اكيد ماعندهم حد في القرار لذلك شني يهمهم يلغوه ولا يسيبوه مش مستفيدين منه وبالنسبة للزميل اللي ذكر قصة المقبول ماهو اغلب اللي برا يقرو مقبول مادام عندهم رغبة ليش لا رغم اني تقديري جيد جدا في الليسانس والماجستير وانتضر من2007 في فرصة وفي النهاية يتكرم علينا المشفشف اخر ايامه الله لاترحمه ويصدرولنا قرار والان يجو هذومة يتفلسفوا ويبلعطوا تقول بيعطونا من جيوبهم ..درهت كبودنا من هالمخلوقات ...سبحان الله مافيش مسؤول تعين ودار حاجة فرحت الناس تلقى كان اللي ينكد عليك...شن هالحالة؟؟؟والله مافيه حاجة تغيرت ولو تغيرت فهي للاسوء من ناحية الادارة...وراهو من يقول ازلام لاني والله العضيم اتحدي اي واحد في الدنيا يكره ذلك المسخ اكثر مني ..ولكن تو اللي بينتقد جهة ولا مسؤول يقولوله ازلام ولا مصارين...والله يا221 لو منكم 21 بس يديرو عيطة اللي نعرفها الا مايتنفذ قراركم زيه زي غيره وقبلهم ...لكن .(وسامحوني في هالكلمة)نقعدو نتمنو ولا نتباكو وياليت ونشالله يرحمونا ويحنو علينا والله ماينفع...لانهم اللي يتحشمو ماتو واللي يتحشم على وجهه راه في بيته مش يتزاحمو ع الكراسي والمناصب ويديرو في الشو متاع الوطنية وبناء ليبيا وهي كلها كولسة في كولسة الله لاتربح ولا تسامح كل من ضلم الليبين وهضم حقوقهم وعن نفسي انا غاسل ايدي منهم سواء اللي زمان ولا اللي الان...دامت ليبيا حرة...تمنياتي لكم بالتوفيق
والله كلام ضرب في الصميم خوي مشاكس وانا معاك مع ان تقديري مقبول والفرصة جت بعد سنييييييين والحمد لله وين ما توصل توصل وان ماج كبرت ما بتصغر اي خدمة مني راسلني ع الخاص اخوك الزليطني
وانا معاك ياشباب صدق من فال هما هما نفس الشكال الي تجيب الغمة واللهي حرام اعليك شني اهنا باكستان معقولة جميع القرارت مافيهاش مقبول واللهي قاعدة في واسطة ومحسوبية يعني اللي تغير في ليبيا العلم والنشيد
السلام عليكم ورحمة الله اخوتي انا متأسف لهده الاخبار واأسف على عدم توصلي معكم في الايام الي فاتت لوعكة صحية و فقط اول امس خرجت من المستشفى ولله الحمد والمنة انا معكم على اي شي تريدونه واضم صوتي لصوتكم ربنا يقدر الي فيه خير يارب
السلام عليكم الحل كالاتي من الاخير اني سمعت ان القرار صعب جدا تفعيله والموضوع عند الوزير هو الي يفتي في الموضوع ( يعني تلقطو روحكم وتديرو مدكرة قوية وتطالبو فيها بالتفعيل لان عندنا عدر كبير وهم متورطين توا قبل شهرين فعلو قرارين منح واحد منهم رقمه 517 والتاني مش عارف ) هني نقدرو نحصلو على الوزير ليش تفعل قرارين منح وفيهم المقبول وتوقف قرار تالث من الاخير نديرو حتى محامي لاننا على حق ياشباب المحامي قداش بيكلف في مجموعة كبيرة لاشي عموما من رايي ان واحد منكم يدير مدكرة ونتجمعو مجموعة ونمشو نطالبو بمقابلة الوزير وبعدها يجي دور القضاء سلام
مع احترامي لرأيك اخي المحترم ولكن المحامي لايفيد والقضاء غير مفعل وهذي حكومة مؤقته تنتهي قريبا جدا وبعدين نحن بيننا قانونين يجيدون اعداد مذكرات بالخصوص وماهو الا طلب يصاغ بطريقة جيدة وانا علي استعداد لتجهيزه...انا اقترح على جميع الزملاء المعنين وفي اسرع وقت ممكن تفويض مجموعة 4 او5 اشخاص يتولوا متابعة الموضوع مع الوزير او غيره حتى لا يضيع الوقت وبعد شهر وبضع ايام يكون الوزير قد تغير ربما ونبدو في خرافة ام بسيسي من جديد ولا عتقد ان مقابلة الوزير فيها مشكلة...ارجو ان ينال هذا المقترح موافقتكم...وذا احتجتم اي مساعدة مني انا جاهز ..علما بانني اعمل كمستشار قانوني بجهة عامة ومكتبي مفتوح لكم جميعا ...ورغم اني غاسل ايدي من كل المسؤولين دون استثناء (كما ذكرت في مساهمة سابقة)الا انني سأكون معكم في اي اجراء تتفقوا عليه ..لاني لم افقد الامل في الله بالطبع...تمنياتي لكم جميعا بالتوفيق وان تنالوا مبتغاكم
السلام عليكم الان نحن متفقين على انا القرار مش راح يتفعل اوك اذا ما هي الخطوة القادمة نبو افعال اخواني شنو المطلوب من كل شخص منا بارك الله فيكم لو تبو نتلاقو مافيش مانع وياريت يكبر العدد بالصفحة لانه 221 عدد مش قليل لعله يفيد كل منا الاخر المهم بالله النيكست ستيب
السلام عليكم اخوانى ياريت تكون يدنا وحدة في قرار 54 221 لو 100 شص منهم بس جو ودارو اعتصام بأدن الله حيديرولنا حل امشكلة ان كل حد عابي عالتانى مفروض مانسكتوش ها حقنا خدمنا وقرينا وتعبنا وغيرنا ذلع بالساهل لمجرد ان عنده واصطة حسبي الله ونعم الوكيل ياريت نحددو موعد باش نتلاقو قدام هئية البعتات باش يشوفولنا حل ياهكى ياهكى من غير عشم زايد خلى الواحد يتأقلم مع المستجدات وربي يكتبلنا الخير
لازم نمشو قدام ادراة البعتات اعلاش القرار هدا بس شني احنا مش ليبيين والا كل الي في القرار السابقة 7000 كلهم تقديرهم مش مقبول لازم نتحدو اتقول بقرونا ع حسابهم الخاص ماهو هدا افلوش الليبين واحنا ليبين لنا الحق فيهم انحس في الجماعة ارضت بالامر الواقع رانا توه احرار من حقنا نتكلمو مش زي زمان
وينكم ياجماعة خيركم شنو مافيه اي ااخبار وينكم سكتو حيين والله متو والله ياجماعة عندم اختار هدا الموضوع لم اتوقع انه ستجري الامور هكذا ولكن في الاخير حسبنا الله ونعم الوكيل
معليش ممكن نفهم قرار 54 كيف صدر بالزبط انا القرار عندي و مكتوب فيه انه سيتم ايفاد الطلاب لدراسة بالخارج بمنح دراسية من بعض الدول و ذاكرين اسماء الدول .. يعني انه عندهم منحة دراسية من الدولة الاخرى وهو التي تتحمل مصاريف دراسته وليست ليبيا .... ضح ؟؟
_______________________________
قروب لمة حرائر ليبيا في بريطانيا قروب للنساء فقط مغلق عالفيس بوك أضغطي هنا
