تغير من معهد الى معهد

بارك الله فيك أستاذ أبو محمد وجزاك الله ألف خير ....
السلام عليكم ورحمة الله وبركاته

السلام عليكم اخوتي انا عندي تأشيرتي تبدأ في شهر 1 وتنتهي 25-12-2014 والتأشيرة طبعا خديتها من القبول الاول   ,,واخدت قبول تاني من معهد آخر  يعني الاول تركته لاكن القبول الجديد ينتهي 16-1-2015......يعني التأشيرة تنتهي قبل نهاية القبول هل فيه مشكلة في المطار ,,يعني ميقولوش ان كيف التأشيرة تنتهي قبل القبول وجزاكم الله كل الخير

abdulhamid كتب:

السلام عليكم اخوتي انا عندي تأشيرتي تبدأ في شهر 1 وتنتهي 25-12-2014 والتأشيرة طبعا خديتها من القبول الاول   ,,واخدت قبول تاني من معهد آخر  يعني الاول تركته لاكن القبول الجديد ينتهي 16-1-2015......يعني التأشيرة تنتهي قبل نهاية القبول هل فيه مشكلة في المطار ,,يعني ميقولوش ان كيف التأشيرة تنتهي قبل القبول وجزاكم الله كل الخير

وعليكم السلام
نعم احتمال يسألوك عليها لذلك الأفضل قبل ماتمشي تخلي المعهد يغير تاريخ انتهاء القبول بنهاية التأشيرة والمفروض من الأول دارولك هكي.

بارك الله فيك اخي ابو محمد

استاد ابو محمد قولي عادي المعهد الجديد نعطيه علم بأن عندي تأشيرة من المعهد الاول باش نعدل تاريخ نهاية القبول مع تاريخ التأشيرة والا مش لازم ,انقوللهم عدلولي بس ,,, علما بأني مزلت في ليبيا ,,,,والا انخلي القبول كيف ماهوا ونقوللهم في المطار بأني بنعدل لما نمشي للمعهد اذا سألوني ,,جزاك الله الخير ياصاحب الخير وإن شـاء الله يارب يكثر من امثالك

abdulhamid كتب:

استاد ابو محمد قولي عادي المعهد الجديد نعطيه علم بأن عندي تأشيرة من المعهد الاول باش نعدل تاريخ نهاية القبول مع تاريخ التأشيرة والا مش لازم ,انقوللهم عدلولي بس ,,, علما بأني مزلت في ليبيا ,,,,والا انخلي القبول كيف ماهوا ونقوللهم في المطار بأني بنعدل لما نمشي للمعهد اذا سألوني ,,جزاك الله الخير ياصاحب الخير وإن شـاء الله  يارب يكثر من امثالك

مافيش داع تقوللهم وهم أصلا حيعرفوا أنك واخذ التأشيرة من معهد آخر وماتفرق قلت لهم أو لا أهم شئ خليهم يعدلولك تاريخ الانتهاء فقط وفي المطار ردبالك تقول لهم أنك مغير معهد قصدي مافيش داع تقول لهم وتدخل روحك في متاعات في غنى عنها عطيهم القبول بعد التعديل بس.

عدل سابقا من قبل Abu Mohamed في الأحد 23 مارس 2014, 4:52 pm عدل 1 مرات

بارك الله فيك أخي ابومحمد وكثر الله من امثالك ولك مني الف تحية 

احد الاخوة  لا يزال في ليبيا لم يسافر بعد يستفسر هو متحصل علي تأشيرة طالب زٱئر لغة ١١شهر ' هو محصل قبول في معهد في كارديف هل يمكنه ان يسافر من ليبيا  الي مدينة اخري مباشرة دون الذهاب الي كارديف . والتسجيل في معهد جديد .مشكورين مقدما..

نعم يستطيع تغيير المعهد ولهذا السبب الملحقية الثقافية تطلب كل 3 اشهر على حده

يعني لا يواجه اي مشكلة في المطار حيث انه بدل من الذهاب ال كارديف اسكتلندا يمكنه الذهاب الي انجلترا دون اي مشاكل

شوف هنا

http://www.almofad.com/t9936p45-topic

Medona كتب:

السلام عليكم 
تحصلت علي قبول معهد لغة في مانشستر وتحصلت علي التاشيرة واريد تغيير المعهد من قبل ان اسافر لبريطانيا 
هل توجد مشكله في ذلك 

يعتمد على نوع التأشيرة لو طالب زائر تقدري ولو تير-4 لو غيرتي معناها تقدمي على تأشيرة ثانية ولو بتقدمي الأفضل تسافري قبل وتغييري من بريطانيا.

السلام عليكم معليش نبي نسأل هل بامكاني تغيير معهد الغة عند الوصول ولا لازم نرجا 3شهور مع العلم اني طالب موفد.

seraj albarsha كتب:

السلام عليكم معليش نبي نسأل هل بامكاني تغيير معهد الغة عند الوصول ولا لازم نرجا 3شهور مع العلم اني طالب موفد.

أخي لما توصل لمدينتك تمشي للمكان اللي تبي تدرس فيه وتطلب منهم قبول مع أخذ رسالة الدعم المالي لغرض القبول معك ويتم قبولك بكل سهوله في اي معهد تختار

بارك الله فيك ياخوي يعني القبول الي درت بيه التاشيرة مش لازم نقرا في المعهد ابتاعا

seraj albarsha كتب:

بارك الله فيك ياخوي يعني القبول الي درت بيه التاشيرة مش لازم نقرا في المعهد ابتاعا

 مش لازم الا اذا كانت تاشيرتك نوع التاير 4

seraj albarsha كتب:

السلام عليكم معليش نبي نسأل هل بامكاني تغيير معهد الغة عند الوصول ولا لازم نرجا 3شهور مع العلم اني طالب موفد.

سيتم نقل مشاركتك إلى هذا الموضوع
تغير من معهد الى معهد
http://www.almofad.com/t9936-topic

و عليكم السلام ورحمة الله وبركاته
تجيب موافقة المعهد القديم وقبول من المعهد الجديد وتذهب مباشرة إلى كامبردج

وسيتم نقل سؤالك إلى هذا الموضوع في قسم التاشيرة
تغير من معهد الى معهد

موفد النسيان كتب:

بارك الله فيك اخي ابو محمد وأعانك الله لما فيه الخير 

وعندي سؤال إضافي لو سمحت 

بماذا تنصحنا بافضل معهد في مدينة كامبردج 

تحياتي

وفيك بارك الله
ليست لدي إجابة ولكن ممكن تطرح سؤالك في هذا الموضوع
افضل المعاهد البريطانية

السلام عليكم

أني كنت تحصلت على قبول من مدرسة لغة في بريطانيا و لكن المدرسة هادي ما حد شكرهالي و طبعا القبول اللي حصلته كان بالمجهود الذاتي و بدون اي رسوم ، تأشيرتي طالب زائر و توا كانه طلع التفويض نبي انشوف مدرسة احسن فهل ممكن اني تتسببلي مشاكل لو اني فتها لما نوصل لبريطانيا بإذن الله او لازم ( زي ما قال البعض ) إني نقرا فيها اقل حاجه 3 شهور و بعدين انحول لغيرها

تحياتي

عدل سابقا من قبل Abu Mohamed في الإثنين 14 يوليو 2014, 5:21 am عدل 1 مرات (السبب : العنوان طويل جدا)

basem111989 كتب:

السلام عليكم

أني كنت تحصلت على قبول من مدرسة لغة في بريطانيا و لكن المدرسة هادي ما حد شكرهالي و طبعا القبول اللي حصلته كان بالمجهود الذاتي و بدون اي رسوم ، تأشيرتي طالب زائر و توا كانه طلع التفويض نبي انشوف مدرسة احسن فهل ممكن اني تتسببلي مشاكل لو اني فتها لما نوصل لبريطانيا بإذن الله او لازم ( زي ما قال البعض ) إني نقرا فيها اقل حاجه 3 شهور و بعدين انحول لغيرها

تحياتي

وعليكم السلام ورحمة الله وبركاته
بما ان تاشيرتك طالب زائر مافيش اي مشكلة لانه اذا المعهد لا يصلح فما تضيع وقتك وجهدك والمدة المخصصة للغة . والافضل شوف قبول من توا قبل ما تمشي لمعهد كويس وتقدر تراسل الاخ ابو محمد يقولك اي معهد افضل وممكن يجيبلك منه قبول ولما توصل للبريطانيا عدي للمعهد الجديد وابعث رسالة للمعهد القديم بلغهم انك انتقلت لمعهد اخر
وربي يوفقك