كل مايتعلق بتأشيرة طالب زائر وتأشيرة سائح

hananali كتب:

ماالحل في المرافقين للتأشيرة لبريطانيا افيدوني

واللهي يا أختي العزيزة حتى انا امتعبتني القصة هاذي ان شاء الله القادر على كل شيء ايسهل الامور..

الي عنده الايفاد يقدم على تأشيرة الطالب الزائر و المرافقين يقدموا على تأشيرة زائر

شكرا اختي دانية وإنشاالله ربي يسهل , ممكن اختي ان نبقى على تواصل من خلال الايميل لاني محتاجة حد يكون نفس الوضع حتى انفيدك في حالة تحصلت على حل وانتي كذلك... ردي عليا بارك الله فيك


بالنسبة للاخ محمد شكرا لك . بس نحب نسألك كم لازم يكون في الحساب وهل الحساب لازم جاري ام مبلغ مدخر ؟

اي حساب؟ مادامك موفده,, رسالة الدعم المالي تغني على كشف الحساب

شكرا اخ محمد, الحساب م للموفد بل للمرافق زوجي وبيقدم على تأشيرة
كم لازم يكون في حسابه مع انه معي في ورقة الدعم

اسمك و اسم المرافقين حيكونوا في رسالة الدعم المالي.. فحسب ما نعرف رسالة الدعم المالي كافية حتى للمرافقين الي بيقدموا على تأشيرة زائر..

السلام عليكم
افيدونا جزاكم الله خيرا
هل صحيح تغيرت درجة الايلتس المطلوبة tier4 الى 5.5 بدل 4.5 في القانون الجديد
واللي عنده معلومة اكيدة بالله يرد علينا لاني اتصلت باحد المكاتب وقال لي انها تغيرت الى 5.5 وهذا التغيير جديد

اسفة على التدخل رغم ان الساحة تبعي المانيا بس حتى اني مشكلتي شبيهة بيك .. بس حسب علمي إن الزوج عادي يكون معاك مرافق و يعطوه منحة و صحيح يكون معاك في نفس ورقة الدعم المالي لا يحتاج لورقة دعم مالي خاصة به كما في حالة الأخ حيث يشترط دعم مالي و منحة خاصة به و هذه مشكلتي ..... و الله المعين.

الخطيب23 كتب:

السلام عليكم
افيدونا جزاكم الله خيرا
هل صحيح تغيرت درجة الايلتس المطلوبة tier4 الى 5.5 بدل 4.5 في القانون الجديد
واللي عنده معلومة اكيدة بالله يرد علينا لاني اتصلت باحد المكاتب وقال لي انها تغيرت الى 5.5 وهذا التغيير جديد

ياريت مانخلطوش المواضيع على بعضهم أو ممكن المشرف يحط المواضيع المتشابهة مع بعض عشان مانكرروش المواضيع والنقاش

بالنسبة للأيلتس حسب مافهمت من المواقع هذه ومن موقع uk border agency المسؤول عن إعطاء التأشيرة أن المعدل المطلوب هو مايعادل B2 في
the Common European Framework of Reference for languages (CEFR) in each of the 4 components: speaking; listening; reading; and writing.
ومش عارف B2 كم يعادل بالأيلتس بس فيه شروط للمعدل هذا يمكن تقرأها وأيضا التغيير هذا من شهر أبريل 2011 يعني من سنة بس الأفضل هو أن تسأل مكتب التاشيرات أوالسفارة الإنجليزية في الدولة اللي حتقدم عندهم لأن في بعض الشروط يحطوا فيهن في بريطانيا مايتقيدوش بيهن السفارات البريطانية خارج بريطانيا (على سبيل المثال في 2010 حطوا شرط لازم كل الطلبة يجيبوا كشف حساب وحددوا المبلغ ولكن السفارة الإنجليزية في ليبيا أكتفت بورقة الدعم المالي)

http://www.ncl.ac.uk/postgraduate/international/requirements/tierfourvisa.htm

http://www.ukba.homeoffice.gov.uk/visas-immigration/studying/adult-students/can-you-apply/english-language/

http://www.ukba.homeoffice.gov.uk/sitecontent/documents/news/english-clarification.pdf



عدل سابقا من قبل ِAbu Mohamed في الثلاثاء 05 يونيو 2012, 9:19 pm عدل 1 مرات

بالله عليكم يا اخوان الي مش متأكد من شي ما يعلقش بأشياء ممكن تلخبط الناس الي يبوا يقدموا على الفيزا.............. الشروط قاعده زي ما هي... عندك 4 في الايلتس ,, تقدري تجي لبريطانيا لدراسة اللغه الانكليزيه بتأشيرة التاير 4..... بالنسبه لل 5. 5 فالدرجة هدي حتطلب للكورسات الاكاديميه بس.... من الجاميعيه فما فوق... ممكن مثلاكورسات الاعداد الاكاديميه للماجستير التي تعطى قبل الانخراط الفعلي في دراسة الماجستير.....................

استاذ محمد الاصبعي مبدع انت في الرد ماشاء الله موسوعه
والله المنتدي محظوظ بوجودك,,,,ربي يجعله في ميزان حسناتك
وربي يفرج علي مشكلة المرافق لكل فتاة موفده,,,,اللهم امييييين

تاريح بداية التأشيرة يبدأ من تاريخ اصدارها و ليس من يوم دخول بريطانيا
يعني مثلا لو انت تبي تسافر لبريطانيا شهر 9 و انت قدمت على التأشيرة من توا
فيتم تحديد بداية التأشيرة قبل اسبوعين او ثلاثة من موعد سفرك الى بريطانيا
ومنها يتم حساب مدة 6 شهور

بخصوص المرافقين انا الدكتور بن طاهر قالي شخصيا من سيتم ايفاده على حساب الدولة هناك اتفاق مع مفوضية بريطانيا بسماح الطلاب الليبين ارفاق مرافقينهم معهم حتى من ليس لديه درجة في الايلس ..
ولكن الايام الماضية كانت السفارة البريطانية مسكرة و مش متأكدين انه سيتم تنفيذ الاتفاق او لا .. ولكن قولن ان شاء الله خير ^^

بخصوص درجة الايلس قاعدة هي هي 4.5 و لم تتغير

بخصوص الحساب البنكي لا يطلب من الطلاب الموفدين على حساب الدولة
ولكن من ايفاده على حسابه الخاص سيتحتاج الى حساب بنكي جاري و مترجك لمدة 6 شهور و فيه مبلغ يكفي مدة الدراسة و المعيشة

هذي شطحه تضاف الى شطحات بن طاهر..و هذا يدل على ان بن طاهر ما عنداش ادنى المام بنظام الهجرة في بريطانيا.... شروط الهجرة في بريطانيا معممه على كل البلدان و كل السفارات تمشي بنفس النظام ..

خوي محمد انا زي ماقلت من قبل اتصلت به شخصيا وهو من قالي هذا الكلام .. اذا في رقبة الدكتور كان كلامه مش صحيح .. وانا اللي عليا انه انخبر الجماعة باللي قاله ليا .. ومرات يطلع صح كلامه ^^ عليش مستعجلين .. السفارة توا فتحت و توا انشوفوا يا قمح يا شعيرة ^^

الشكر لكل من ساهم وافادنا برأيه والله يفتح عليكم

لكن الله يخليكم مازال لم نصل للخبر اليقين ,,,و اللي مؤكد الى الان الاتي
يا موفد يلي لديك عائلة :
1. كان درت امتحان وحصلت 4 ماشي تمام تقدر ترفع عائلة معك والتأشيرة تمام .

2. بس كان مادرت الامتحان تبدأ المشكلة للموفد المتزوج وهي:
الموفد يحصل قبول ويقدم ويحصل التأشيرة , ام الزوج والصغار يقدموا على تأشيرة زائر لمدة 6 شهور والله اعلم يعطوهم التأشيرة ام لا

ياررررررريت والله نلاقوا حد متزوج وقدم فعلا على التأشيرة وعطوها له هو وعائلته حتى ينورنا لان الكلام الاخر كله تخمين ونريد الواقع بالله اللي يعرف حد يماثل الوضع لايبخل علينا في هذه الحيرة

وجزاكم الله خيراااا

التأشيرة يعطوها ليهم .. ماتخافيش .. و لكن المشكلة انها 6 شهور بس و بعدها يردوا الى ليبيا .. ولكن في حل واحد .. انه تحصلي على درجة الايلس في خلال 6 شهور و تروحي ماهم و تغيروا التأشيرة و تغييرها ما يأخذش وقت ^^

شكرا اختي نورا على ردك

سؤالي هل في حد فعلا فعلا مش قولا قدم بنفس حالتي واعطوه هذا سؤالي اريد عن تجربة و كلامك 100% مضبوط حسب ماتعرفي تمام وكيف ماقالولك ذوي الشأن

فياريت لو تعرفي حد صارت معه نفس الحالة تفديني مع الشكر الجزيل

السلام عليكم
عاد اليوم الموقع الالكتروني للعمل بشكل رسمي بعد ان انقطع ليومين.................بالتوفيق.......السلام عليكم

ياعالم ياناس ... ...يعني معقولة عندي ايفاد وبعيلتي وتعطيني تأشيرة 11 شهر وصغاري وبوهم بس 6 شهور؟؟؟؟
شن هالحالة ...واللهي كرهونا في الايفاد اللي الناس حسدتنا عليه ..

كيف الحل ؟؟؟ شن بندير ؟؟المفروض الموفد اللي معاه عيلة له معاملة تختلف عن العزابي بالذات لما ايكون الموفد هي الزوجة وليست الزوج....

رغم انه واللهي المشكلة هي هي خلاص الواحد وقف التفكير عنده
وبعدين نحن وفي عهد المقبور انجليزيتنا زيرو يعني اتزر علي نفسك عشن تاخذ الايلس ..نحن واللهي انحاولوا وربي ايساعدنا
الحاصل ربي يعينا وخلاص...القادر على كل شي يسهلنا الامور

سامحوني لكن ربي عالم بيه

عدل سابقا من قبل دانية في الجمعة 06 أبريل 2012, 8:49 pm عدل 1 مرات (السبب : خطأ مطبعي)

ياريت تعطيني رابط الموقع

اختى في الله عندي تعقيب صغير.... بالنسبة لموضوع الانجليزية الزيرو.... كان في تعليم متاح للغة الانجليزية ... ومن عنده رغبة في تعلم اللغة الانجليزية سوف يتعلمها ولو كان قاعد في المريخ.... انا تحصلت على شهادة من بريطانيا عان 1995 وكان معايا طلبة مش متعلمين تعليم عالي وتحصلوا على شهادات لغة انجليزية ..... الي عنده رغبة حيتعلم وينبغى ان لانلوم غيرنا على الدوام وشكرا....

مشكور ياخوي عبد الناصر عالرد ...لكن ماتحسش بالمشكلة اللي انا فيها لانك طبعاً مش في نفس ظروفي ...ولانفس وضعي..
وبعدين ماتقدرش تنكر انه غياب الانجليزي عن الوسط التعليمي في بلادنا الغالية كان له المردود السلبي والواضح اللي مش محتاج نقاش...وبارك الله فيك

https://www.visainfoservices.com/Pages/dest_org.aspx
http://www.visa4uk.fco.gov.uk/
الرابط الاول لحجز الموعد و الرابط الثاني لتعبئة النماذج ......بالتوفيق و السلام عليكم

أختي ربي يسهلك ان شاء الله بس حتى انا وزوجي تأشيرتنا لكندا كانت هكي ممكن انا أكثر منك بشوية يعني انا تأشيرتي كانت سنة ونص وزوجي 6 شهور بس عادي تقدري تجددي في بريطانيا يعني اهني في كندا تمشي للجامعة اللي تقري فيها ويكون يها مكتب خاص بالتأشيرة وتجددي تأشيرتك وان شاء الله خير اختي ما ضايقي روحك وبالنسبة للانجليزية عندك الحق الوسط التعليمي في ليبيا جدا ضعيف وخصوصا الانجليزي لاننا ما نستخدمو في المحادثة الانجليزية في الحصة ولا نكتبو في مقالات بالانجليزي يعني اقرا باش تنجح بس زي ما قال الاخ لما تنوي توا لغتك تتحسن وربي يوفقك