استفسار عن قبول خريجي دبلوم عالي في بريطانيا

بخصوص قبول الدبلوم العالي

سهل ولكن علي حسب تخصصك اذا كان هندسة كهربائية او ميكانيكة باذن الله محلوله

ما عليك الا احضار شهادة خبرة لاتقل عن خمس سنوات

وباذن الله تحصل قبول في جامعة كثيرة ولكن مش الكبيرة مثل كامبرديج او غيره من الجامعة مانشستر او باث او ساويت هامبتون

تصنيفه مقبول في السفارة فوق 2

السلام عليكم ورحمة اللة وبركاتة
اخوتي الكرام
أنا طالب حاصل علي الدبلوم العالي في الهندسة المدنية تخصص عمارة وإنشاء وارغب في الدراسة في بريطانيا
واريد ان اعرف هل الطالب الذي حاصل علي دبلوم عالي يدخل علي الماجستير علي طول وإلا يدرس مواد قبل ولو يدرس مواد ماهي هذه المواد وهل هذه المواد ملزمة وإجبارية وإلا لا
ويا ريث حد يدلني علي الجامعات ونظام كل جامعة من حيث القبول والمعادلة ونطام الدراسة وكذلك التخصصات وشكرا

انا دبلوم عالي هندسة البناء والتشيد اونبي نصيحة اي جامعة في ابريطانياء نقراء فيها اوياريت مافيش ابري ماستر وشكرن

السلام عليكم
..انا عندي نفس مشكلة الدبلوم كهرباء والمشكله هذه دايرة ضجة عند المعيدين في معهدنا ...اليكم الاتي:
1-في 3 معيدين طلعو من قبل واحد ماليزيا وواحد بريطانيا والاخر مش عارف كندا او امريكا كلهم توا يقروا في سنة لغة ....المهم واحد منهم امتاع بريطانيا اتصل بالشباب في المعهد وقال ان الجامعات ما يقبلوش في الدبلوم وهو الوحيد من الثلاثة تفطن للقبول الاكاديمي .
2-في استاذ في المعهد عنده بكالريويس والماستر واخذة من مصر قالي الحل انك تختار مصر لسنة اللغة وفي نفس الوقت تقرا البكالريوس في الاكاديمية اللي هوا حضر فيها اعتقد اسمها "الأكاديمية العربية للعلوم و التكنولوجيا و النقل البحري" وبعد ما تاخذ البكالاريوس تغيير الساحة ...المشكلة انك تقرا على حسابك في الاكاديمية ....اما رائي انا :
اذا قريت في مصر وتبي تغيير الساحة الله اعلم يقبلو او لا لان ادارة البعثات تطلب تقرربر وسبب لتغيير الساحة منك ومن الاستاذ المشرف ومرات ما يقتنعوش وانا مش عارف اذا التغيير يقصدو بيه بعد اللغة او اثناء الماستر...وفي نفس الوقت مش عارف كم المواد الاستدراكية المطلوب مرات واجد...
وانا باذن الله توا نكتب في الموفد - ملتقى الطلاب الليبين في الخارج - :: منتديات الساحات الدراسية :: منتدى الساحات الدراسية العام مقال يوميات موفد ونقوللكم كل شي بالتفاصيل تهنوا........ بس نطلب منكم الدعاء لي بالتوفيق بالدراسة وبالذرية الصالحة الرابط عشان اسرع رhttp://www.almofad.com/t18203-topic

ياشباب السفارة ماتخلصش في البريماستر لطلبة المعاهد العليا للدراسة الماستر في بريطانيا فما الحل

من منكم تحصل على قبول اكاديمي من دون شرط دراسة بري ماستر يا ريت يعطيني اسم الجامعة مش اكتر وشكرا

حسب التخصص خوي الحكم لأني شفت بعض كورسات الماستر يمكن التقديم عليها بشهادة اقل من البكالوريوس وخبرة سنتين في المجال مثلا

باهي ياخوي اعطيني اسم ولو جامعة وحدة او ادكر التخصصات التي يمكن دراستها بالدبلوم بدون الحاجة للبري ماستر ولو تعرفهم وشكرا لانها مشكلة ومش لاقيلها حل وانا عايش الحالة لاني في بريطانيا توه وبارك الله فيك تخصصي كمبيوتر شبكات

بارك الله فيك خوي

الحكم كتب:

باهي ياخوي اعطيني اسم ولو جامعة وحدة او ادكر التخصصات التي يمكن دراستها بالدبلوم بدون الحاجة للبري ماستر ولو تعرفهم وشكرا لانها مشكلة ومش لاقيلها حل وانا عايش الحالة لاني في بريطانيا توه وبارك الله فيك تخصصي كمبيوتر شبكات

فيه جامعة تيسايد Teesside تقبل في دبلوم عالي وعندي صديقي درس شبكات في الجامعة بالدبلوم العالي بدون دراسة البري ماسنر.

السلام عليكم
الاخ اللي يسأل عن جامعة تقبل دبلوم عالي في تخصص الحاسوب فيه جامعة كوفنتري تقبل بشرط شهادة الخبرة

الاخ سعيد بارك الله فيه قاللك على جامعة كوفنتري وانا شفت موقع الجامعة ولقيته الكورس اسمه Network Computing MSc وشفت ال REA 2008 للقسم وهي 2.05 يعني امورها تمام في السفارة وهذه شروط القبول

Entry Requirements

To enter the course you need to have one of the following:

A good honours degree or an equivalent qualification,
a relevant professional qualification of equivalent standard, e.g. BCS Professional Graduate Diploma, CEng, CIM Diploma,
an unclassified degree plus at least two years' further study or professional experience.

If you have no formal qualifications but have professional business or industrial experience, we will consider your application on its merits. If English is not your first language, you must also have English Language at IELTS 6.5, TOEFL 250, or equivalent.
جرب قدملهم وان شاء الله بالتوفيق
هذا اللنك
http://www.coventry.ac.uk/course-structure/2013/faculty-of-engineering-and-computing/postgraduate-degree-mba-msc-ma/network-computing-msc/?theme=main

السلام عليكم
متحصل على دبلوم عالى فى الهندسة الكهربائية بمعدل 71% ولدى خبرة مدتها 15 سنة فى شركة الكهرباء وارغب فى دراسة الماجستير فى بريطانيا.
فهل هناك جامعات اتحصل منها على قبول بدون البرى ماستر وما هى هذه الجامعات وهل هى معتمدة ام لاء وما مستواها ... ولكم الشكر

السلام عليكم انا عندي ايفاد من هيئة المحاربين وتخصصي دبلوم عالي هندسة نفطيه عام مازلت مااخترت التخصص هل نقدر ندرس ماجستير طول....

السلام عليكم ورحمة الله
يوجد ايضا جامعة سالفورد تقبل بس مش عارف هل معتمدة في تخصصك او لا

ممكن خوي هيثم توضح باختصار كيفية القبول ومكان الجامعة لو مافيش مشكلة...

السلام عليكم

سوال هل من عندي اي شي عن خريجي دبلوم متوسط هل يمكننى مواصلة دراسة لمحاولة المساعدة

السلام عليكم

اريد استفسار عن قبول خريجي دبلوم متوسط تخصصي جرارات الالات الزراعية ونبي انكمل من لديه اي معلومة بهدا الخصوص ايفيدنا

الله يحفظ الجميع بتوفق




والسلام عليكم

كم عدد المواد الاستدراكية لطلبة المعاهد العليا في الجامعات البريطانية

عدل سابقا من قبل Abu Mohamed في الثلاثاء 04 يونيو 2013, 12:05 am عدل 1 مرات (السبب : العنوان لايتوافق مع الموضوع)