وينكم ياجماعة قرار 54 شنو صيار فيكم شنو اخر الاخبار

السلام عليكم ورحمة الله
كيف حالكم شباب وكيف المعنويات ربي مايحرمكم ماتتمنوه ان شاء الله مابعد الضيق الا الفرج
حي حي تودي معانا في الفصل ولا خاطم المهم انستنا يا خوي وربي يطول في عمرك
بالله تفاءلو خير وترقبو مابعد 2\5

الله يبارك فيك جيت نونس فيكم جماعتي في قرار 55مكسدين

أنس وشرفت في صفحتك يا خوي كلنا في الهوى سوى وانت ماشاء الله عليك موفد نشط كل موضوع ياإما كاتبه او موضوعك هههه
ربي يحفطك

السلام عليكم ...أنا كنت فى البعتات اليوم وعرفت إن قرار 54 أصبح قرار عادى يعنى معاش قرار منح اما دوة إنهم بيلغوه مافيش منها بكل وعلى حسب كلامهم التفعيل مش حيفوت شهر 5 وانا معاكم فى الإعتصام السلمى ..وشكرا

في الأول مش حيفوت شهر 3 وقبل اسبوعين مش حيفوت شهر 4 وتوا مش حيفوت شهر 5 والشهر الجاي مش حيفوت شهر 6 , شن لعب الصغار هذا ,بالله اللي كل اسمائهم طالعة في قرارات شهر 3 يجي يوم 2\5 قدام الوزارة اعتصام سلمي في شارع الزاوية يجنب اشارة ضوئية متاع شارع النصر من الساعة 9 ونصف الصبح .

هذا الصح يا خوي wiener الاعتصام يوم 5/2 وصح لسانك
الله اكبر الله اكبر ولله الحمد

بعون الله جايين بس والله ماعرفت المكان وين بالضبط

وزارة التعليم العالي هيا نفسها ادارة الجامعات سابقا ,تجي في بداية شارع الزاوية بالضبط ,تخشي شارع النصر بعد اول اشارة ضوئية تاخذي يسار وتدخلي شارع الزاوية تلقي مدرسة ثانوي بنات علي اليسار ,مبنى الوزارة بعد المدرسة علي طول علي اليسار

والله حتى انا فديت ومعاش عارفة هما علااااش لحد توا ايماطلوا ..يس والله كل مانمشى ايقولولى خلااااص قريب ان شاء الله ويخلونى مروحة نضحك بروحى من الفرحة

اللي فد ويبي قراره يتنفذ يجي قدام الوزارة يوم 2\5 من الساعة 10 الصبح .

بإدن اللع ياخوى ولا يهمك و بنجيب معى كل اللى نعرفهم

مرحبتين بيك أختي الكريمة ,اهم شي ان الأعتصام قدام الوزارة في شارع الزاوية بجنب شارع النصر.

السلام عليكم
اخوانى بالله عليكم الدعاء والتوكل علي الله العلي العظيم والصدقة والاستغفار بالله عليكم
انى بإدن الله بنكون حاضرة في الاعتصام صح حنكون post night ومرقدتش ليا فوق من 18 ساعه لكن لابد من الوقوف وقفة جادة ياريت الحاضر يعلم الغايب قرار 54 بس فيه 221 إسم كان يجو حتى 150 الله اكبر خير ونعمة نبو صوتنا يكون مسموع والله تم والله انى مع التنسيق مع صديقاتى نضمنا اعتصام امام مجلس التخصصات وألغينا أمتحان كان بيديروه بجد هما لما يلقونا مش ساكتين ونبو حقنا ومش خايفين حيرضو غصب عنهم بعد معاش في خوف هذا حقنا وبأدن الله العلي القدير حيكون ف عوننا ويسساعدنا وياخد بيدنا نتلاقو علي خير في الاعتصـــــــــــــــــــــــــــــــــــام والله اكبر

حياك الله أختي المتوكلة , وربي يكثر من أمثالك , وموعدنا يوم 2\5 قدام وزارة التعليم العالي .

السلام عليكم شنو اخر اخبار اخي 777 وحسام وين اخت المتوكلة واسف علي عدم حضوري غدو اعتصام والله قلبي معكم وان شاء الله خير والله لو الضروف لاكانت اول واحد

الله المستعان
اللهم اجرنى في مصيبتى وأخلف لي خيرا منها
ربنا أتنا من لدنك رحمة وهى لنا من امرنا رشدا
الحمدلله علي كل حال

شنو مصدرك هل اكيد او قيل وقال واتمنا ان لا يكون صيحيح

من وين هده معلومات يامجدي وليش بس قرار 54 هل هم موش ليبيين وكيف ياجماعةوان شاء الله مانطلعو من الهندددددددددددددددددددددد

الحمد لله علي كل حال
وانشالله ماناخدو الا نصيبنا وانشالله يارب لينا نصيب في هابعثة ,,,
^_^

ياشباب اني ماجبيت شي من عندي
هدا كلام احد الاخوة في لجنة فرز احد القرارات
وبالنسبة للاسماء المحملة في اكثر من قرار وبالنسبة لقرار 54 اني قلت انهم استثنوه مؤقتا ولم يوقفوه اي بمعني فيه سبب للاستثناء اللله اعلم بيه وعن لسان المصدر نفسه ان تعليمات جت للبعتات بسرعة خدمة القرارات ماعدا 54 لحين النظر فيه ياما يفعلوه او ينظرو كيف يتعاملو معاه ( كيف يديروله بالليبي )
والله العظيم الكلام اكيد

الله غالب يااخ مجدي ولكن لاتعرف لمادا قرار 54 فقط حسب معلوماتك من مصدرك

لحضة يا خوى أنا نعرف انه حولوه لقرار عادى معاش قرار منح لكن مش بيلغووووووووه

انا نفس شيء عندي هده المعلومات ولكن الان تفاجاءت بهدا اخبار سوف لا يتم تفعيل اقرار