اخر مستجدات السفارة الكندية ...

بالله يا اختي ام احمد شن صار فيك؟بخصوص التاشيرة

والله يا جماعة الخير الا رسمي انا اتصلت بالسفارة وقالو الاسبوع الجاي بيدو يعطو بالجزء انتو استن خيركم مستعجلين صيمو رمضان في ليبيا افضل
انا مقدم في التاشيرة بالزبط 95 يوم وقاعد صامد

والله يأخ ابو الحسن من لما بعتث تجديد القبول مافيش ولا خبر.
نفس الكلام تقول فيه السفارة ..الاسبوع الجاى بيفرجو على التأشيرات..مانعرفش كيف الزحمة اللى بتصير على هالحال.
ياريت الاخ سراج الغول يقولنا شن بالزبط صاير بينهم وبين ادارتهم في تونس لأن هو في قسم التأشيرات واكيد فيه تنسيق بخصوص الموضوع.
وبالنسبة لعدد الايام يأخ abdo zetrini..في ناس ليها اكثر من 150 يوم وقاعدة صابرة 95 يوم نعتبر فيها شوية
عموما ان شاء الله الاسبوع الجاى يكون خير للجميع

بالله يا اختي ام احمد استفسار لو سمحتي نبي نعرف شنو اسم معهد الغة الي وحده منه القبول وفي اي مدينة موجود

اللي علي حسابه يأخذها وفوقها بوسه علي رأسه المدة الفائته أخذها واحد ماشي علي حسابه

السلام عليكم
اختي ام احمد اريد ان اسلك عن قبول الاول متى كان تاريخه .. لان قبولي يوم 06-05-2013
ولم تتصل بي السفارة بشان التجديد
وبالنسبة لاخي الكريم
abdo Zetrini
فانا لي حتى هذا اليوم 136 يوم من تاريخ التقديم
نسال الله التيسيير

حتى هى اسمها كندا تستهل ثم تستهل بلاد ولا فى الخيال وسعوا بالكم ياشباب المليح يعطل ربى يفرج امين ثم امين الفرج قريب

nasser75 كتب:

السلام عليكم
اختي ام احمد اريد ان اسلك عن قبول الاول متى كان تاريخه .. لان قبولي يوم 06-05-2013
ولم تتصل بي السفارة بشان التجديد
وبالنسبة لاخي الكريم
abdo Zetrini
فانا لي حتى هذا اليوم 136 يوم من تاريخ التقديم
نسال الله التيسيير

القبول الاول كان في شهر 4 وقبول مرافقي كان شهر 2. وبالنسبة لعدد الايام ماتعدش خير . فيه اللى معانا مقدمين من شهر 11 و12
ربنا يفرج على الجميع

aimen كتب:

اللي علي حسابه يأخذها وفوقها بوسه علي رأسه المدة الفائته أخذها واحد ماشي علي حسابه

متاكد يا خوي مفيش تاخير الي ع حسابه الخاص

نعم اللي علي حسابه فرصته كبيرة للحصول علي الفيزا وهي نفس النظام ساءح -اوا طالب مقيم visa tourist - visa student perment
لاكن المشكله في السيوله اللي علي حسابه ظامنه كشف حسابه الكبير لاكن اللي علي حساب الدوله كي حالاتنا نحنا نستنو امتي يحولو السيوله للمكتب الكندي cbie باش يصدرو الفيزا
والله ولي التوفيق

السلام عليكم , ان شاء الله ربي يفرج عليكم انا الان موجود في كندا في مدينة واترلو لاي مساعدة من هنا لا تترددو في الاتصال اما بخصوص التاشيرة فعلي جميع الليبيين لان عندي زوجتي وكذلك والدها جايين واحد علي حسابه والاخر عن طريق المكتب الكندي والي الان نفس الموضوع ومفروض ما عندهمش كشف طبي الان طلبو منهم كشف طبي نسال الله التيسير , ملاحظة اللي متخصص في الاقتصاد او الطب يجب ان يجري علي قبول اكاديمي قبل ما يجي هنا لان الموضوع صعب شويه واللي يبي يسوق سيارة يجب ان يحضر رخصته الليبية معاه واللي ياخذ في مضاد حيوي او دواء معين يجب ان يجيبه لان هنا من الصعب الحصول علي المضادات الحيوية والادوية دون وصفة والوصفة تبيلها مدة طويلة اذا كان الحالة غير حرجة نتمني لكم التوفيق والسداد في هذا المشوار ووفقكم الله والسلام عليكم ورحمة الله وبركاته-

السلام عليكم قاعدين نستنوا امتى يبعتوا اميل خاص بالتاشيرة امس اتصلت قالوا الاسبوع اللى بدى اليوم ربى يسهلها

والله انى زيك. فاتحة ايملي من الساعة 7 ومافي شى الى الان. وكلمت السفارة ماتفهم منهم شئ
البيت كله في حالة انتظار... حتى الصغار اللى روحو من الامتحان اول سؤال شن صار
والله الباين الموضوع مش ساهل يستر الله وخلاص

دوة فاضية... حتي السفارة واخدة فينا حصة..حرق اعصاب وبس؟

ابوالحسن كتب:

دوة فاضية... حتي السفارة واخدة فينا حصة..حرق اعصاب وبس؟

والله يأخ ابو الحسن كلامك اللى بديت به هذا الموضوع صح 100% ..شكله مافيش منها دوت التأشيرة وقصة الاسبوع الجاى.
معقولة مافي حد من المنتدى طلعتله التأشيرة.انى شخصياً نعرف اكثر من 6 اشخاص مقدمين من شهر 1 وماردوش عليهم الى الان. يستر الله وخلاص[list][*]

يقولوا الغرب شعب دقيق في مواعيده...معاك دقيق في مدي الاستفادة منك بس ؟ ماليشه علاقة بيك الكورس ابدي تم مشكلتك انت؟ والله قريب انغير حتي لمصر...حسبي الله ونعم الوكيل

غير وسع بـــــــــــــــــالك
كان ماتطلع كاميرا خفيه أخر حلقه

والله حق درهولنا كبدنا أني وحدة من الستة اللي قدموا من شهر واحد وقعدة نستنى, الصبر وخلاص

بالله لقيتوا مازال فيه حد يتكلم علي الاعتصام؟؟؟

ربي يكون في عوننا وعونكم
الانتظار شي ممل ويجعلنا نصاب بالاحباط احيانا
ربي ييسر لنا ولكم الامور

امين يارب العالمين

حتي السفاره بدأت تاخد فينا حصة. كل أسبوع إقولو الأسبوع الجاي . من عاشر قوما صار. مثلهم. .والله نستنا من شهر 12. بجد وضع مزري. بس مازال عندي بريق أمل. . إنشا الله. هذا الأسبوع. الفرج جاي .قولو آمين

امين يارب العالمين

السلام عليكم ورحمة الله وبركاته
وردنا الان... معلومة اكيدة بادن الله بانه سوف يتم اصدار التاشيرة المتعطلة للجميع قبل نهاية الاسبوع بادن الله..قولوا يارب.