استفسار عن قبول خريجي دبلوم عالي في بريطانيا

لو سمحتو انا عندي شهادة دبلوم عالي صيدلة من معهد خاص في ليبيا وارغب بتكملة دراستي في بريطانيا في نفس تخصصي ,فهل هناك جامعات تقبل في المعاهد الخاصة ؟ وفي حال القبول ماهي الدرجة العلمية اللي يمكنني الدراسة فيها؟ علما بان الدراسة علي حسابي الخاص لذا كم ستكلفني الدراسة تقريبا في السنة؟

عدل سابقا من قبل Abu Mohamed في الثلاثاء 25 فبراير 2014, 9:44 pm عدل 1 مرات (السبب : العنوان لايعبر عن المضمون)

هل من اجابة؟

khlood كتب:

لو سمحتو انا عندي شهادة دبلوم عالي صيدلة من معهد خاص في ليبيا وارغب بتكملة دراستي في بريطانيا في نفس تخصصي ,فهل هناك جامعات تقبل في المعاهد الخاصة ؟ وفي حال القبول ماهي الدرجة العلمية اللي يمكنني الدراسة فيها؟ علما بان الدراسة علي حسابي الخاص لذا كم ستكلفني الدراسة تقريبا في السنة؟

أخت خلود
فيه مثل يقول دق الباب وأسمع الجواب
أغلب الأعضاء هنا موفدين وخريجي معاهد أو جامعات حكومية وفي رأيي ماتفرق إذا أنت خريجة معهد خاص أوحكومي ما أعتقد أنهم حيعرفوا ولكن بصفة عامة المدة الأخيرة بعض الجامعات ماتقبل في خريجي دبلوم عالي وأفضل شئ تدوري بروحك وتراسلي الجامعات وتشوفي الجواب وهذا موضوع عن كيفية البحث والمراسلة
كيفية البحث عن كورس أكاديمي في الانترنت
http://www.almofad.com/t11531-topic

عدل سابقا من قبل Abu Mohamed في الإثنين 17 مارس 2014, 1:19 am عدل 1 مرات

هل الجامعات البريطانية تقبل خريجي المعاهدالعليالدراسة الماجستير دون فصول اضافية ؟

فاهم كتب:

 الامور ان شاء الله متيسرة فيه بعض الطلبة بعد سنة اللغة درسوا طول الماستر وفيه البعض درس سنة لغة و9 اشهور بري ماستر بحسب رغبتهم لكن العديد من الجامعات تقبل في طلبة الدبلوم العالي مثل الدي يحمل بكالوريوس  وتساعدك في القبول لو عندك شهادة خبرة مختومة ومترجمة  ونعرف العديد من طلبة الدبلوم العالي اخدوا الماستر بعد سنة اللغة مباشرتا طبعا سفارة ليبيا من عام 2009 سمحت لطلبة بدراسة سنة تمهيدي ماستر اي  بري ماستر لمن يرغب في دلك

السلام عليكم ماهى شهادة الخبرة التى تطلبها الجامعات البرطانية على حملة الدبلوم العالى

وعليكم السلام
هذا نقل لاحد مشاركات الاعضاء وهو الاخ فاهم في هذا الموضوع
وعليك بقراءة باقي التعليقات وخصة الصفحات الاخيرة لتجد اجابة شافية
http://www.almofad.com/t7447p135-topic

"الامور ان شاء الله متيسرة فيه بعض الطلبة بعد سنة اللغة درسوا طول الماستر وفيه البعض درس سنة لغة و9 اشهور بري ماستر بحسب رغبتهم لكن العديد من الجامعات تقبل في طلبة الدبلوم العالي مثل الدي يحمل بكالوريوس وتساعدك في القبول لو عندك شهادة خبرة مختومة ومترجمة ونعرف العديد من طلبة الدبلوم العالي اخدوا الماستر بعد سنة اللغة مباشرتا طبعا سفارة ليبيا من عام 2009 سمحت لطلبة بدراسة سنة تمهيدي ماستر اي بري ماستر لمن يرغب في دلك"

وربي يوفقك

اغلب الجامعات ليست عنده اي مشكلة ويتم قبول طلبة المعاهد العليا

ولكن نصيحة ان يركز طلبة المعاهد على اللغة لان في طبيعة دراستهم

ليست مثل الجامعات التي تعتمد دراستهم باللغة الانجليزية بشكل كبير

وخصوصا في تخصصات الهندسة والفيزياء والعلوم وتقنية المعلومات .

السلام عليكم
هل الملحقية الثاقفيه في لندن تغطي Pre-master ...علما اني خريج معهد عالي ولي الحق في تلات سنوات ل Master حيت سوف استعل سنه لغه وسنه Premaster ولاخيره MSc?

emadshaaban كتب:

السلام عليكم
هل الملحقية الثاقفيه في لندن تغطي Pre-master  ...علما اني خريج معهد عالي ولي الحق في تلات سنوات ل Master حيت سوف استعل سنه لغه وسنه Premaster  ولاخيره MSc?

عليكم السلام ,
أغلب الناس تقول أن برنامج pre-master غير معترف بيه في أدارة البعثات بمعني لن يدفعو لك أي رسوم دراسية خاصة بالبري ماستر والله أعلم شي مكتوب معنديش علي هذا الموضوع هي مجرد أراء بالنسبة لك تقدر تتأكد من المحلق الثقافي في بريطانيا علي الموضوع بس بنسبة لأمريكا هذا شي أكيد بناءاً علي كلام المكتب الكندي المسئول علي المنحة الدراسية للطلبة بكندا وأمريكا

emadshaaban كتب:

السلام عليكم
هل الملحقية الثاقفيه في لندن تغطي Pre-master  ...علما اني خريج معهد عالي ولي الحق في تلات سنوات ل Master حيت سوف استعل سنه لغه وسنه Premaster  ولاخيره MSc?

وعليكم السلام
لا علم لي هل تقبل الملحقية ام لا
لكن ان رفضت فهناك جامعات تقبل بشهادة المعهد حسب علمي
وتقدر تشوف الرابط هذا ممكن يساعدك
http://www.almofad.com/t7447-topic
وربي يوفقك

السلام عليكم اريد طرح سؤال عندي دبلوم عالي تخصص هندسة الالآت زراعية  بتقدير (جيد) واريد الدراسة في بريطانيا واريد الحصول علي قبول اكاديمي  في اللغة واريد المساعدة والتوضيح  ومشكورين

السلام عليكم , انا موفد جديد للماجستير هندسة و مؤهلي دبلوم عالي , تحصلت على ILETS 6 , speaking 7 , reading 5.5, writing 4.5, listening 6 قمت بمراسلة العديد من الجامعات و تحصلت على العروض التالية:- ILETS preparation course from MIC
BENG top-up course with 10 week  pre sessiona from Teeside University
pre-master course from Sheffield University.
جامعة تي سايد وعدوني  بي كاس مشترك. و بعدها ردو عليا شيفلد اعطوض pre-master  شرط موافقة  sponsor .
و لدي رسالة دعم التأشيرة و اريد ان اقدم  لي Teir 4 visa  لي  و لاسرتي . اشعر ان الامور معقدة و اي تصرف خطاء يمكن يؤدي للرفض . افيدوني افادكم الله  .

عدل سابقا من قبل Abu Mohamed في الجمعة 25 أبريل 2014, 5:47 pm عدل 2 مرات (السبب : كتابة إنجليزية بحروف عربية لايفهمها الجميع)

السلام عليكم

بالنسبة لل بريماستر كورس يبي موافقة من البعثات قبل. لأن الملحقية توافق علي دراسة مرحلة واحدة فقط بعد اللغة. يا أما بريماستر يا أما ماستر

وبالنسبة لجامعة تيسايد فيها تخصصات ضعيفة. دير في بالك ان الملحقية لاتوافق علي تخصص يكون تصنيفه اقل من 1.8 في ال RAE

اكثر جامعة معروفة وتقبل في الدبلوم العالي هي جامعة كوفنتري. كذلك نشوف في جماعة يقولو ان شيفلدهالاام تقبل في الدبلوم العالي.

انت شني تخصصك ؟

سامي الهاشمي كتب:

السلام عليكم

بالنسبة لل بريماستر كورس يبي موافقة من البعثات قبل. لأن الملحقية توافق علي دراسة مرحلة واحدة فقط بعد اللغة. يا أما بريماستر يا أما ماستر

وبالنسبة لجامعة تيسايد فيها تخصصات ضعيفة. دير في بالك ان الملحقية لاتوافق علي تخصص يكون تصنيفه اقل من 1.8 في ال RAE

اكثر جامعة معروفة وتقبل في الدبلوم العالي هي جامعة كوفنتري. كذلك نشوف في جماعة يقولو ان شيفلدهالاام تقبل في الدبلوم العالي.

انت شني تخصصك ؟

شكرا سيد سامي , تخصصي هندسة ميكانيكية , افهم من ذلك ان الخيار يجب ان يكون بين كوفنتري و شيفلد و الاهم موافقة البعثات على بري ماستر ؟ و هل البعثاث يعطوا في مستند موافقة على البرنامج او كيف؟

السلام عليكم

بالنسبة لجامعة تيسايد مش طالع فيها ال RAE في قسم الهندسة الميكانيكية . معناها احتمال تكون الهندسة الميكانيكية مش مصنفة بكل (( وهذا يعني ان الملحقية مش حتوافق انك تقرأ عندهم )) ، أو ان تخصص الهندسة الميكانيكية محطوط تحت الهندسة العامة، وفي الحالة هذه باش تتأكد لازم تبعث مسج لجماعة التيسايد تسألهم تقوللهم قداش ال RAE متع قسم الهندسة الميكانيكية.

بالنسبة لجامعة كوفنتري شفت فيها تخصص الهندسة الميكانيكية لقيت ال RAE متاعه 1.9 ، وهذا تقبل بيه الملحقية.

خش عاللنك هذا تلقي فيه تصنيف جامعات بريطانيا في الهندسة الميكانيكية

بالنسبة لل RAE في الجدول اسمها Research Assesment  وهادي اكثر حاجة تهم الملحقية انها تكون أكثر من 1.8

بالنسبة لدراسة البريماستر اللي سامعه انها تبي موافقة من البعثات،  لو كنت انت الموفد اعتقد من حقك تاخدموافقة لدراسة البريماستر.  انا معنديش خلفية كبيرة علي موضوع البريماستر بالنسبة لجماعة الدبلوم العالي ، لكن الفترة اللي فاتت صايرة دوشة عالموضوع هذا. زيد اسأل عليها القصة اهيا.

السلام عليكم
جمعتكم مباركة إن شاء الله
نبي نستفسر أي الجامعات التي تقبل في خريجي الدبلوم العالي وهل التخصصات محددة وهل معتمدة من ليبيا أم لا
للعلم تخصصي تقنية معلومات it

abdo al_gantre كتب:

السلام عليكم
جمعتكم مباركة إن شاء الله
نبي نستفسر أي الجامعات التي تقبل في خريجي الدبلوم العالي وهل التخصصات محددة وهل معتمدة من ليبيا أم لا
للعلم تخصصي تقنية معلومات it

استفسار عن قبول خريجي دبلوم عالي في بريطانيا

وسيتم نقل مشاركتك إليه

السلام عليكم

هل يسمح بدراسة ال pre masters ﻻني سمعت انه ﻻ يمكنك دراسة البري
يا تقرا ماستر يا بري ماستر مع اللغة فقط

مثلا  نا توه عندي 5 في  اﻻيلس ممكن نقرا شهرين لغة
ثم نبدا في البريي ثم الماستر

ما رأي الملحقية في ذلك مع اني خريج معهد عالي.

هل كورس الtop up هو نفسه  pre masters؟

وشكرا

السلام عليكم
تخصصي دبلوم عالي شبكات كمبيوتر 5 سمسترات وسمستر عام ومعتمد من الجودة
اريد من يساعدني للحصول ع قبوال اكاديمي لتكلمة الماستر في بريطانيا

لسلام عليكم ورحمة الله
تقرر عقد الاجتماع يوم السبت الموافق 14/6/2014 في معهد نصر الدين القمي / جنزور
الساعة 10 صباحا
وسيتم
عقد اجتماع يوم السبت القادم وكتابة المذكرة المقدمة وهذه المذكرة تخص الحاضرين فقط ولا علاقة لنا من لم يحضر واننا سنطالب بحقوق الذين حضرو ووقعو علي المذكرة فقط.
والي بيعتذر زي ما صار يوم السبت السابق ما عندناش بيه علاقة اهو من اليوم عندكم علم فضو رواحكم للسبت وما تلوموناش لان درنا مجهود واصبح التعب علي اشخاص فقط لذلك من حق الاشخاص ان يطالبو بحقوقهم علما بأن المطالبة بحقوق اشخاص معدودين فرصة الحصول عليها افضل من جماعة .
هذا ما قرره الحضور واسماؤهم موجودة في الصورة
تحياتي للجميع

مشكورين.....

موفقين يا بشمهندس -- بس الحقيقه حاب نحضر بس انا من اجدابيا وعارف انت موضوع المطارات والرحله الطويله - وعلي فكره انا من المجموعه الثانيه لدفعة هيئة المحاربين .ومزال ما بدو فينا - لاكن هل الموضوع امئرقني واجد والله ونفكر فيه ديمه .

السلام عليكم انا خريج معهد عالي تخصص محاسبة هل هناك جامعة في كندا اتحصل علي قبول منها شكرا

الحمري دائما كتب:

السلام عليكم انا خريج معهد عالي تخصص محاسبة هل هناك جامعة في كندا اتحصل علي قبول منها شكرا

وعليكم السلام

أخي الكريم عليك بالسؤال في منتدى كندا وليس المملكة المتحدة (بريطانيا).
منتدى الطلاب الليبيين في كندا

السلام عليكم خوتنا واخواتنا

عندي سؤال نحن خريجي المعاهد العليا نقروا في سنة اللغة وبعد سنة اللغة نقروا في حاجة اسمها بري ماستر

كم مدتها لو سمحتوا ؟
وهل التكلفة محسوبة ضمن تكاليف الأيفاد والا نخلصوها احنا   


مشكوررررين ونستنى ف الرد لو سمحتم اللي عنده معلومة مؤكدة