السفارة الليبية تتوقف عن تجديد جوازات السفر للمغتربين الليبيين بكندا و تطلب منهم العودة لليبيا و الحصول ع الجواز الجديد

المرابطون كتب:

السلام عليكم 

بصراحة قرار مجحف وغير مدروس 

رغم انني لا اظن ان له علاقة بامن البلاد ولا بالفارين خارج ليبيا لان ببساطة اذا لم يتم الغاءالجواز الاخضر فما الفائدة كأنك يابوزيد ما غزيت - لان ببساطة اي زلم هارب يذهب الى اي زلم في اي سفارة ويستخرج جواز اخضر جديد بتاريخ يسبق تاريخ هذا القرار وصلاحية هذا الجواز قد تصل الى 8 سنواات ؟؟؟؟؟؟؟؟؟؟

بهي ليش ما ايكونش التقديم في السفارات عن طرق ارسال ضابط جوازات موثوق به من ليبيا الى السفارات يستلم الجوازات ويرجع الى ليبيا بحيث يتم الاصدار من ليبيا وتحت اشراف امني مركزي 

يعني تكاليف ضابط جوازات واحد او اثنين اقل بكثير من سفر الطلبة وعائلاتهم وخاصة اللي ع حسابهم الخاص سواء التكاليف المادية او الوقت والجهد ( مجرد اقتراح وتبادل افكار )

بالفعل الفكرة هذه خطرت على بالي بس ما اعتقد اللي طلع القرار راح تخطر عليه أصلا ... ربي يعيننا عليهم

يا اختي الشركة المنفذة شركة المانية يعني المشكلة في ان القرار امني اما المشاكل الفنية فالشركة المنفذة ستحد الف حل                                                                                            الشي الثاني شنو يعني الاصدار يبي ايكون من ليبيا طول العمر مثلا - ما هما جيين للاصدار من السفارات - الواقع هو صراع سياسي مابين التيار اللي شاد الاجهزة الامنة والجوازات وتيار سياسي اخر شاد الخارجية وغيرها  والكيد والهم ع راس المواطن ولاحول ولاقوة الا بالله

ربما هناك شي غائب عنكم بالنسبة للجوازات الجديدة
أن منظومة الجوازات الجديدة هى نفسها منظومة الرقم الوطني يعني لو ما عندكش رقم وطني لن يصدر لك جواز جديد
وكما تعلمون أن منظومة الرقم الوطني مرتبطة مع السجل المدني يعني معلوماتك العائلية الاسم رباعي واللقب لازم يكون صحيح
وبالتالي أعتقد انه لا مشكلة في اصدار الجواز الجديد من السفارات في حال تم ربط منظومة الرقم الوطني معهم
بس مطلوب كتيب العائلة حتى يطابقو بياناتك ثم يدخلو صورتك وبصمتك على المنظومة

ياناس نبوهن الجوازات الالكترونية ونبو حكومة الكترونية ياريييييت 
لكن ما تجي تقول لطالب في نص قرايته هيا دبر ثمن تذاكر وروح ،من وين يبي ايجيبهن ؟ من المنحة اللي لها شهرين مقطوعة ؟
أطفالنا اللي في المدارس كيف ايصير فيهم ؟
قولوا روحنا اوكي ، امتى نتحصلوا على الجواز الجديد؟ بنغازي موقفينه حاليا وامسكرين الموضوع بكل !
باهي هل الجامعة توافق أن الطالب بقوللهم مع السلامة ومش عارف روحي امتى انجي ؟
عقود السكن ؟
وغيره وغيره .... المفروض فيه استثناء للطلبة لعند ما تكمل فترة دراستهم 
وهنا المفروض تتدخل الجهة اللي اوفدت الطالب و يتدخل السفير على الأقل في إصدار تذاكر ، في النهاية بكل نحن مش هاربين من بلادنا نحن موفدين من الدولة وهي تتكفل بحل هالمشكلة 
حسبنا الله ونعم الوكيل ... واللي ما فيك ساهلة