زواج الايقاد

خير يا متحندبين

ماسمعتوا شئ عالضم

مادام قرارات الايقاد صدرت نبي نسالكم علي ميضوع مالاحظه وقالولي عليه.

ان البنت لما يطلعلها ايفاد يجوها عرسان زي النمل حيث ان عائلة المنجوه يقولوا لولدهم برا لفلانة جاها ايفاد منها تقرا البرا ومنها تتفسح.

فمش عارف انتو شافين هاضا الميضوع يا ضراري ولا اني بس

وحتي شئ تاني انتم شن رايكم تتعبروا فيه شئ عادي نصيب للبنت ولا زواج مصالح

وانتي يابنت ياموفدة ترضي بالشئ هادا ولا ترفضي

اني مانرضاش لأن زواج مصلحة

الميضوع له اكثر من وجه يعني نعمة ونقمة في نفس الوقت
يعني يعتمد عالراجل انا صاحبي كان يبي يخطب وحدة ويسال عليها لما عرف ان عندها ايفاد طلعها من راسه عشان ما تتعتقدش انه كان يبي يتزوجها عالايفاد وربي رزقه بنت حلال فيما بعد وتزوجها وهذا النوع من التريس نادر تقدر تقول ما فيش منه بكل
اما النوع الاخر زي ما قلت انت زي النمل

المهم يكونوا مقتنعين ببعض لان ياواخد القرد علي مالوا يروح المال ويبقي القرد علي حالوا

msmiley كتب:

اني مانرضاش لأن زواج مصلحة

ربي يرزقك بواحد مشفشف

germay2 كتب:

الميضوع له اكثر من وجه يعني نعمة ونقمة في نفس الوقت
يعني يعتمد عالراجل انا صاحبي كان يبي يخطب وحدة ويسال عليها لما عرف ان عندها ايفاد طلعها من راسه عشان ما تتعتقدش انه كان يبي يتزوجها عالايفاد وربي رزقه بنت حلال فيما بعد وتزوجها وهذا النوع من التريس نادر تقدر تقول ما فيش منه بكل
اما النوع الاخر زي ما قلت انت زي النمل

صدقت واصبت ياجيرمي النمل موضوعه ساهل نديرلا رنة بف باف تصير مززرة

فاهم كتب:

المهم يكونوا مقتنعين ببعض لان ياواخد القرد علي مالوا يروح المال ويبقي القرد علي حالوا

اني بنجمع بين الحسنيين الغزال والمال

علي الاقل كان واحد منهم مشي مانطلع من المولد بلا حمص

هذا اللى صاير للاسف
اتلقيت مع واحد في بريطانيا متزوجها على خاطر ايفادها

p_olo_2010 كتب:

هذا اللى صاير للاسف
اتلقيت مع واحد في بريطانيا متزوجها على خاطر ايفادها

يا لقلق

وشن ماتعرفش هيا

ليبي متحندب الباين انك تؤيد الفكرة

msmiley كتب:

ليبي متحندب الباين انك تؤيد الفكرة

الدنيا اخد وعطا

كما قال الشاعر الخنفشاري

شيلني اشيلك ...........................جزء من النص مفقود

مرة كنت في كفي انترنت جا واحد صاحب سلم عليا شن الجو شن الاخبار بعدها قالي :قالوا في قرار ايفاد نازل قلتله ايوة من اسبوع فات بعدها سألته املا عالقرايا قالي لا من وين يا حسرة نبي نزوج يا راجل خلاص اكبرت

اممممممممممم هوا بصراحه ميييضوع ليه هلبا ابعاد
هوا عامة مفيش حد يتزوج وواثق تمام الثقه ان زواجه بينجح و يستمر مهما كان نوع الزواج يعني تقليدي ولا يعرفو بعض
زواج الايفاد فيه مصلحة للاتنين يعني مرات هي البنت اللى تكون طامعه وتتزوج بس عشان تقدر تنفذ قرار الايفاد لان معندهاش منو يمشي معاها والراجل ايضا يكون عنده مصلحه انه ع الاقل يريح دماغه من الحوش والمصروف اقل حاجه تلات سنين ويكون متزوج وعنده مراة ف الحوش هذا وكان مطلعتش دبوس قرايه وغاطسة ف الكتابات وميشوفش ف وجهها بكل $:
انا نعرف وحده تزوجت ع خاطر الايفاد وماشفاتاش الا مره قبل قراية الفاتحه وبوها اللى دورهولها لكن الحق طلع راجل ماشاء الله هوا منتف لكن الفقر مش عيب وحاليا يبنو في حوش من فلوس الايفاد (ماشيين صربيا )

الخلاصة ان الزواج عامة مهما كانت طريقته زي البطيخ

الواحد مايقدرش إيلوم البنت إللي تقبل بالزواج هذا، لأنه الطريق الوحيد لتحقيق طموحها في إكمال دراستها " أنا أتكلم ع البنت إللي عندها إيفاد " وأيضاً منقدروش إلّوموا ع الشاب إللي يتقدم لبنت عندها إيفاد لأنه لقي الزواج هذا الطريق الأقصر وليس الوحيد لتحقيق أحلامه كالدراسة والسفر وحياة كريمة نوعاً ما " هنا أتكلم ع الشاب إللي ماعنداش إيفاد " .... أما بالنسبة لزواج الموفد والموفدة فهو الأفضل بين الزيجات لأن كلاهما سيساعد ويساند الآخر والأهم إنه مفيش حد منهم يتجمل ع الثاني بخصوص الإيفاد .... ونحن ليبيين ونفهموا بعضنا ونعرفوا المرأة الليبية كيف لما تعصب من زوجها شن تقوله وأيضاً الزوج الليبي لما يتعصب من زوجته شن يقوللها....هههههههههه
وأخيراً بالنسبة ليا أفضل السفر وحيداً مكتفياً بالذي أنا إلى أن يقضي الله أمراً كان مفعولا....

اني انقول الزواج شئ ,,, والايفاد شئ تاني

يعني من المفروض الواحد ما يربطش الاثنين مع بعض هذا بالنسبه للشباب

قصدي يخطب باش يتزوج ويطلع للايفاد هذا خطا كبير يجب التنبيه عنه,, مش معني اني رافض فكرة الزواج قبل السفر للايفاد , بل بالعكس انا من مؤيدي الزواج قبل السفر للايفاد لما فيه من فوائد جمه,,ولكن المفروض لما واحد يقبل على الخطوبه يكون واتي علي الاقل بنسبة 70% من الزواج بغض النظر على الايفاد قصدي,,, وبعدين مش شرط حوش ملك حتي ايجار المفروض البنت ترضي لو العريس شخص كويس لان الرزق بيد رب العالمين واني شخصيا نعرف هلــــــبه شباب تزوجوا بالايجار لكن توا ما شاء الله بالحلال صار عندهم حياش وسيارات وصغار والحمد لله, لكن للاسف الشديد في هلـبه بنات طبعا حاشا البعض منهن يشوفوا في الفلوس و بس و يقولو ان الفلوس تغطي جميع عيوب الزوج ,, لا والله غطوا عين الشمس بالغربال ,,وفيه مثل يقول متغطي بالدنيا عريان ,,,و المشكله الثانيه انك تبني الزواج علي اساس مستقبلي وتربطه مثلا بالايفاد لان مرات ما يصيرش من الايفاد و تقعد شاد بنت الناس بالدوه الفاضيه ولو معندكش كبف تتزوج و بيطلعلك ايفاد اصبر لين قريب اتم اجراء الحاله الاجتماعية اخطب وتزوج وتم باقي الاجراءات وتوكل علي الله

اما بالنسبه للبنات فالموضوع يرجعلها شخصيا ,, وقصدي لو اني عندي اخت وطلعلها ايفاد و جاها واحد نعرفوه كويس كويس كويس ويكون راجل بجديات مش شبه راجل, لاش لا نعطوه و ربي يبارك انشاء الله

متبعين سنة الحبيب المصطفي صل الله عليه و سلم

حيث قال : ( من جائكم من ترضون دينه و خلقه فزوجوه ان لم تفعلو تكن فتنة في الارض وفساد كبير)

و بالتوفيق للجميع

عدل سابقا من قبل akram huossian في الأحد 27 مايو 2012, 5:44 pm عدل 1 مرات

missfreelibya17 كتب:

اممممممممممم هوا بصراحه ميييضوع ليه هلبا ابعاد
هوا عامة مفيش حد يتزوج وواثق تمام الثقه ان زواجه بينجح و يستمر مهما كان نوع الزواج يعني تقليدي ولا يعرفو بعض
زواج الايفاد فيه مصلحة للاتنين يعني مرات هي البنت اللى تكون طامعه وتتزوج بس عشان تقدر تنفذ قرار الايفاد لان معندهاش منو يمشي معاها والراجل ايضا يكون عنده مصلحه انه ع الاقل يريح دماغه من الحوش والمصروف اقل حاجه تلات سنين ويكون متزوج وعنده مراة ف الحوش هذا وكان مطلعتش دبوس قرايه وغاطسة ف الكتابات وميشوفش ف وجهها بكل $:
انا نعرف وحده تزوجت ع خاطر الايفاد وماشفاتاش الا مره قبل قراية الفاتحه وبوها اللى دورهولها لكن الحق طلع راجل ماشاء الله هوا منتف لكن الفقر مش عيب وحاليا يبنو في حوش من فلوس الايفاد (ماشيين صربيا )

الخلاصة ان الزواج عامة مهما كانت طريقته زي البطيخ

والله موضوع اقل شي 3 سنين يرتاح من الحوش المشكلة مش توا المشكلة بعد 3 سنوات كيف يصير وخاصة العائلة ممكن تكون اكبر وخصوصا السنوات تمر سريعا في هذه المرحلة العمرية على رأي الالمان عندما شبهوا العمر برول المنديل يدور بسرعة كلما اقترب من نهايته

والله الا موضوع معقد بالنسبة للبنت الاعندها ايفاد معضمهم يتزوجوا باش يسافروا
مهما كان هدا الزوج يفرحوا بيه فرح لكن هدا غلط الحق ؟مش اى حد الواحد يتزوجه
وبعدين يبدا واضح الاجاي على خاطر السفر والاجاي يبي البنت لشخصها .انا ارفض هدا الزواج
المبنى على المصالح لانه بدون حب مسبق
نعرف وحدة جها ايفاد وجها عريس يجري جري بعد الايفاد ومن جهل العريس مش عارف حتى وين بتمشى سمع ايفاد جى يجري ولسوء حظ الطرفيين طبعا انه البنت بتحضر رياضيات يعنى بتمشى لبلد عربي وكان البلد مصر تزوجت من ميكانيكى وعنده ورشة وهى استادة فى الجامعة .وزوجها طلب منها تغير البلد وهى طبعا ممنوع عليهم اى بلد تانى الاالبلدان العربية يبى اوروبا العريس مسكين .المهم تعرفوا شن دارلها
طلقها على خاطر ماقدرتش تغير لبلد اوربي وياريت هكى وبس طلقها ببنت وتوا قعدة تربي فيها فى ليبيا حتى السفر ماصارش منه فحداري من هدا النوع من الزيجات

الزواج قسمه ونصيب والله مقدر للانسان محياه ومماته وعل الفكرة اخدتوا موضوع من ناحية بنت فقط حتي شاب عنده مشكله متلا بيقعد 3 سنوات دون زواج ومع ضغوط دراسة قد ينحرف ومرات يفوت العمر ويتموا 3 سنين ولما يرواح يلقي عمره ف تلاتين ومتزوجش ومشكله انه معش يقدر يختار زي لما هو صغير ع عينه لان بيعيبوا عليه حتي سوال لهدا بيمشي ويدور بيرجع لطريق القديمه المعدومه ان امه ادورله وهنا يلقي نفسة متزوج اي واحدة وخلاص لابينهم اي رابط ولا سابق معرفة والام احيانا تجيبهوااله مشفششفه بعد ماكان ف جو ناعم شن حايكون تفكيرة . لان لو كان ف ليبيا تمر عليه مشفشفا ويقبلها بس بعد مايشوف جمال لبره ماعتقدش مازال يقبل باي حاجة

الزواج قسمه ونصيب والله مقدر للانسان محياه ومماته وعل الفكرة اخدتوا موضوع من ناحية بنت فقط حتي شاب عنده مشكله متلا بيقعد 3 سنوات دون زواج ومع ضغوط دراسة قد ينحرف ومرات يفوت العمر ويتموا 3 سنين ولما يرواح يلقي عمره ف تلاتين ومتزوجش ومشكله انه معش يقدر يختار زي لما هو صغير ع عينه لان بيعيبوا عليه حتي سوال لهدا بيمشي ويدور بيرجع لطريق القديمه المعدومه ان امه ادورله وهنا يلقي نفسة متزوج اي واحدة وخلاص لابينهم اي رابط ولا سابق معرفة والام احيانا تجيبهوااله مشفششفه بعد ماكان ف جو ناعم شن حايكون تفكيرة . لان لو كان ف ليبيا تمر عليه مشفشفا ويقبلها بس بعد مايشوف جمال لبره ماعتقدش مازال يقبل باي حاجة

لا الولد مش زي البنت ابدا سامحنى ياخوى تو معقولة واحد قاري جامعة اشبح قداش سنة ومعيد فى الجامعة ومالقاش حتى بنت اعجب بيها حتى اعجاب لا الولد يلقى وعلى خيار عينه ومعنداش مشكلة حتى قعد 6 سنين البرة يجى ويقدر يتزوج الا يبيها وتناسبة مش زي البنات عاد

لو والله العكسالبنت اسهل زواجها بدات ان بنت مش مطالبها بالمصاريف يعني من بيتها لبيت راجلها لكن شاب لازم يكمل متطلبات زواج ولازم يستكمل نفسه قبل مايخطب وهدا المعروف لان مش ممكن الراجل لهو راجل يخطب واحدة ويتعبها معاه ف جرته وهدا رايي

غيدا محمد كتب:

لا الولد مش زي البنت ابدا سامحنى ياخوى تو معقولة واحد قاري جامعة اشبح قداش سنة ومعيد فى الجامعة ومالقاش حتى بنت اعجب بيها حتى اعجاب لا الولد يلقى وعلى خيار عينه ومعنداش مشكلة حتى قعد 6 سنين البرة يجى ويقدر يتزوج الا يبيها وتناسبة مش زي البنات عاد

الشاب العاقل واللي متحمل المسؤلية لما يسافر برة ويشوف يزيد يقنع بان بنت بلاده بنت بلاده غير زايد مايغركش المظهر .
فعلا البنت مسكينة من قبل فما بالك بعد ان زاد الافادة من محنتها
لكن اختي لا تجزعي قريبا ستكون الجنة تحت قدميك
ختاماً
بنت بلادي ياحد الزين يرعاها ربي من العين

الحياء جمال في المرأة وفضيلة في الرجل

شكرا عالاضافة ياموند

والله حاجه تحير
منور علي الاضافه خوي موند