...اني موعدي قريب في سفاره لتقديم علي التير 4... وعلشان هكي انا نسأل واجد معليشي سموحوني...
اني رساله الدعم المالي اللي عندي من السفاره من شهر 12 في سنه 2013 وبصراحه الي الان مفش تجاوب من المشرف ان يبعثلي رساله جديده فهل لو قدمت رساله الدعم واللي هي تاريخه قديمه حتكون مشكله او لا مفش مشاكل ان شاءالله..
مع العلم خذيت من رساله دعم لغرض الفيزه جديده .
ارجو الافاده وشكرا
مع العلم ان رساله الدعم لغرض الفيزا تصدر من قسم البعثات اللي في الجامعه وموقعه من رئيس الجامعه وقالولي عادي نحن نشتغلو فيهن من سنه بهذا الشكل...لاني نذكر لما سفرت المره الاوله رساله الدعم المالي لغرض الفيزا كانت من طرابلس وبتوقيع مدير قسم البعثات اللي في طرابلس

بعد التحية
صعب نجاوب على هذه الاسئلة.... الدي نرته اني جبت قبول لغة + قبول دراسة مشروط بالايلس 6.5 وقدمته الى السفارة... وتحصلت على التاشيرة ... بخصوص التزكية و والمقترح الدي نعرفه الحاجات هذه تقدم الى الجامعة مش السفارة... والله اعلم ..... وبالنسبة لرسالة الدعم المالي يهمهم جدا التاريخ .... انا بعت رسالة الدعم المالي الي الجامعة بدون تارريخ ردوها على وقالو اكتب فيها التاريخ ... والله اعلم.

شكرا اخي محمد بارك الله فيك وان شاءالله في ميزان حسناتك

نامل لك التوفيق

الجهمي كتب:

السلام عليكم...اني موعدي قريب في سفاره لتقديم علي التير 4... وعلشان هكي انا نسأل واجد معليشي سموحوني...
اني رساله الدعم المالي اللي عندي من السفاره من شهر 12 في سنه 2013 وبصراحه الي الان مفش تجاوب من المشرف ان يبعثلي رساله جديده فهل لو قدمت رساله الدعم واللي هي تاريخه قديمه حتكون مشكله او لا مفش مشاكل ان شاءالله..
مع العلم خذيت من رساله دعم لغرض الفيزه جديده .
ارجو الافاده وشكرا
مع العلم ان رساله الدعم لغرض الفيزا تصدر من قسم البعثات اللي في الجامعه وموقعه من رئيس الجامعه وقالولي عادي نحن نشتغلو فيهن من سنه بهذا الشكل...لاني نذكر لما سفرت المره الاوله رساله الدعم المالي لغرض الفيزا كانت من طرابلس وبتوقيع مدير قسم البعثات اللي في طرابلس

وعليكم السلام
سؤالك مش واضج أنت كاتبة أنه عندك رساله دعم مالي من السفارة من شهر 12 في سنه 2013 وفي نفس الوقت كاتبة أنك خذيتي  رسالة دعم لغرض التأشيرة جديدة. باهي الرسالة الأخيرة فهمنا من تعليقك في موضوع ثاني أنها من الجامعة ولكن القديمة شنو قصتها هل كنت في بريطانيا ورجعتي ليبيا وخذيتي رسالة دعم تاشيرة من الملحقية في لندن؟ عموما من فترة أكثر من سنة الجامعات يصدروا في الرسائل وعادي ولكن أهم شئ مايكون تاريخها أكثر من 4 أشهر ويذكر فيها قيمة المنحة ولو لديك أكثر من مرافقين معناها لازم أيضا من تقديم كشف حساب يغطي العجز في المنحة. والرسالة القديمة ماتقدميها عشان ماتخشي في مواضيع ثانية ويفضل لو عندك ملف تخلي المشرف يبعثلك رسالة جديدة ولو بالإيميل ويكتب فيها رقم المنحة ضروري.

السلام عليكم .. هل مازال الرفض كاثر لتاشيرة التير4 .. لدي موعد قريب للتاشيرة ومعي اخي ارجو الرد وشكرا

السلام عليكم
ممكن نسأل بخصوص الجزئيه الجديده اللي تم اضافتها من الهوم اوفس في الابليكيشن
وهي ظريبه الخدمات الصحيه...
انا دخلت وسجلت وبعثولي رقم immigration health surcharge referencr number
بس مش عارفه اذا كنت محتاجه ندفع اون لاين اولا مع العلم ان الكاس نمبر متاعي للبرسيشينال كورس شهرين ؟؟وانا مش عارفه انا كتبت
referencr number
كتبت الرقم في ورقه الابليكشن بس مش عارفه هل محتاجه ندفع اون لاين او لا
اتمني الافاده
شكرا

الجهمي كتب:

السلام عليكم
ممكن نسأل بخصوص الجزئيه الجديده اللي تم اضافتها من الهوم اوفس في الابليكيشن
وهي ظريبه الخدمات الصحيه...
انا دخلت وسجلت وبعثولي رقم immigration health surcharge referencr number
بس مش عارفه اذا كنت محتاجه ندفع اون لاين اولا مع العلم ان الكاس نمبر متاعي للبرسيشينال كورس شهرين ؟؟وانا مش عارفه انا كتبت  
referencr number
كتبت الرقم في ورقه الابليكشن بس مش عارفه هل محتاجه ندفع اون لاين او لا
اتمني الافاده
شكرا