كل مايتعلق بتأشيرة طالب زائر وتأشيرة سائح

السلام عليكم
أتمنى من اللي عنده معلومة مرت به شخصياً أو بأحد معارفه بأن بخصوص تجديد تأشير المرافق السياحية لفترة 6 أشهر ...
هل يسمح له بتجديد التأشيرة مرة أخرى عند الرجوع إلى ليبيا ؟؟؟ .. أم أكمل المسيرة وحيدة في بلاد الغربة أرجو الإفادة لأن هدا الموضوع يشغلني كثيراً..
وجزاكم الله عني كل خير

السلام عليكم ورحمة الله وبركاته....نصيحتي ليك ياختي لو تقدري تديري انت والمرافق نفس التاشيرة يعني انتم الاتنين تاشيرة طالب افضل ليك لانه لما المراة هي اللي بتقرا صعب تقعد بروحها في الغربة وتبي قريب 20 يوم او شهر باش تطلع تاشيرة المرافق التانية باش يجيك لكن كل اللي نعرفهم والمراه هي الموفدة يديرو هما الاتنين نفس التاشيرة والله الموفق او كان تقدري تديري التاير فور وعندك الايلس احسن واحسن وبالنسبه لسؤالك نعم يقدر وانشالله يجدد ويجيك وتكملي دراستك وربي يسهلك ولكل الطلبه يارب

وعليكم السلام ورحمة الله وبركاته ... مشكور أخي manchester13 عالرد وجزاك الله عني ألف خير ووفقك إنشاالله
ولكن عندي طفلين هدا سبب اللي ما نقدروا انطلعو نفس التأشيرة !!!!

السلام عليكم
اختي الكريمة انا مثل وضعك بالضبط وقدمت على طالب زائرلمدة 9 اشهر وزوجي وابنتي سياحية 6 اشهر وان شاء الله ناوية نهاية الشهر الخامس نمتحن ايلس وباذن الله انجيبوا الدرجة المطلوبة للتاير 4 وانرد انا والعائلة قبل نهاية 6 اشهر وبعدها انغيروا التاشيرة وانردوا مع بعض ،وهكي افضل ما تقعدي بروحك وفي نفس الوقت لو زوجك يبي يقرا ما يضعيش عليه وقت واجد لما انت تقري 6 اشهر مش كيف سنة ،ان شاء الله ربي ايوفقكم

السلام عليكم
بالنسبة لتاشيرة الطالب الزائر لما تكون امعاه الاسرة طبعا هو 11 شهر و الاسرة 6 اشهر فقط ، عندي بعض الاستفسارات :
1. هل فيه اي امكانية ان يمدد اقامة الاسرة معه حتى يكمل ال11 شهر الخاصة بيه خاصة اذا كانت هناك ظروف صحية للزوجة و هو في مراحل حساسة من دراسته للغة .
2. لو اراد ان يقدم على التاير 4 هل فيه امكانية ان يقدم عليها في دولة اخرى يتم الرد فيها بشكل سريع , مثلا لقد قرأت في المنتدى في مساهمة كتبها ALEX 1 انه فيه امكانية للتقديم عليها من تركيا وانها لا تاخذ الا اسبوع و ياتي الرد هل هذا صحيح و اذا كان صحيح فما هي الاجراءات .
3. اذا كانت تاشيرة العائلة تنتهي يوم 30\9 \2013 فما هو الوقت المناسب للتقديم على موعد تاشيرة التاير 4 و ما هو مستوى الايلتس المطلوب و هل يستطيع الطالب الزائر التقديم على فيزا التاير 4 و تاشيرته كطالب زائر لا تزال صالحة لمدة 5 اشهر
] ارجوا الرد و بكل التفاصيل اذا سمحتوا [

dodo كتب:

السلام عليكم
بالنسبة لتاشيرة الطالب الزائر لما تكون امعاه الاسرة طبعا هو 11 شهر و الاسرة 6 اشهر فقط ، عندي بعض الاستفسارات :
1. هل فيه اي امكانية ان يمدد اقامة الاسرة معه حتى يكمل ال11 شهر الخاصة بيه خاصة اذا كانت هناك ظروف صحية للزوجة و هو في مراحل حساسة من دراسته للغة .
2. لو اراد ان يقدم على التاير 4 هل فيه امكانية ان يقدم عليها في دولة اخرى يتم الرد فيها بشكل سريع , مثلا لقد قرأت في المنتدى في مساهمة كتبها ALEX 1 انه فيه امكانية للتقديم عليها من تركيا وانها لا تاخذ الا اسبوع و ياتي الرد هل هذا صحيح و اذا كان صحيح فما هي الاجراءات .
3. اذا كانت تاشيرة العائلة تنتهي يوم 30\9 \2013 فما هو الوقت المناسب للتقديم على موعد تاشيرة التاير 4 و ما هو مستوى الايلتس المطلوب و هل يستطيع الطالب الزائر التقديم على فيزا التاير 4 و تاشيرته كطالب زائر لا تزال صالحة لمدة 5 اشهر
] ارجوا الرد و بكل التفاصيل اذا سمحتوا [

ج1 لايمكن التمديد إلا في ظروف إنسانية قاهرة وهذا يعتمد على الموظف اللي يشوف مستنداتك وتقديره للظروف. إذا كانت ظروف صحية بسيطة فلا أظن أنهم يسمحوا.

ج2 نعم تقدر تقدم من أي دولة خارج الاتحاد الأوربي ولكن مافيش حد جرب وقاللنا بالنستة لتونس تأخذ نفس المدة في ليبيا.

ج3 نستطيع التقديم على تاشيرة طالب تير4 حتى لو تأشيرتك مازالت صالحة إذا جبت المعدل المطلوب في الأيلس وهو 4 على أن لايقل عن 4 في كل جزء وبعدها تتحصل على قبول من إحدى المعاهد أو الجامعات ويعطوك الكاس وطبعا يفضل لما تملأ استمارة التأشيرة توضح ليش تبي تقدم على تاشيرة جديدة بالرغم من صلاحية تاشيرتك القديمة.
شوف أول موضوعين مثبتين على التأشيرة أخي لأن الكلام هذه عاودناه عشرات امرات وادايرين مواضيع مثبتة وللأسف كل مرة يجي واحد ويسأل قبل مايقرأ المواضيع القديمة

لا أدري ماذا تقصد بالوقت المناسب للتقديم على التأشيرة يعني لما قريب تطيح التأشيرة تقدم على أخرى ولو نبي تغير نوع تأشيرتك أنت اللي تحدد الوقت المناسب حتى قبل ماتطيح

عدل سابقا من قبل Abu Mohamed في الإثنين 10 يونيو 2013, 12:00 am عدل 1 مرات

monsef abaid كتب:

السلام عليكم ورحمة الله

ابحث عن مساعدة بخصوص كشف الحساب والأمور المتعلقة به

لم افهم ماذا علي أن اقدم للسفارة ؟؟؟ مع العلم أني طالب موفد وتحصلت علي ورقة الدعم المالي لأجل التأشيرة ومع ذلك تم رفضي

معلومات : ليس لدي حساب مصرفي ** نوع الفيزا المقدم عليها 11 شهر , فماذا افعل ؟؟؟؟؟؟؟؟؟؟

تحيااااااااتي ,,

عليك تقديم الأوراق والمستندات الموجودة في هذا الموضوع

http://www.almofad.com/t12375-topic

تحت العنوان الفرعي: الاوراق والمستندات الخاصة بتأشيرة طالب زائر visitor student

وسبق وشرحت لك بالتفصيل على الخاص أسباب الرفض وماهي الأوراق التي يجب ان توفرها لتتفادى الرفض مرة ثانية.

السَّــلامُ عليكُم ورحمة الله ..
أختي الكريمة .. يمكنكِ إيجاد جواب على سؤالك .. في المواضيع المتبثة هنا ..
في هذا القسم من المنتدى ..
توجد مواضيع متبثة عن جميع أنواع التأشيرات البريطانية وكيقية التقديم عليها ..
أو بإمكانك معاينة هذا الرابط 
http://www.almofad.com/t8989-topic

بالتوفيق

rhma كتب:

السَّــلامُ عليكُم ورحمة الله ..
أختي الكريمة .. يمكنكِ إيجاد جواب على سؤالك .. في المواضيع المتبثة هنا ..
في هذا القسم من المنتدى ..
توجد مواضيع متبثة عن جميع أنواع التأشيرات البريطانية وكيقية التقديم عليها ..
أو بإمكانك معاينة هذا الرابط 
http://www.almofad.com/t8989-topic

بالتوفيق

الله يبارك فيك اختى رهام للرد السريع وع اهتمامك ....بس عندى اسئلة طبعا انى درت ف المنتدى من شوية ولقيت وفهمت هابة حااجات كانت غايبة علية ...بس عندى مجموعة اسئلة لو سمحتى لو تعرفى اتجاوبينى وربى يجازيك الف خير عنى ...تساؤلاتى ...
**نبى متطلبات تاشيرة طالب زائر؟؟؟
** ووين نقدر انقدم تاشيرة لبريطانيا من طرابلس ....؟؟؟؟؟
والا اقرب مكان ف تونس والا مصر والا تركيا يعنى وين نمشى ولو كان ف ليبيا وين بالتحديد ؟؟
**وبنسئل ع تاشيرة طالب زائر انى مااعندى اى موافقة لمعهد معين انى بنمشى وبنشبح بروحى اما معهد نمشيله او كان تعرفى انتى او اى حد ف المنتدى يسااعدنى بمعهد لغة نراسلهم ...؟؟؟

**وهل لو مشيت فيزا طالب زائر لازم يكون ف حسابى مبلغ معين وقداش لو مانبى نقرا ؟؟؟
وجزاكم الله الف خير ع المساعدة وفعلا المنتدى قيم وهذا اللى نحتااجوووه من زمان بيش تسهل علينا حاااجات هلبة ونقعدو فاهمين قبل لا نخطوة خطوة واحنى مش فااهمين ...
ويارب ف ميزان اعمال كل من قام بفكرة هالمنتدى



عدل سابقا من قبل Abu Mohamed في الأربعاء 19 يونيو 2013, 12:41 am عدل 1 مرات (السبب : الخط كبير جدا مما يجعل التصفح بطئ وصعب)

اوكى لقيت طريقة المقابلة من ام عيشة واستفدت منها

http://www.almofad.com/t9975-topic



عدل سابقا من قبل Abu Mohamed في الأربعاء 19 يونيو 2013, 12:42 am عدل 1 مرات (السبب : الخط كبير جدا مما يجعل التصفح بطئ وصعب)

بااهى من وين نااخد رقم الحجز اللى بنمشى بيه للمقابلة  ....والابليكيشن وين نلقاه ؟؟؟...والاوراق الاساسية للفيزا طالب زائر حتى لو ماقريت  ؟؟؟



عدل سابقا من قبل Abu Mohamed في الأربعاء 19 يونيو 2013, 12:42 am عدل 2 مرات (السبب : الخط كبير جدا مما يجعل التصفح بطئ وصعب)

سنيورة مصراتية كتب:

السلام عليكم ...ياريت نلقى حد يساعدنى ف كيف  الاجراءات امتاع  تاشيرة زائر او توريزم "سائح " وهل هية نفسها؟؟؟وجزاكم الله الف خير

يا أخت سنيورة مصراتية
بالشوية عليك خيرك ملخبطة روحك
رجاء قراءة الموضوع هذا كويس
بس أقري كويس مش كلمتين وقص وركزي من فضلك وحتلقي بإذن الله كل الإجابات وداخل الموضوع فيه روابط ثانية وتوة عدلت الموضوع وأضفت إليه بعض النقاط في نهاية الموضوع خاصة بخصوص كشف الحساب
http://www.almofad.com/t12375-topic

Abu Mohamed كتب:

سنيورة مصراتية كتب:

السلام عليكم ...ياريت نلقى حد يساعدنى ف كيف  الاجراءات امتاع  تاشيرة زائر او توريزم "سائح " وهل هية نفسها؟؟؟وجزاكم الله الف خير

يا أخت سنيورة مصراتية
بالشوية عليك خيرك ملخبطة روحك
رجاء قراءة الموضوع هذا كويس
بس أقري كويس مش كلمتين وقص وركزي من فضلك وحتلقي بإذن الله كل الإجابات وداخل الموضوع فيه روابط ثانية وتوة عدلت الموضوع وأضفت إليه بعض النقاط في نهاية الموضوع خاصة بخصوص كشف الحساب
http://www.almofad.com/t12375-topic

^_^ الله غالب حايسة ....وعارفة بتجينى وبترد علية وبتعاركنى لانى شبحتك معارك قبلى حد مكرر اسئلته بس الله غالب حقك علية ...بس متلخبطة بصدق اندور ف اجابات بسرعة  والحق مستعجلة شوية ع الاجابااات وف اغلب المواضيع قريتهم وف مواضيع ماقدرت انكملهم بصدق وحاولت انجمع اكبر قدر من المعلومااات ...وسؤالى هذا كااان قبل ما انخش ع المواضيع ومالقيتش خاصية المسح للموضوع مفتوحة عندكم ^_^ ....بعتالى لقيت المواضيع واستفدت منهم بصدق بس فيه اللى ماوصلت لنتيجة يعنى تخاايل قريت كل الردود بس حاجاات بسيطة مالقيتلها جواب ؟؟؟ ومع هذا كله الله يبارك فيك بس بالله ماتقعد تخوف فينا كاان هذا كيف نستفيدووو ^_^  وطول بالك معانا حتى انت تحملنا شوية وخاصة الناس اللى مش فاهمين من وين يبدووو زى حالاتى

سنيورة مصراتية كتب:

rhma كتب:

السَّــلامُ عليكُم ورحمة الله ..
أختي الكريمة .. يمكنكِ إيجاد جواب على سؤالك .. في المواضيع المتبثة هنا ..
في هذا القسم من المنتدى ..
توجد مواضيع متبثة عن جميع أنواع التأشيرات البريطانية وكيقية التقديم عليها ..
أو بإمكانك معاينة هذا الرابط 
http://www.almofad.com/t8989-topic

بالتوفيق

الله يبارك فيك اختى رهام للرد السريع وع اهتمامك ....بس عندى اسئلة طبعا انى درت ف المنتدى من شوية ولقيت وفهمت هابة حااجات كانت غايبة علية ...بس عندى مجموعة اسئلة لو سمحتى لو تعرفى اتجاوبينى وربى يجازيك الف خير عنى ...تساؤلاتى ...
**نبى متطلبات تاشيرة طالب زائر؟؟؟
** ووين نقدر انقدم تاشيرة لبريطانيا من طرابلس ....؟؟؟؟؟
والا اقرب مكان ف تونس والا مصر والا تركيا يعنى وين نمشى ولو كان ف ليبيا وين بالتحديد ؟؟
**وبنسئل ع تاشيرة طالب زائر انى مااعندى اى موافقة لمعهد معين انى بنمشى وبنشبح بروحى اما معهد نمشيله او كان تعرفى انتى او اى حد ف المنتدى يسااعدنى بمعهد لغة نراسلهم ...؟؟؟

**وهل لو مشيت فيزا طالب زائر لازم يكون ف حسابى مبلغ معين وقداش لو مانبى نقرا ؟؟؟
وجزاكم الله الف خير ع المساعدة وفعلا المنتدى قيم وهذا اللى نحتااجوووه من زمان بيش تسهل علينا حاااجات هلبة ونقعدو فاهمين قبل لا نخطوة خطوة واحنى مش فااهمين ...
ويارب ف ميزان اعمال كل من قام بفكرة هالمنتدى
******************************
السلام عليكم
متطلبات تاشيرة طالب زائر
جواز السفر
تصوير اي تاشيرات او ختمات سابقة في جواز السفر
رسالة الدعم المالي للتاشيرة ادا كنت موفدة
رسالة قبول اللغة ادا عندك قبول لغة
شهادة مرتب
كشف حساب متاع 6 شهور مضت
رسالة من جهة العمل متاعك تفيد انك بترجعي لليبيا بعد الدراسة
افادة بمستواك العملي يعني افادة البكالوريس والماستر ادا عندك وكدلك كشف الدرجات
اي شهادت علمية اخرى تدعم موقفك مع السفارة مثلا دورة لغة ..او اي شي
شهادة ميلاد + الوضع العائلي + اقامة تقريبا
عدد 4 او 6 صور ملونة خلفية بيضاء خاصة بالتاشيرة (اي مصور يعرفها)
تعبئة الابليشكن سواء من موقع السفارة على الويب او عن طريق احد المكاتب المتخصصة بدلك
مبلغ قدره 300 دينار تقريبا
ملاحظة
ضرورري المستندات السابقة كلها تكون اصلية ومترجمة عند مترجم معتمد
يجب احضار الاصل وصور عن جميع هده المستندات
**********************
اعتقد ان موقع السفارة في طرابلس فقط في ليبيا
*******************
فيزا طالب زار هده متطلباتها والدراسة من عدمها ترجع لك
لو بتدرسي ع حسابك اعتقد انه لازم يكون في حسابك مبلغ معين
يدعم موقفك ولكنني لا استطيع ان اعطيك تحديد لهد المبلغ
اعتقد لاززم تشوفي تكلفة الدراسة في المدرسة اللي تبي تقري فيها
وك\لك تكاليف العيشة في المدينة اللي تبي تدرسي فيها
*********************
ختاما كل هده الاجوبة موجودة تفصيلا اختي في الموضوع اللي تم ادراج رابطه
ببس انت اقرئيه وحدة وحدة وفيه معلومات اكثر ممكن قلته لك
وكدلك فيه اجوبة على اسئلة كثيرة ممكن تخطر على بالك

موفقة يا رب

السلام عليكم

 انا من ليبيا ولكن مولود في لندن وأرغب في السفر للحصول على شهادة الميلاد الأصلية

 سؤالي هو : ما نوع التأشيرة التي يجب أن اقدم عليها ، تأشيرة طالب زائر أو سياحة أم هناك نوع آخر

 وماهي الأوراق المطلوبة

 افيدوني جزاكم الله خيرًا

السلام عليكم يا خونا ان سالت لك صديق يخدم في British Council وقال انك المفروض تمشي للقسم القنصلي وتطلب موعد مع القنصل وتجي في موعدك وتشرحله موضوعك وممكن السفارة تبعثلك على شهادة ميلاد من بريطانيا وانت تدفع التكاليف اللي بتكون اقل من تكاليف التاشيرة والسفر وبعدين ايديرولك اجاراءاتك وتاخد جواز سفرك وتسافر او ممكن تخلي حد في بريطانيا يقدملك على شهادة الميلاد وتكمل انت الاجراءات من ليبيا

شكرا جزيلا يا خوي ،،

هل قصدك القسم القنصلي الموجود في برج طرابلس
 
وسامحني تعبتك معاي

نعم أخي القسم القنصلي في السفارة في برج طرابلس وبالتوفيق