كل مايتعلق بتأشيرة طالب زائر وتأشيرة سائح

اتحصلت على قبول لغة واريد ان اقدم على تأشيرة طالب زائر 11شهر .هل تنصحونى بأصطحاب زوجى وطفلى معى ام لا؟ وهل اقدملهم على تأشيرة سياحه؟ ام اتركهم فى ليبيا الى ان انهى كورس اللغه؟ وهل تجديد التأشيره تتطلب اوراق اجراءات جديده ام يتم التجديد بناء على الاوارق السابقه.... ارجوا الايفاده لمن عنده الاجابه....وشكرا

اذا ارادو الذهاب فيجب التقديم على فيزا سياحيه لمدة 6 شهور

السلام عليكم

أعتقد أن تجديد التأشيرة ستحتاج الى أوراق جديدة لأنك ستبقى ما يقرب عن السنة و أنك سترجع للبلاد عند تجديدها.... السلام عليكم

السلام عليكم
اخى ربى يوفقك
انا اعتقد الاحسن لك فى الاول تمشى بروحك وبعد انتهاء 5 اشهر من تاشيرتك دير للعائله تاشيره سياحيه مدتها 6 اشهر ولا تاخذهم فى الاول لانه اجراءت الماليه التفويض المالى والتذكر ممكن تاخذ منك شهر ونصف على الاقل بذلك سوفه تخصر هذه المده بالنسبه لتاشيره العائله وهى التاشيره السياحيه فانا انصح ان تاخذهم فى الفتره الاخيره من دراسه اللغه
وربى يوفقك

اناكنت عايز ادرس لغة فى بريطانيا لمدة شهرين فى معهد اسمة a2z فى مانشستر
كنت عايز اعرف هل السفارة هتوافق ولة لازم اقل حاجة 11 شهر .....مع العلم انى بعمل وانهيت الدراسة
ارجو الرد.................

ahm2012 كتب:

اناكنت عايز ادرس لغة فى بريطانيا لمدة شهرين فى معهد اسمة a2z فى مانشستر
كنت عايز اعرف هل السفارة هتوافق ولة لازم اقل حاجة 11 شهر .....مع العلم انى بعمل وانهيت الدراسة
ارجو الرد.................

لو عندك قبول شهرين المفروض تقدم على تأشيرة طالب زائر لمدة 6 شهور ولو أكثر من 6 شهور تقدم على 11 شهر
المعهد هذا لو تبي تقرأ على حسابك ماشي الحال ولكن لو موفد ماننصحكش بيه لأن فيه اللي مايشكرش فيه.

بالله عليكم من تحصل علي التأشيره بريطانيا طالب زائر ومعه مرافقين " زوج واطفال في سن الدراسه"بتاشيره سياحيه. ان يوضح لنا كيف تحصل عليها وماهي المستندات الداعمه للحصول عي التاشيره؟ وهل الدعم المالي لغرض التأشيره يستغرق وقت طويل في الحصول عليه مع العلم ان دراستي تبداء شهر 1

السلام عليكم يا موفدي ليبيا لساحة البريطانية
بلله عليكم عندي استفسار و نبي مساعدتكم ضروري
انا موفدة للساحة البريطانية تحصلت على التأشيرة من يوم 25/8/2012 و تنتهي يوم 25/7/2013
طبعا الى الان ماشي من التأشيرة قريب شهرين و نص
طبعا نوع تأشيرتي طالب زائر
سؤالي هل بالامكان تجديد التأشيرة لمدة شهرين او اكثر و اني في بريطانيا ام انه لازم نرجع لليبيا لكي اجددها
و استفساري الثاني : لما دخلت لموقع الملحقية الثقافية الليبية في بريطانيا المهم كاتبين انهم ميفتحوش ملف طالب في الملحقية الا بتأشيرة فور تاير فهل نقدر نفتح ملف عندهم بتأشيرة طالب زائر و انا موفدة من التعليم العالي و معيدة في جامعة طرابلس ام لا ؟؟
الرجاء مساعدتي لو سمحتوا
و السلام عليكم و رحمة الله و بركاته

يا اخت خديجة ...تقدري تفتحي الملف في الملحقية بتاشيرة طالب و ما فيش اي مشاكل ....لكن للاسف لازم ترجعي لليبيا بعد انتهاء التاشيرة و تقدمي على تاشيرة جديدة نوع تاير فور ... و الله اعلم و نسأل الله ان يسهلك امورك

melgheriani كتب:

يا اخت خديجة ...تقدري تفتحي الملف في الملحقية بتاشيرة طالب و ما فيش اي مشاكل ....لكن للاسف لازم ترجعي لليبيا بعد انتهاء التاشيرة و تقدمي على تاشيرة جديدة نوع تاير فور ... و الله اعلم و نسأل الله ان يسهلك امورك

انا الى الان لم اسافر الى بريطانيا بعد العيد ان شاء الله بنسافر و بيكون وقتها فايت من وقت التأشيرة شهرين و نص فهل بامكاني ان نمددها شهرين و انا غادي و الا لازم نرجع لليبيا :/

لوزا كتب:

لالالا مش حتقدري تمدديها شهرين وانت في بريطانيا
اول ما تنتهي تروحي لبلادك وتقدمي علي فيزا تير فور

انسة لوزا لو سمحتي هل بامكاني ان افتح ملف طالب في الملحقية بتأشيرة طالب زائر ام لا

نعم تفتحي ملف لكن لدراسة اللغة وليس ملف اكاديمي

مشكور اخي ابو محمد
وكل عام وانت والاسرة الكريم بخير

كل عام والجميع بخير وتقبل الله منا ومنكم
بهده المناسبة السعيدة نحب نبشركم
اليوم اتصلت بالورد بريدج قالولى اليوم 29/10/2012 ستبدا منح التاشيرات من ليبيا معناها معاد يبعثوا المستندات لبريطانيا

معناها بالكثير اسبوع وتجهز التاشيرة واكيد حتى حالات الرفض تنقص .
مع ملاحظة يجب عمل نسخة من كل رسالة او مستند حتى جواز السفر يجب تصويره كله

ادعولى مقدم على تاشيرة تير 4 ليا قريب 20 يوم ومافيش رد

الله يبارك فيك على هالخبر الطيب وان شاء الله تكون الأمور كيف ما قلت

وبالتوفيق ليك ان شاء الله ولينا حتى حني يا رب

والجميع

بارك الله فيك عل الخبر الطيب

الحمد لله اهو حجزنا موعد للتأشيرة وتقديم المستندات يوم الأحد 4/11/2012

يستر الله دعائكم لينا انه تمشي الأمور علي خير

ِAbu Mohamed كتب:

أهم شئ قبل ماتمشي تأكد من أن كل الأوراق المطلوبة موجودة وأنك كتبت كل شئ في ورقة التقديم وماتنساش لما تكمل تعبأة ورقة التقديموتبعثها أنك تسحبها وتأخذها معاك وحاول تكملها قبل كم يوم من التقديم عشان لو فيه سؤال مش عارف إجابته يكون عندك وقت تسأل عليه.

بارك الله فيك اخوي

ولكن ورقة التقديم تقصد الأبليكيش اللي عبيته أون لاين ؟