وينكم ياجماعة قرار 54 شنو صيار فيكم شنو اخر الاخبار

والله ياخوى الحمد انت وينك ان شاء الخير هالغياب

السلام عليكم كيفكم خوتي ربي يونسكم ببعض واتجيكم فرحة التفعيل وتلقو اسمكم في قائمة القرار وتبدو تباشرو في البحث عن قبول يارب يارب يارب وتتلاقو في الساحة الله اعلم وين
يلا حبيت انشارك ربي معاكم

ياودى بارك الله فيك وان شاء الله كلامك يكون مسموع ونقول اللهم امين امين

تعرفو ياجماعة شورنا احنا الثلاثه في القرار مع العلم انه القرار فيه 221 طالب ودك مانلقو اسامينا هاهاهاهاهاها

معليشي تو بشوي بشوي يتسلحبو واحد واحد غير انتم نشطوهم بس اكيد فيه الي ماعنداش نت والله اعلم ان شاء الله خير

واللهي دهشونا ياريت يوضحو ياما بنقدو القرارات والا لا خالي الواحد يقري حتي اهني مش يضيعو علية السنة وخلاض

اقرا وين تبي خوى حسام شكله العملية مطوله

السلام عليكم ياشباب هل القرار المقصود هو اللي فيه 221 طالب وهو عبارة عن منح من دول اخرى؟ لو كان كذلك شني معلوماتكم عليه ونحن جاهزين لاي تعاون مع الزملاء لمصلحة الجميع؟؟؟؟؟؟؟؟؟

سلام عليكم. تبو اخر الاخبار من البعثات : انه وعلى لسان مدير مكتب الطاهر بن طاهر وهو السيد المبجل ل ل ل ل (محمد غلبون) اكيد تعرفوه ، قال ان القرارات متاع سنة 2011 سيتم الغائها بالكامل٠ وبخصوص المعيدين واعضاء هيئة التدريس المرشحين من الجامعات سيتم مراجعتها من الجامعة واحالتها من جديد لاستصدار قرارات جديدة بخصوصها اما باقي القرارات ف ربي يعوض علينا خير ان شاء الله٠ عييت من الحلم والدراسة برة اخوكم اسمه في القرار رقم 54 ورقمي التسلسلي في القرار 124 والسلام عليكم.

تي شنو الدوة هادي اخونا بالله خلي مصادرك موثوقة لانك تدوي في كلام وخبر سيئ جدا فا لو انت مصادرك موثوقة ياريت ادير اضافة في الصفحة الرئيسية وانشوفو قصدي الجميع ينتظر على ناار وانت جيت وقلت هكي تي كيف مش طلع اكتر من مرة الخ الطاهر بن الطاهر وقال سوف تتفعل جميع هاده القرارات
قصدي جلطنا يا راجل

http://highereducation.gov.ly/?cat=26

بالتوفيق

واللهي لو الغو القرارات اكبر صدمة لنا بعد لعشمونا في الدراسة يالغو القرارت من يكون السيد الطاهر باش يلغي القرارات شني بطلعنا بنقرو من قلوس بوه حسبنا الله ونعمة الوكيل فيهم

الله اكبر
شن تقولو يا اخوانى حسبي الله ونعم الوكيل معقول القرارات بيتم الغائها لااله الاالله معقولة هكى بعدما قربت وقلنا خلاص بإذن الله واللله حرام عليهم وعندهم حق يديرو اكثر من هكى مالقوش من يوقفهم خليهم قالو بيديرو اعتصام مشيت بروحى مالقيت حد
ربنا آتنا من لدنك رحمة وهئ لنا من أمرنا رشدا

هل هدا خبر اكيد ياجماعة

الله اكبر هل سيسقط الحلم ياحسام ويا777 وياخت المتوكله

اني عاجز عن الكلام اسألو ناقل الخبر والله كان جو الحمد لله امس غيرلي جوي الحق
الحمد لله عل كل حاااال

اتمني من صاحب اخبار ان يقول ماهو مصدر الدى زوده بهده معلومات او يدهب احد الطلبة الي البعثات يؤكد او ينفي ونسال الله انيكون هدا اخبار غير صحيح

انشاء الله يكون الخبر غير صحيح لان معنوياتنا صفر

تي وينكم خيرك ارقتو اصحو الصفحة عشش قيها العنكبوت

السلام عليكم ورحمة الله وبركاته كيف حالكم والله تعرف خوي حساام صايرلنا احباط من الاخبار خصوصا بعد ذاك الخبر تعرف انخش نتفرج بس شنو فيه ملينا يا راجل من مضادات الحيوية متعهم
إن شاء الله العاقبة خير يارب وأملنا بالله كبيييييير
تي باهي مرة مرة انشطو وينك خالد وينك اختنا المتوكلة على الله من تاني ذكرني حساام من معانا في الفصل الدراسي انسيت هههه قولي الفصل هو 221 بس الحطوور 3
كيف صاار اعتصام حتى يتم تفعيل القرارات

هدهووود
شخبارك وشخبارجميع الزملاء ههههههههههه معليش خلو املكم في الله كبير وانى بأن الله بكون حاضرة في الاعتصام همتكم معانا ياجماعه ماابينا يكون العدد كبير باش يعرفو اننا مش ناسيينهم واننا نبو حل اخير علي قولت هداكا الراجل to be or not to beواخيرا خلو املكم في الله كبير وحسبي الله ونعم الوكيل

السلام عليكم كيف الحال

اهو عايشين من قلت الموت

السلام عليكم ورحمة الله
كيف حالكم شباب وكيف المعنويات ربي مايحرمكم ماتتمنوه ان شاء الله مابعد الضيق الا الفرج
حي حي تودي معانا في الفصل ولا خاطم المهم انستنا يا خوي وربي يطول في عمرك
بالله تفاءلو خير وترقبو مابعد 2\5