الجهمي كتب: السلام عليكم ورحمه الله
عندي كم سؤال بخصوص تأشيرات التير 4
1- من ظمن المستندات المطلوبه لتير 4 هي شهاداه مرتب وانا كنت بره بتأشرت طالب زائر ومرتبي حالياً في شهادات المرتب حيكون 25% فهل لما نقدمها للتأشيره حتشكل مشكله؟
2- بخصوص شهاده الميلاد وشهاده الوضع العائلي: سمعت بعد 6 من استخراجها معش تكون ساريه المفعول ويلزم نستخرج وحدات جدد ونترجم من جديد مع ان وخاصه شهاده الميلاد شهاده ثابته ومضمونها ثابته فهل ضروري اندير وحده جديده بعد 6 شهور من استخراجها؟
3- بالنسبه لكشف الحساب اني حسابي ضعيف فهل ممكن نعرق قد ايش الحد الادني اللي يكون في حسابي؟؟ ونفكر نحط قيمه فيه دفعه وحده ..عادي؟؟
شكرا
وعليكم السلام ورحمة الله : ان شاء الله سأجيب عن اسألتك بعد تجربة ومش عارف الامور مرات تمشي ومرات لا زي ما تعرف على حسب الموظف يلي بيتعامل مع اوراقك وكذلك ظروف المرحلة يلي بتقدم فيها ولكن على حسب تقديمي للمرة الاولى على التاير 4
1- طبعا بنفس حالتك بالتمام قدمت نفس شهادة مرتب يلي خديت بيها تاشيرة ستيودنت فيزيتور المرة الاولى من غير حتى ما نغير التاريخ يعني هيه نفسها خديتها وحطيتها مع الاوراق.
2- لا ابدا انا اللي درت بيهم ستيودنت فيزيتور كان عمرهم سنة وقدمت بيهم هما نفسهم مرة ثانية في التاير 4 وعادي مشت الامور ولله الحمد .
3- الحقيقة هي مفيش حد ادنى ولا حد اعلى للكشف حساب واصلا هوا مادام انك تاير4 وموفد من الدولة ان شاء الله ما تحتاجه ولكن كنصيحه مني حط كشف حسابك يلي في بريطانيا مايهمش اذا كان فيه هلبة او لا المهم انه فيه حركة منحة نازلة بشكل دوري وحساب تمام ورد بالك خوي من المبلغ الفجائي تحطه دفعه وحده وخصوصا لما يكون كبير يعني لو متحطش بكل كشف حساب افضلك من تحط كشف حساب بمبالغ مشبوهة
وفي النهاية اجاباتي اجتهاد شخصي من تجربتي الشخصية والله هو وحده يلي يسخر الامور المهم اجتهد بالدعاء ان كان ليك فيها خير ربي ييسرها ويسخرها لك وان شاء الله حتكون لك بعونه تعالى وقدر الله وماشاء فعل والحمد لله على كل حال
والسلام عليكم
_______________________________أذا لم تجد عدلا في محكمة الدنيا ، فارفع ملفك لمحكمة الآخرة فان الشهود ملائكة والدعوى محفوظة والقاضي أحكم الحاكمين
