السفارة الليبية تتوقف عن تجديد جوازات السفر للمغتربين الليبيين بكندا و تطلب منهم العودة لليبيا و الحصول ع الجواز الجديد

أنا 2016 شهر 3، وهذي اخر تجديدة ليه

خيرا إن شاء الله ياشباب

السلام عليكم. اني لما سمعت بقصه الجوازات توقعت انها مش علي الطلبه الموفدين اتوقعت يقصدون بها الجاليات الليبيه لأكن لو الموضوع هكي معناها مشكله كبيره سوف نقع فيه وان شاء الله خير مانقعدوش تلم فينا الشرطة الاول الاول ربي يستر ويبو الطلبه ينجحوا هو كلهم واخذين فينا حصه ربي معانا ماغير حد

kazekage.sama.5 كتب:

فيه ناس تعلق ومش فاهمة الموضوع لذلك حنفصل:
1- الان تغيير الجواز يحق بس للي ما زال ليه اقل من ستة شهور،،، معناها حكاية تغير للعايلة كلها مرة واحدة انساها. 
2- السفارة الكندية مش معترفة بالجواز الجديد،،،، في الحقيقة اربعة دول فقط لحد الان معترفة بالجواز من اصل 180 دولة ليبيا عندها علاقة بيهم. يعني خوذ الجواز وقعمز راجي لين تعترف كندا وامريكا بيه... امتي؟ الله اعلم،،،،،،،
3- اللي عنده صغار حتكلفه الرحلة مش اقل من ثمانية الاف دولار لاربعة اشخاص،، بالنسبة لاغلب الطلبة هذا مستحيل،، المنحة تنزل شهر ايه وشهرين لا..
4- الطلبة قاعدين في منتصف القراية عندهم مواد وامتحانات وفيه اللي صغاره في المدرسة،،،جتي لو زايدات عليه فلوس ما يقدر يلم شلاتيته ويروح باش شنو؟ باش يجدد باسبورت... شنو هالغباء؟
5- اذا السلك الدبلوماسي فاسد فمن الافضل التفرغ لتطهير الخارجية بدل من محاولة فاشلة للقبض علي الازلام اللي عندهم مليارات ومش حيرجعوا، يعني الساعدي واقف علي سفارة النيجر يبي تجديد ومش لاقي مثلا فتبي تكره بالباسبورت،،،، come on.

صح لسانك كلامك منطقي و قرار غبي

في ناس علي استعداد انها تلغي ايفادها بكل لو الغاء الايفاد يحقن الدماء ويرجع الحقوق ويساهم في حماية البلاد والعباد ( المسالة تتعلق بفهم كل منا لخبايا الامور ) .

على الدين الديب كتب:

في ناس علي استعداد انها تلغي ايفادها بكل لو الغاء الايفاد يحقن الدماء ويرجع الحقوق ويساهم في حماية البلاد والعباد ( المسالة تتعلق بفهم كل منا لخبايا الامور ) .

حقن الدماء غاية كل ليبي شريف و مافي حد يزايد على حد في حبه لليبيا و استعداده للتضحية بس القرارات الغبية لا تبرير لها و ما اعتقد اللي وضعها اصلا يهمه حقن الدماء

لما الانسان يكون هدفه المزايده عادة يحاول يخللي اكبر عدد ممكن من الناس يشوفوه مش يسمعوه ..! واهل الموفد والحمد لله جلهم خاشين باسماء مستعاره ولوبشكل جزئي .. يعني ماتجيبش همها المزايده .. واني في حاجه مافهمتهاش .. 6000000 ليبي يحبوا ليبيا .. ليش اذااا حالنا هكي .؟

من وجهة نظري القرار هدا ليس له علاقة بالناس الي هاربه بالاموال او مكافحة الفساد. هدا القرار جيوسياسيي, الحدود الليبية اصبحت مستباحة و هناك خوف من تغيير التركيبة السكانية او الديموغرافية و خصوصا في الجنوب, فيما سبق الكتير من الاخوة العرب و الافارقة تمكنو من الحصول على جوز السفر الاخضر.

اما بالنسبة للفساد, فميزانية وزارة الخارجية الليبية بمائات الملايين. وزارة الخارجية الليبية من افسد الوزارات لا ينافسها الا وزارة الصحة (ملف الجرحى) و النفط (رشاوي و المحسوبية).  تخيل ان ليبيا الى حد الان لديها سفارات في كل الدول الافريقية ال 50, مالفائدة ؟؟
تقريبا ليبيا لا تنافس الا في امريكا و الاتحاد الاوروبي في عدد البعتات الخارجية. مثلا مالفائدة من وجود سفارة ليبية في كوبا ؟؟

عدل سابقا من قبل أبو ذر الغفاري في الإثنين 27 يناير 2014, 10:27 am عدل 1 مرات

kazekage.sama.5 كتب:

فيه ناس تعلق ومش فاهمة الموضوع لذلك حنفصل:
1- الان تغيير الجواز يحق بس للي ما زال ليه اقل من ستة شهور،،، معناها حكاية تغير للعايلة كلها مرة واحدة انساها. 
2- السفارة الكندية مش معترفة بالجواز الجديد،،،، في الحقيقة اربعة دول فقط لحد الان معترفة بالجواز من اصل 180 دولة ليبيا عندها علاقة بيهم. يعني خوذ الجواز وقعمز راجي لين تعترف كندا وامريكا بيه... امتي؟ الله اعلم،،،،،،،
3- اللي عنده صغار حتكلفه الرحلة مش اقل من ثمانية الاف دولار لاربعة اشخاص،، بالنسبة لاغلب الطلبة هذا مستحيل،، المنحة تنزل شهر ايه وشهرين لا..
4- الطلبة قاعدين في منتصف القراية عندهم مواد وامتحانات وفيه اللي صغاره في المدرسة،،،جتي لو زايدات عليه فلوس ما يقدر يلم شلاتيته ويروح باش شنو؟ باش يجدد باسبورت... شنو هالغباء؟
5- اذا السلك الدبلوماسي فاسد فمن الافضل التفرغ لتطهير الخارجية بدل من محاولة فاشلة للقبض علي الازلام اللي عندهم مليارات ومش حيرجعوا، يعني الساعدي واقف علي سفارة النيجر يبي تجديد ومش لاقي مثلا فتبي تكره بالباسبورت،،،، come on.

صحيت كلام منطقي بس علي يفهم... وما ياكلاها غير الطالب الي متغرب ويقرا..يحسابوها ساهلة

كندا من الدول الي مازال ما اعترفتش بالجواز الجديد ..هل هذا يعتبر مفيد للطالب الي ما يقدرش يرجع لليبيا حاليا؟؟؟؟؟؟؟؟؟؟؟؟

على الدين الديب كتب:

لما الانسان يكون هدفه المزايده عادة يحاول يخللي اكبر عدد ممكن من الناس يشوفوه مش يسمعوه ..! واهل الموفد والحمد لله جلهم خاشين باسماء مستعاره ولوبشكل جزئي .. يعني ماتجيبش همها المزايده .. واني في حاجه مافهمتهاش .. 6000000 ليبي يحبوا ليبيا .. ليش اذااا حالنا هكي .؟

الاخ علي

اني قلت الليبيين الشرفاء و ليس بالضرورة هذا حال كل الليبيين ال 6 مليون

و ليش حالنا هكي لان في بعض الناس تاخذ في المواضيع بحساسية و عصبية و مازال اخلاصهم للقبيلة و الحزب و المجموعة اكثر من ليبيا

كل واحد حر في الطريقة اللي يفهم بيها هالقرار و طالما الاحترام متبادل معناها النقاش ليه فائدة و قصة الاسماء المستعارة مش موضوع اهتمامنا

اعتراضنا ع القرار كان على التوقيت و الالية اللي مش واضحة يعني المفروض قرار مهم زي هذا يكون مرفق معاه شرح مفصل لحالة الطلبة و الدبلوماسيين و المهاجرين الليبيين بالخارج بحيث كل شخص يفهم وضعه و شن الحلول اللي متوفرة لحالته ....و هذا كان غائب تماما في هذا القرار...

نقطة ثانية دولة كندا مازالت ما اعترفت بالجواز الجديد يعني الليبيين اللي راح يستلموا التأشيرة بالجوازات الجديدة غير مسموح لهم بالدخول لكندا و ان دخلوا معناها كل الليبيين اللي جوزاتهم قديمة و حتى لو مازالت صالحة راح تولي جوازاتهم لاغية !!!!!

اصدار قرار يتطلب اكثر من مجرد طباعته على ورقة و توقيعه ... اصدار قرار محتاج شخص حكيم يفكر في الابعاد و العواقب قبل و بعدين يصيغ القرار بشكل مفصل
تقبلوا مروري

emadegbaitha كتب:

كندا من الدول الي مازال ما اعترفتش بالجواز الجديد ..هل هذا يعتبر مفيد للطالب الي ما يقدرش يرجع لليبيا حاليا؟؟؟؟؟؟؟؟؟؟؟؟

اذا اعترفت راح تصبح جوازاتنا لاغية و بكل تأكيد حكومة كندا راح تتواصل معانا بالخصوص و ان شاء الله ما يصير هكي

يمشوا يمشوا ويقولوا مش فاهمين، مافهمتش أنا هل هذا تجهيل واستغباء للغير ولا استفراد بالرأي وعدم قبول رأي الآخر، عموما ماعلينا بالنسبة للجواز الجديد تقدر تاخد رسالة من جهة الترشيح متعك وترفعيها مرفقة بطلب كتابي وهما رح يقبلوا ويعطوك جواز، أما قصة كندا مش معترفة والقصة هذي فرغم انها قصة مؤقتة لأن الجواز قعد جديد بس أنا اوافقك هنا قمة الغباء من الخارجية انها ماعممتش ع الدول بانها بصدد اصدار جواز جديد، ولو إن بصراحة سألت اشخاص استعملوا الجواز ومشت امورهم عادي جدا وحتى اللي صارتلهم عراقيل كان لأن سفير الدولة تباطأ وما عممش الموضوع والباقي اموره ماشية، عن كندا مانعرفش الحق والله أعلم

يمشوا يمشوا ويقولوا مش فاهمين، مافهمتش أنا هل هذا تجهيل واستغباء للغير ولا استفراد بالرأي وعدم قبول رأي الآخر، عموما ماعلينا بالنسبة للجواز الجديد تقدر تاخد رسالة من جهة الترشيح متعك وترفعيها مرفقة بطلب كتابي وهما رح يقبلوا ويعطوك جواز، أما قصة كندا مش معترفة والقصة هذي فرغم انها قصة مؤقتة لأن الجواز قعد جديد بس أنا اوافقك هنا قمة الغباء من الخارجية انها ماعممتش ع الدول بانها بصدد اصدار جواز جديد، ولو إن بصراحة سألت اشخاص استعملوا الجواز ومشت امورهم عادي جدا وحتى اللي صارتلهم عراقيل كان لأن سفير الدولة تباطأ وما عممش الموضوع والباقي اموره ماشية، عن كندا مانعرفش الحق والله أعلم

ويا اخت حنان ماتخافيش اعتراف كندا لايعني الغاء جوازك، الجواز القديم حيقعد معمول بيه الى ان تنتهي صلاحيته او الخارجية تعمم بالغائه

السلام عليكم
يعنى توا الى بيرجع ليبيا بيعاود اجراءات التاشيرة ولا كيف ؟؟

استاذه حنان
السلام عليكم اولا انت والاخرين
بامانه نهرب مالفيس وتويتر ونخش للموفد بالذات في,الفتره الاخيره مش لاني محتاج معلومه معينه ولكن هربا من وجع القلب اللي,يسموا فيه السياسه ومع هذا لقيت روحي متورط في,نقاش,سياسي
اتمني ان لا تاخدي الامر علي انه نقاش شخصي لانني فعلا اناقش للفائده من وجهة نظري علي الاقل
اني ما وافقتش علي الية تنفيذ القرار وهي حتما لم تعمم بعد وحتي ان عممت فهي ليست قرآن بمنزل يعني ممكن يعاد فيها النظر ان شابها اي قصور .. ولكنني كنت ادافع علي اتخاذ القرار واعتبرته صحيحا وخطوه غاية في الاهميه في سبيل تصحيح ارث العهد الذي ولي .
لنناقش الامر بتبصر ..
- كم عدد البشر الذين حملوا بطاقة التطعيم هذه من غير الليبين في الجنوب والشرق علي وجه الخصوص ..حدثي ولا حرج واذا لم يوضع حد للاصدار في الخارج فسيتفاقم الوضع .
- كم عدد صغار القتله وناهبي اموالنا الذين يتجولون في العالم لان جوازتهم تجدد بل وتصدر لهم اخري من بعض سفرائنا الفاسدين .
ثم ان هناك الكثير من السفراء والسفراء السابقين الفاسدين الذين يديرون بشكل حقيقي سفارتنا في الخارج بحكم تغولهم واطلاعهم علي كثير من الامور بين ليبيا والدول التي يتواجدون بها وساذكر لك مثلا لا حصر ( حافظ قدور) في ايطاليا ولك ان تسالي عنه اذا شئت ولن يتواني هؤلاء عن فعل اي شيء لمريديهم السابقون واللاحقون .
- كندا دوله تراعي فيها الحقوق وستجد اليه للتفاهم مع الخارجيه الليبيه فيما يخص رعايا ليبيا عندها ولن تطردهم حتي في حالة انتهاء صلاحية جوازاتهم في حال تقدموا بما يفيد خروج ذلك عن ارادتهم .
- الي هنا انهي الحوار .. وكان احتجنا معلومه علي كندا حنسألوك .

والله احني بنخلوها علي اللي خلقنا الله سبحانه وتعالي وليس علي العبد لان العبد مافي ايدي شيء واهم شيء ياطلبه خلوها علي الله وما تفكروش هلبه في الموضوع لان خدي اكبر من حجمه وللعلم اني جوازي ينتهي في شهي 8 القادم ولو استدعي نمشوا للسفاره ونسكروها الخوف من الله فقط وربي يوفقكم

عدل سابقا من قبل tark gharab في الأربعاء 29 يناير 2014, 6:22 pm عدل 1 مرات

السلام عليكم 

بصراحة قرار مجحف وغير مدروس 

رغم انني لا اظن ان له علاقة بامن البلاد ولا بالفارين خارج ليبيا لان ببساطة اذا لم يتم الغاءالجواز الاخضر فما الفائدة كأنك يابوزيد ما غزيت - لان ببساطة اي زلم هارب يذهب الى اي زلم في اي سفارة ويستخرج جواز اخضر جديد بتاريخ يسبق تاريخ هذا القرار وصلاحية هذا الجواز قد تصل الى 8 سنواات ؟؟؟؟؟؟؟؟؟؟

بهي ليش ما ايكونش التقديم في السفارات عن طرق ارسال ضابط جوازات موثوق به من ليبيا الى السفارات يستلم الجوازات ويرجع الى ليبيا بحيث يتم الاصدار من ليبيا وتحت اشراف امني مركزي 

يعني تكاليف ضابط جوازات واحد او اثنين اقل بكثير من سفر الطلبة وعائلاتهم وخاصة اللي ع حسابهم الخاص سواء التكاليف المادية او الوقت والجهد ( مجرد اقتراح وتبادل افكار )

اللهم صبرنا

اصلا الدولة الشي الوحيد اللي ماتفكرش فيه هو الجدوى الاقتصادية, يعني قولي اي شي اخر مرات يسمعولك لكن تقولي مصاريف مش حيدورك حد, يستر الله وخلاص ان شاءالله خير

الصرااحه الواحد ماعنده مايقول... ماصدقت وصلت ليا ثاني يوم بكندا ... لاحول ولا قوة الا بالله العلي العظيم .
والمشكله اللي تقهر اني سألت في السفاره قبل مانجي قالولي جددي من غادي لكن في رب بيأخذ الحق انشالله اصلا الواحد طارت نيته مالقرايه

سوال؟؟؟ هل صعب الي هده الدرجة انك تحصل جواز جديد بدون الرجوع الي ليبيا؟؟؟؟ علاش الهبال واستخدام طرق التشحوير
تستطيع السفارة التنسيق مع الجوازات والهجرة ترتيب جوازات الليبين في كندا وامريكا...  وكل شخص ايجيه جوازه بالبريد...زي العالم والناس...وخصوصا عندهم قوائم جميع الطلبة 
ا