التاشيرة البريطانية نوع ( Tier 4 ) القديم

السلام عليكم ورحمة الله وبركاتة اخوتي
هل من الممكن التقديم علي التأشيرة قبل 4 اشهر من بداية الكورس .

بارك الله فيك اخي ابو محمد وجزال الله خيرا وكذلك اخي التومي

السلام عليكم
انا عندي شهادة مرتب بتاريخ شهر 12 اللي فات نقدر نقدم بيها عالتاشيرة و الا لازم ندير وحدة جديدة بالله اللي عنده الاجابة يفيدني و في ميزان حسناتكم

انا نبى نقدم للتاشيرة البريطانية مع العلم بنقدم على التاير4 المهم انى خذيت كشف الحساب من المصرف ونبى نترجمه نبى نعرف وين نترجمه وهل السفارة البريطانية تشترط مكان معين اترجم منه كشف الحساب ورجاءا اعطونى كل المعلومات عن الموضوع هذا وربى يجازيكم الف خير رجاءا بسرعة مستعجلة هلبااااااا

الووووووووووووو وينكم ساعدونى ارجوكم

عند اى مترجم قانونى معتمد من اى محكمة فى ليبيا

السلام عليكم
على ذكركم كشف الحساب هل هو ضروري في تأشيرة Tier 4 على علمي انه مهم في تأشيرة طالب زائر ومعاك مرافقين .
بالله اللي عنده معلومة يصحح . ولكم جزيل الشكر

السلام عليكم و رحمة الله و بركاته

الاخوة اعضاء المنتدي هناك نسخة جديدة صادرة في ابريل 2012 الي VAF9 Appendix 8
ارجو من الاخوة الاطلاع عليها لان فيها بعض القيم قد تغيرت

للاطلاع ارجو زيارة الرابط التالي:

http://www.ukba.homeoffice.gov.uk/sitecontent/applicationforms/visas/vaf9-app81.pdf

و بالتوفيق ان شاء الله

اخ التومى بعتتلك على الخاص ياريت ترد عليا

وممكن نعرف شن قصة VAF10???

والله ياريت يجاوبونا

و عليكم السلام

اختي Imoon انا اسف لاني و الله لم انتبه الي الخاص و سامحيني
VAF10 هو يشبة الابليكيشن التي تعبي في النت بس هذا يعبيء باليد و للشخص المرافق و الابناء بس لما يتم التقديم علي التاشيرة نوع Tier 4

و للاطلاع ارجو زيارة الموقع التالي:
www.ukba.homeoffice.gov.uk/sitecontent/applicationforms/visas/vaf10.pdf
و بالتوفيق ان شاء الله

هيثم عبدالصمد كتب:

السلام عليكم
انا عندي شهادة مرتب بتاريخ شهر 12 اللي فات نقدر نقدم بيها عالتاشيرة و الا لازم ندير وحدة جديدة بالله اللي عنده الاجابة يفيدني و في ميزان حسناتكم

بالله افيدوني

شهادة المرتب شن قصتها ومن وين نحصلها مع العلم ان انى موفدة فى قرار الاوائل يعنى مش شرط انى نخدم فى الدولة ومعبية فى الابليكيشن انى مش موظفة يعنى مانخدمش ساعدونى وردو عليا رجاااااااااااءا وانى ماشية انى وزوجى بس مش معاى اطفال تكفينا المنحة 1681 باوند او ضرورى اندير كشف حساب

اختي الكريمية

المبلغ الموجود في رسالة الدعم يحقق الشروط المطلوبة ليك انت و زوجك ليش كل هذا القلق.

و بالتوفيق ان شاء الله

شكرا خوى التومى يعنى تكفينى المنحة انى وزوجى1681 ومش محتاجة جو كشف حساب ومالى ذلك؟؟
بارك الله فيك

اختي الكريمية
لاحظي في الصفحة رقم 6 الموجود في النموذج VAF9 الا من المفروض انت عبتيه موجود في السؤال رقم 6.8 بانك انت تحتاجي الي 800 باوند خارج لندن في الشهر و كل مرافق يحتاج الي 450 باوند في الشهر للمعيشة يعني 800+ 450 = 1250 باوند و في رسالة الدعم مكتوب 1681 باوند يعني انت عندك فائق و الحمد الله
و رسوم الدراسة راح تدفعها الدولة

و موفقة ان شاء الله

مشكووووووور وبارك الله فيك ويبشرك الله بلخير

lmoon كتب:

شهادة المرتب شن قصتها ومن وين نحصلها مع العلم ان انى موفدة فى قرار الاوائل يعنى مش شرط انى نخدم فى الدولة ومعبية فى الابليكيشن انى مش موظفة يعنى مانخدمش ساعدونى وردو عليا رجاااااااااااءا وانى ماشية انى وزوجى بس مش معاى اطفال تكفينا المنحة 1681 باوند او ضرورى اندير كشف حساب

نعم زي ما قال أخي التومي بارك الله فيه مافيش داع لكشف حساب في حالتك لأن معاك مرافق واحد فقط (بس لو أكثر من 1 تحتاجي) ومافيش داع لشهادة مرتب لأنك ماتشتغليش وماعندكش مرتب

بس تقريبا شارطين لازم الكورس اللي تبي تقريه 6 شهور أو أكثر عشان يمشي معاك مرافق

ِAbu Mohamed كتب:

بس تقريبا شارطين لازم الكورس اللي تبي تقريه 6 شهور أو أكثر عشان يمشي معاك مرافق

اخي الكريم ابو محمد هذا الشرط خاص بأي تأشيرة هل هذا لتأشيرة التاير فور

السلام عليكم
اى حد مر بنفس المشكلة ياريت ينصحنى بحل انى مازال ماقدمت ملفى للبعتات عشان التفويض والكاس نمبر اللى عاطيينهولى المفروض يوم 17 فى شهر 9 نكون موجودة غادى فى بريطانيا والا المعهد حيبلغ انى ماوصلتش وحيلغولى الكاس نمبر ويعطونى واحد تانى وعاودى اجرى من الاول تاشيرة ودوشة وانتم عارفين لو بنحط ملفى فى نهاية الشهر الجاى او نصه نبى اقل شى من شهرين ونص الى 3شهور عشان يطلعلى التفويض ويبدو الصرف فى بريطانيا كيف الحل نقدر نسافر قبل مايطلع التفويض عشان مايضيعش منى الكاس نمبر والتاشيرة وكيف من ناحية الصرف غادى السفارة شن ادير فى وضعى
ياريت اى حد عنده حل او مار بنفس مشكلتى يقولى وشكرااااااااااا

الوووووووووووووووووووووووووووووووووو