كل مايتعلق بتأشيرة طالب زائر وتأشيرة سائح

السلام عليكم
انا موفدة وقررت اذهب الى بريطانيا بعون الله بس لدي استفسار ارجو من اصحاب المعرفة فى هذه الامور ان يفيدوني لانى مليت من الذهاب الى ادارة البعتتات وبرودهم فى الاجابه
انا الحمد لله تحصلت على رسالة الدعم المالي وحاليا اراسل للحصول على قبول لغة من بريطانيا ولكن واجهتنى مشكلتين
الاولى : قالو لي ان عند التقديم للحصول على تاشيرة سوف اقوم بامتحان انجليزى فى السفارة ( بالنسبة لى لايوجد مشكلة بس مرافقى انجليزيته مش كويسة فأريد تأكيد هذا الخبر؟؟؟)
التانى : اريد معرفة نوع التأشيرة التى سوف تعطى لزوجي ( ارجو التوضيح )
واسفة للاطالة وشكرا على المساعدة

نفس المشكلة اختي العزيزة ...نستنى معاك الرد ياريت اي حد ايفيدنا..

اسرار كان انجليزيتك كويسة قدمي على الايلس كان حصلتي الاربعة قدمي على تاشيرة التاير فور اربعة سنوات وزوجك ياخذها معاك مافيش مشكلة. عارفة اسرار حفظت هذا الكلام من كثرة ماتكرر سرده في المنتدى
مواعيد الايلس بعيدة عن بعض فخذي موعد من الان كان عندك النية للتقديم للامتحان وربي معاك وادعيلي الله يفتح عليك

لا والله انجليزيتى مش متاع ايلس الحق ( كان فيه حل غيره يااااااااااااااااااريت)

ماهو هذه المشكلة يااسرار ممكن مازلتي جديدة بس توا كيف وصلتك هذه معضلة كل موفد متزوج وماززززال ننتظروا في الحل

ما اتقوليليش غيرى الساحة لانى الحق عييت من الموضوع هذا واستقرت على بريطانيا ان شاء الله

باهي زيكو فيدونا احني المتزوجات ضن نديرو والله فكرت بشكل جدي نغير لكندا بس خايفة من الصعوبة والايلس مرات منحصلوش الدرجةن وانا سمعت انه ليبيا تتناقش مع بريطانيا عشان يلغو الامتحان صح هالكلام؟

ياريت اي حد يرد علينا
هل التأشيرة للموفد والمرافقين نفس المدة يعني مش الكلام الاول على اساس
انه الموفد 11شهر والمرافقين 6 شهور ... من عنده معلومة يساعدنا

الاخت دانية....

لو صاحب الايفاد بيقدم على تأشيرة طالب زائر.. فمدة التأشيره حتكون 11 شهر .. لو المرافق قدم على تأشيرة زائر.. مدة التأشيرة حتكون 6 أشهر.... في بعض الحالات... صاحب الايفاد و كذلك المرافق يقدموا على تأشيرات طالب زائر بحكم ان المرافق عنده احقية في الدراسه.. فالزوز تكون مدة فيزتهم 11 الشهر... ,,, .............ناخذوا حالة اخرى و ممكن هدي اقرب لحالتك... لو مثلا عائلة تتكون من 3 افراد,, الزوج الزوجة و طفل... و نفرض ان الزوج هو صاحب الايفاد و الزوجة تبي تقرا لغه.. الزوز يقدروا يقدموا على تأشيرة ظالب زائر الي مدتها 11 شهر لكن الطفل ما يقدر يقدم الا على فيزة الزائر الي مدتها 6 اشهر.. فمعناها العائله ضروري تطلع من بريطانيا قبل الستة اشهر هذم.. اتمنى ان الموضوع واضح توا

بارك الله فيك خويا محمد ... ربي يسهلك كل الصعاب

السلام عليكم
اليوم قمت بالمقابلة و اي استفسار أنا جاهز و أتمنى أن أفيد السائلين و شكرا...... السلام عليكم

شنوا شلت معاك من اوراق ؟؟

السلام عليكم
1- صور الجواز و الجواز
2- شهادة القبول للدراسة
3- الدعم المالي
4- شادة التخرج و كشف الدرجات
5- عقد الزواج والترجمة اذا كنت متزوج
5- اذا فيه شهادات ثانية تدعم موقفك مثل ( كشف حساب بنكي , شهادات خبرة سابقة , رسالة من العمل , و هكذا.............)
طبعا حتى الاصل يأخذوه لأن يبو يبعثوه لبريطانيا و يرجعوه لك اذا ارفقت معاه صور له

السلام عليكم
اخي اذا كنت متزوج ماذا طلبوا على المرافقين
وشكرا

بارك الله فيكم

السلام عليكم
اختي hananali انا لدي قبول لغة و عن طريق رسالة الدعم المالي للفيزا تحصلت على قبول لغة للمرافق ( نحن الاثنان فيزا نوع student visitor visa ) اما ابني فنوع فيزا child visitor ,,, انا و الزوجة نفس الاوراق السابقة اما الابن فأخذوا صور الجواز و رسالة الدعم و كشف حساب بنكي......

السلام عليكم ممكن نعرف منك كيف تم تحديد موعد في السفارة البريطانية في ليبيا

السلام عليكم
بعد تعبئة الابليكيشن عن طريق الانترنت ادخل على الموقع
https://www.visainfoservices.com/pages/content.aspx?tag=welcome_page

احي شكرا بارك الله فيك
باهي سؤال معناه الابناء تاشيرتهم ست اشهر فقط ، وبعدها شن الحل، يعني حصلت قبول للزوجة من دعم التاشيرة كويس بكل والله انا قبل نخمم عالزوج اما هكي كويس ، بس قاعدة مشكلة الاولاد

بارك الله فيك
نبي نسأل عن رسالة من العمل هل هي ضرورية لاني حطيت في الابليكيشن متاعي العمل الحالي معيد مع اني داير اخلاء طرف من اكثر من سنة فهل يبو ضروري رسالة من العمل؟ يعني من الكلية علما باني اشتغل في مكان اخر وقد ذكرت ذلك في الابليكيشن..
و ايضا عن الصور الشخصية هل طلبوا منك صور ذات خلفية بيضاء
والسؤال الأخير كم قالوا لك تاخد التأشيرة لكي تكون جاهزة
ملاحظة انا حجزت موعد مع مكتب التاشيرات 22-4

الفيزا اللي قدمت عليها نوع student visitor؟

ان شاء الله خير