تغير من معهد الى معهد

السلام عليكم
سؤال بالله ارجو الاجابة عليه لو امكن
انا تحصلت على قبول لغة فى معهد ec فى مدينه برايتون لمدة 36 اسبوع تمام
هل نقدر لما نمشى بريطانيا وخصوصه لدى المعهد انى نقدم على تغير ؟؟ نبى نحول لى مدينة تانيه

شن اندير ؟؟ نقدم طلب للمعهد طوول ولا نقرا اسبوع او اسبوعين وبعدين نحول

مع انى لما نقرا فى المواضيع المختصه يقولو انه السفارة تدفع كل تلات شهور

بالله الى عارف ومجرب يقولى

لانى هلبا شباب مانصحونيش بمدينة برايتون
وشكراا

ارجو الرد

عدل سابقا من قبل sky_libya في السبت 30 يونيو 2012, 5:31 pm عدل 1 مرات

السلام عليكم ورحمة الله وبركاته

انا غيرت من مدينة برايتون الى كارديف ومن غير اى مشاكل طبعا بعد ما وافقلى المعهد الاول ونوع تاشيرتى طالب زائر 11 شهر

wbn83 كتب:

السلام عليكم ورحمة الله وبركاته

انا غيرت من مدينة برايتون الى كارديف ومن غير اى مشاكل طبعا بعد ما وافقلى المعهد الاول ونوع تاشيرتى طالب زائر 11 شهر

أمتى غيرت؟

اسلام عليكم

لقد تحصلت على قبول من جامعة مشروط حيث ادرس باقى المدة من الغة فى نفس معهد الجامعة

هل هدا لا يؤثر على الفيزا و لا يسبب لى اى مشاكل

اسلام عليكم

سؤالك غير واضح

عدل سابقا من قبل ِAbu Mohamed في الثلاثاء 10 يوليو 2012, 9:16 pm عدل 1 مرات

السلام عليكم ورحمة الله وبركانه

غيرت يوم 4-4- 2012
والمعهد الجديد كلموا الهوم اوفس وعطوهم علم انى غيرت ومشت الامور تمام

wbn83 كتب:

السلام عليكم ورحمة الله وبركانه

غيرت يوم 4-4- 2012
والمعهد الجديد كلموا الهوم اوفس وعطوهم علم انى غيرت ومشت الامور تمام

السلام عليكم اخى السؤال هل غيرت اول ماوصلت و قريت فى المعهد وبعدها غيرت ؟؟؟

الانتقال من معهد الى اخر عادى لا يسبب اى مشاكل يعنى استطيع ان انتقل من ناحية الفيزة او المعهد الاول الدى حصلت على القبول منه

و اشى اتانى القبول فى الجامعة

عندما اتحصل على قبول من جامعة مشروط بحيث اكمل باقى مدة الغة فى المعهد الخاص بى الجامعة التى سوف ادرس فيها فى هده الحالة تكون نسبة الايلس اقل من القبول مباشر هل هدا صحيح

حسب علمى انه تقدر اتغير لكن لازم تاخد رسالة من المعهد الدى تحصلت على قبول منه يعنى تتفاهم معهم

وقلولك برا فى حالك عادى لنك لم بتمشى الى المعهد الاخر بشوف الفيزا و فى هده الحالة يبو ارسالة من المعهد الاول

و الله اعلم

انصحك جيب امعاك قبول احتياط

عدل سابقا من قبل ِAbu Mohamed في الثلاثاء 10 يوليو 2012, 9:18 pm عدل 3 مرات (السبب : خطأ مطبعي)

غالبا صح (حسب الجامعة)

عدل سابقا من قبل ِAbu Mohamed في الثلاثاء 10 يوليو 2012, 9:21 pm عدل 1 مرات

بارك الله فيك اخى ابو محمد

حصلت قبول من معهد لغة وماكانش عندي عليه معلومات كويسة.... لكن سمعت عليه انه مش هذاك المستوى يعني فيه هلبا احسن منه..... تحصلت علي تاشيرة طالب زائر وقدمت القبول هذا لكن من غير كيس نمبر.....
سؤالي هل نقدر انغير المعهد قبل لا نفتح ملف في السفارة..... يعني الفيزا متاعي ماتتاثرش لو غيرت المعهد؟؟؟

اعتقد مرة بالمنتدى لقيت نفس التساؤل لأحد الموفدين وكانت الاجابة من الأخوة الأفاضل

انه عادي تقدري تغيري ولكن لازم اتديري موافقة من المعهد الأول قبل

وتقريبا هما مش حيقولوا لا

والله أعلم

بالله عليكم يا اخواني اشيرو عليا.... راني تعبانة نفسيا....
حصلت قبول من معهد لغة في شيفيلد ماعنديش عليه معلومات تبين انه مش هذاك المستوى اسمه مؤسسة هادفيلد درت بيه اجراءاتي في تاشيرة طالب زائر.... فكرت نقرا فيه عالاقل 3شهور وبعدين نقرا3 شهور في معهد كويس بعد لا نشوف البلاد ونتعرف عالاماكن....

المشكلة اني ماشية مع زوجي وصغاري وتاشيرتي ضايع منها مدة يعني مانقدرش نقراكورسين كاملات.... مش عارفة كيف بندير كان قريت فيه الوقت قصير وخايفة مانتوفقش في قرايتي وكان حولت منا خايفة اتصيرلي مشكلة في التاشيرة..... كيق الراي؟؟؟

قبولي يبدا يوم 10-12 وبداية الصرف 1-1 يعني مانقدرش نمشي قبل بداية الصرف..... وكان بنطلب منهم تاجيل والا نعتدر منهم خايفة نتورط معاهم وماعاش نقدر انحول منهم والا يلغولي تاشيرتي علما بانها من غير كيس نمبر......

بالله عليكم قولولي كيف اندير والله قريب يركبني الضغط من كثر الهم الي فات عليا.....

السلام عليكم ورحمة الله وبركاته

لو تاشيرتك تاشيرة طالب زائر تقدرى تغيرى معهد اللغة انا وصديقى غيرنا المعهد بعد ما خدينا منهم ورقة تسمح لنا بالانتقال الى اى معهد اخر واهم شى لما تغيرى للمعهد التانى ضرورى تقوليلهم يكلموا الهوم اوفس انك سجلت عندهم

ملاحضة : صديقى كانت عندا فيزة طالب زائر 6 اشهر وتمت المدة متاعها ورجع لليبيا وخدا فيزة طالب زائر 11 شهر من غير اى مشاكل بعد ماعطاهم ورقة موافقة المعهد الاولى وورقة الدعم المالى من السفارة الليبية ببريطانيا وكشف حساب من المصرف وورقة قبول اللغة الجديد

الشروط هي رسالة موافقة من المعهد؟؟هل من السهل الحصول عليها؟؟؟ وهل مطلوب مبررات من اي نوع؟؟
باهي انا قبولي يبدا يوم 10-12 واني بنمشي ان شاء الله بداية العام الجديد.... نطلب منهم يمددولي وبعدين بعد لا نوصل غادي نقوللهم ماصارليش قراية عندكم؟؟ والا كيف بالضبط؟؟
والا اندير قبول من مكان ثاني في اول شهر يناير.....زعمة مافيش مشكلة في المطار مع ضابط الحدود لان القبول الي بنجيبه مش نفسه الي مدايرة بيه التاشيرة؟؟
بالله خوي ابو محمد وضحلي اكثر وياريت كل من عنده فكرة عالموضوع او مارة بيه المشكلة يجاوبني....

تقدري بدون اي مشكله .. بتجربه شخصيه.. جيبت لاخت قبول من معهد و مشت قرت في معهد اخر بدون اي مشاكل

شكرا اخ محمد بارك الله فيك....الاجراءات الان اصبحت اكثر تعقيدا هل هذي التجربة في المدة هاذي؟؟

اما عن الاقتراح حول القبول فذلك المكان درست به قريبتي قبل سنتين ولم يكن في المستوى المطلوب علما بانها لم تكن مبتدئة وعلى مستوى جيد في اللغة....

السلام عليكم

اخت هبة توكلي على الله وامشي في وقتك وحاولي انك اول ما توصلي تطلبي منهم المعهد يعطيك موافقة بالانتقال للمعهد الآخر وفي نفس الوقت انتي يعني في اول ايام وصولك حاولي اتمي في قبول في المعهد الآخر اللي اخترتيه

وطبعا في النهاية بكل لو لقيتي الأمور متعرقلة سواء كان من المعهد الأول او الثاني فديري الكيد علي روحك وكثفي شوية من نشاطك ومستواك خلال الكورس واضغطي علي روحك شوية بالبحث في النت عن الايلس واجابة اكثر من امتحان موجود عالنت

وان شاء الله حتحلي مشكلة ضعف مستوى المعهد ان وجدت

واهم شي التوكل على الله

وربي يوفقك ان شاء الله

شكرا ياخوتي.... ربي يفتح عليكم....

السلام عليكم و رحمة الله و بركاته
استفســــــ هــــــ جداً ـــــــــام ــــــــار
انا متحصل على قبول من معهد للغة لمدة 11 شهر وعلى هذا القبول انا قدمت اجراءاتي وحصلت على التأشيره طالب زائر والحمد لله واليوم انا نستنى في التفويض المالي وارغب في تغيير المعهد اللي تحصلت منا على القبول هل يؤثر ذلك على التأشيرة وهل التأشيرة مربوطة بالقبول السابق وهل انا مجبر على دراسة اللغة في هذا المعهد وهذه المدينة
ارجو الافادة من الاخوة في الموفد

السلام عليكم
بنسأل علي علي قبول اللغة اللي خديت بيه التأشيره ...هل نقدر نغير مدرسة اللغة من قبل لا نمشي لبريطانيا ؟؟؟

ويارك الله فيكم