كل مايتعلق بتأشيرة طالب زائر وتأشيرة سائح

شكرا اخي محمود وبارك الله فيك

لا يمكن تجديد التأشيرة داخل بريطانيا
ضروري ترجع الى بلد لتجديد التأشيرة
واقل تأشيرة يتم اعطائها لك هي لمدة 6 شهور و هي سياحية لايمكنك دراسة اللغة بها

ولكن لو تبي تقرا هناك يعطوك تأشيرة لغة و مدتها 11 شهر

السفارة في طرابلس لعند امس قالوا خلال هذا الاسبوع و الله اعلم

بخصوص التأشيرة التي تناسبك هي تأشيرة طالب لغة و مدتها 11 شهر
والاطفال يتم مرافقتهم معك .. لانه الانجليز حريصين كل الحرص على بقاء الاطفال مع امهم
و بعد 11 شهر ضروري تروحي الى ليبيا لتجديد التأشيرة من طالب لغة الى طالب اكاديمي

اخي المتميز
يمكن لزوجتك السفر معك بتأشيرة طالب لغة
وتقدر تسأل اي حد عليها

السلام عليكم جميعاً
بالله عليكم من يستطيع أن يؤكد أو ينفي خبر أن الدكتور الطاهر بن طاهر قال أنه في اتفاق مع المفوضية البريطانية بخصوص إعفاء الطلبة الليبيين الموفدين على حساب المجتمع من شرط اللغة عند التقدم للتأشيرة ، أي بمنعنى أنهم يستطيعون اصطحاب عائلاتهم معهم حتى بدون حصولهم على أيلس 4 فما فوق ؟

هذا صحيح وانا قاله لي شخصيا الدكتور بن طاهر بحكم اني مرافقة لزوجي

بخصوص التأشيرة هناك خيارين لطالب الليبي ..
1- طالب ليبي ذاهب بقبول لغة فقط
هنا ستكون مدة التأشيرة 11 شهر فقط لانه ليس لذيه درجة في امتحان الايلس و بهذا لا يحق له في اكثر من 11 شهر و في نفس الوقت يحق له يرفق معه اسرته

2- طالب ليبي ذاهب بقبول اكاديمي مشروط وليس لديه لغة
فهنا يكون حكمه حكم طالب اللغة لان السفارة البريطانية لا تعتد بقبول اكاديمي بما انه ليس لديك درجة في الايلس لاتقل عن 4
يعني حيعطوك تأشيرة لمدة 11 شهر فقط و ترجع الى ليبيا لتغيير التأشيرة بعد حصولك على الايلس
وتستطيع ارفاق اسرتك معك ايضا

3- طالب ليبي ذاهب بقبول اكاديمي غير مشروط ولديك لغة و درجة في الايلس
هنا يتم اعطائك تأشيرة لمدة الدراسة بالكامل و في هذه النقطة فقط لن يكون هناك داعي لرجوع الى ليبيا لتجديد التأشيرة

شكرأ أخت نورا على هذا الإيضاح ، ولكن هل هناك أي من الطلبة الليبيين جرب قدم بقبول اللغة على التأشيرة وحصلها هو وعائلته ؟

نعم في ...
وبخصوص الاستفسار الطلبة القدامي لن يساعدوك كثيرا بخصوص التأشيرة لان اجراءات التأشيرة تغيرت منذ شهر 8 - 2011
يعني اللي مسافرين من قبل مش حيساعدوك في المشورة بخصوص التأشيرة

بارك الله فيكم جميعا وبارك الله فيك يا اخت نورة منورة جزاك الله خيرا

باه يا اخت نورة هل احضار عنوان السكن في بريطانيا ضروري حتى للدارسين على حساب المجتمع

شكراً أخت نورا على الإجابة
وأرجوا من أي شخص جرب قدم بقبول اللغة وحصل على تأشيرة له ولأسرته بأن لا يبخل علينا بأي معلومات تفيد الجميع ، وجزاكم الله خيرا

شكرا بس كيف قتلي التاشيرة سياحية بس نحكيلاك علي الدراسة

اخي الكريم لو انت تبي تقرا لغة فهما يعطوك تأشيرة طالب
لان تأشيرة سياحة لا تستطيع ان تدرس بها
المهم لو انت مسافر لدراسة حيعطوك تأشيرة طالب زائر ومدتها 11 شهر

السلام عليكم...
عندي إستفسار لو سمحتوا إلي عنده معلومة يفيدني... أني عندي قبول لغة من جامعة نيوكاسل يبدا شهر 9 و إنشاء الله الأسبوع الجاي بنمشي إلى تونس عشان تأشيرة طالب زائر. عشان تقوم بإجراءات التفويض المالي,,سؤالي لو التأشيرة صدرت شهر 4 و مازال 5 أشهر عن بداية الكورس شهر 9 هل الــ 5 أشهر ما بين صدور التأشيرة و سفري يخصم من مدة التأشيرة إلي تكون في هالنوع من التأشيرة 11 الشهر مع جزيل الشكر...

اختي الورد..حسب علمي ان المدى القصوى للتقديم على الفيزا تكون 3 شهور قبل بداية الدراسه.. يعني لو قرايتك في 1 من شهر 9 تقدري تقدمي من 1 من شهر 6.. لازم تتأكدي قبل ما تمشي لتونس.. الشي الاخر ما تربطيش روحك بقبول اللغه الخاص بالجامعه.. اقري في معهد لغه متخصص الي تقدري تبدي فيه في اي اثنين من اي اسبوع

أخ محمد شكراً على الرد... المشكلة إني مضطره نقرا كورس لغة متكامل في الجامعة لأن قبولي الأكاديمي فيها مشروط بي هالشرط و كان قريت في معهد قبل الكورس ينقص عليا مدة اللغة.. و من ناحية تانية زوجي عنده قبول دكتوراه من نفس الجامعة و المفروض يكون غادي شهر 6 و الله حرت

بعض الحلول

1. ادوريلك معهد لغه في نفس المدينه الي فيها الجامعه الي تبي تقري فيها و تبدي من شهر 6 معاهم و الا في اي تاريخ يناسبك.

2. لو الايفاد لزوجك و عنده 4 و نص في الايلتس تقدري تمشي كمرافق و بعدين تبدي من شهر 9 القرايه في الجامعه .
3 لو الايفاد لزوجك و في نفس الوقت ما عنداش 4 نص في الايلتس ما عندكش خيار اخر الا انك تمشي على فيزة زائر و بعدها تطلعي تغيري فيزتك من خارج بريطانيا لما بتلتحقي بالجامعه و هذا حل غير واقعي .... من سنتين كان مسموح للي جاي على فيزة زائر بدراسة اللغه الانكليزيه فقط لكن ما نيش عارف توا شن صاير و الاقرب انهم وفقوا الشي هذا

4. تقدمي على الفيزه الزائر في شهر 6 و تمشي لبريطانيا شهر 8 اي شهر قبل بداية الكورس....

في الحقيقة أخ محمد أني عندي إفاد ماستر و زوجي عنده إفاد دكتوراه بروحه و عنده آيلس 5.5 بس المفارقة إن إدارة البعثات في طرابلس ألزمتنا بأن كل واحد بإجراءاته بروحه لغاية التفويض المالي يضمونا في ملف واحد و هذا إلي عقد الأمور

حطوا البعثات في صورة المشكله هذي و بعون الله يتفهموا الحاله و يبدوا بعض الليونه,,

أخ محمد الله يجزاك خير على الحلول إلي قدمتها و بارك الله فيك و إنشاء الله خير

من قدم بقبول لغة وماعنداش ايلس وحصل على تأشيرة له ولأسرته يرد علينا الله يرحم والديكم

اخى محمد و

السلام عليكم

قدمنا على التاشيرة و انتظر في الموعد و لله الحمد

التاشيرة سواء سياحية او طالب زائر تبداء بتاريخ معين مثلا تاريخ الاصدار ام انه من يوم تدخل بريطانيا يعني الستة شهور من تقدم التاشيرة وتطلع التاشيرة او بعد سفارة يبدوا يحسبوا في المدة

ماالحل في المرافقين للتأشيرة لبريطانيا افيدوني