زواج الايقاد

mond كتب:

الحياء جمال في المرأة وفضيلة في الرجل

شكرا عالاضافة ياموند

ربي يحفظك ياموند,,,,,,كلام درر والله,,,,سلمت يداك

smile كتب:

والله حاجه تحير
منور علي الاضافه خوي موند

مفش شئ يحير,,,,استخير واستشير ثم اعقلها وتوكل علي الله

مسافر كتب:

الزواج قسمه ونصيب والله مقدر للانسان محياه ومماته وعل الفكرة اخدتوا موضوع من ناحية بنت فقط حتي شاب عنده مشكله متلا بيقعد 3 سنوات دون زواج ومع ضغوط دراسة قد ينحرف ومرات يفوت العمر ويتموا 3 سنين ولما يرواح يلقي عمره ف تلاتين ومتزوجش ومشكله انه معش يقدر يختار زي لما هو صغير ع عينه لان بيعيبوا عليه حتي سوال لهدا بيمشي ويدور بيرجع لطريق القديمه المعدومه ان امه ادورله وهنا يلقي نفسة متزوج اي واحدة وخلاص لابينهم اي رابط ولا سابق معرفة والام احيانا تجيبهوااله مشفششفه بعد ماكان ف جو ناعم شن حايكون تفكيرة . لان لو كان ف ليبيا تمر عليه مشفشفا ويقبلها بس بعد مايشوف جمال لبره ماعتقدش مازال يقبل باي حاجة

لو سمحت يا اخي,,,,راعي مشاعرنا (شنوا مشفشفه),,,,البنت الليبيه يكون في علمك محترمة ونظيفه واخلاقها فوق في القمه
بعدين الاجنبات يا راقي (يوردن مع كل عطشان),,,,,,يعني ثلاث ارباعهن مبدون شرف,,,,تصبح عند واحد وتبات في حضن ثاني,,,

كان الفكره في الجمال,,,,القرد في عين امه غزال,,,,والاخلاق فضلوه عن المظاهر ,,,,يعني سمحه وساقطه يمشي حاااالها

الزواج قسمه ونصيب والله مقدر للانسان محياه ومماته وعل الفكرة اخدتوا موضوع من ناحية بنت فقط حتي شاب عنده مشكله متلا بيقعد 3 سنوات دون زواج ومع ضغوط دراسة قد ينحرف ومرات يفوت العمر ويتموا 3 سنين ولما يرواح يلقي عمره ف تلاتين ومتزوجش ومشكله انه معش يقدر يختار زي لما هو صغير ع عينه لان بيعيبوا عليه حتي سوال لهدا بيمشي ويدور بيرجع لطريق القديمه المعدومه ان امه ادورله وهنا يلقي نفسة متزوج اي واحدة وخلاص لابينهم اي رابط ولا سابق معرفة والام احيانا تجيبهوااله مشفششفه بعد ماكان ف جو ناعم شن حايكون تفكيرة . لان لو كان ف ليبيا تمر عليه مشفشفا ويقبلها بس بعد مايشوف جمال لبره ماعتقدش مازال يقبل باي حاجة

والله شكلك خوفتني أني عمري 30 + 3 = 33 لا لا لا لا لا لا لا لا

السلام عليكم ورحمة الله وبركاته
الصراحة فكرت كثيرا قبل ان اطلق لاناملي العنان لأكتب في هذا الموضوع الهام, والذي مهما حاولنا ان نغض عنه الطرف او نتجاهله فلا نستطيع لانه اصبح وللاسف ظاهرة بل عادة ولاتقتصر على بعض الحالات البسيطة كما كنت اتصور, ارجوا ان يكون كلامي واضح والا يساء فهمي.
اود التكلم عن الرجل الذي تزوج لاجل الايفاد, ولااقصد من تزوج لاجل الفتاة وشاء القدر انها تحصلت او متحصلة على الايفاد, وانما كلامي يقتصر على الذي تقدم لخطبة تلك الفتاة لانه سمع بانها من صاحبات الايفاد, وللاسف الشديد اخبرني احدهم بان الكثير منهم يترقب في قرارات الايفاد ليتعرف عنهن ومكان ترشيحهن وبالتالي يسأل الى ان يصل الى بيتها , لدرجة ان البعض قال المفروض يريحونا ويكتبوا المواليد ويعلقوا صورة لكل واحدة, وانا جاد في كلامي.....
اولا بالنسبة للرجال , صحيح ان ذلك حلال من ناحية شرعية, وافضل من الحرام وووووو, ولكن وهذا رأئي, انا ارى وبالذات لو عرفت الفتاة بان هذا المتذاكي جاء للزواج منها طمعا في ايفادها, فانه سيفقد كثيرا وكثيرا من القوامة التي ميزنا الله بها عليهن, وصدقني ماعمره القوامة والقدركان حقها فلوس, وهذا بالمشاهدة,, وانا لااعني من ذهب مع زوجته مرافق وهو لم يتزوجها لاجل الايفاد وانما اعيد من كان سبب الزواج الايفاد فقط, وهذا بالتجربة والمشاهدة....فلاتكذب على نفسك وكن مستعد ياعزيزي الفطن.
اما بالنسبة لاخواتنا الفاضلات, فانا لو كنت مكانكن لما رضيت بهذا, ماذا تريد الفتاة من الزواج؟؟؟ لو تمكنتي من الجواب على هذا السؤال لكنت تيقنتي من صلاحية هذا المتاذكي من عدمها لان يكون زوجك واب لاطفالك...لو كنت انا فتاة لكان جوابي انني اريد رجل ولاشيء غير الرجل, فقير اشعت اغبر قصير طويل ااااااا كل هذه الصفات تتحطم على صخرة اسمها الرجولة, نعم الرجولة...فان كنت تهتمين لهذا الامر من هذه الناحية فلتنظري الى هذا المتقدم من هذه الناحية الا اذا كنت تريدين كوبري وخلاص, حتى هذا رأي , مرات بعض الاخوات عندهم الدراسة اهم, ولهذا كوبري حيساعد اكثر من الرجل ولكل ماارادت.
اما من ناحية الزواج باجنبية, انا كنت من اشد المعارضين لهذا الموضوع لعدة اسباب, من ضمنها الاولوية لبنت البلد بحكم الجوار, يعني لمن بنخلوهم للافارقة مثلا ؟؟ وثانيا لانها الانسب بحكم التربية في نفس البيئة متاعك, فنفس الثقافة ونفس التفكير وتفهمك وتفهمها ووووووو طبعا هذا الكلام لاينطبق على الكل , ولكن من باب الاجمال و ولكن عندما تقدمت بي السنين وخبرت الحياة , غيرت رائي بالكلية,,,يااخوان بالرغم من ظاهرة العنوسة المستشرية والتي تدمي القلب, ولكن لاتزال العروسة واهلها المتحادقين يتشرطون ويتحادقون ولايفقهون مايفعلون...المهر بالشي الفولاني, وفي العرس تبي البدلة الصغيرة والكبيرة والبدلة اللي تجي عليها, مع العلم بان الاسعار تقدر بالالاف ومع العلم بان الامورة لن يلامس جسدها الطاهر هذه الثياب االا مرة واحدة ومن بعدها انسى ياعيني, ووداعا للمال السايب, وبعدين تبي بيان زيها زي اختها الكبيرة, وتبي ليلة القفة او الكسوة, وتبي وتبي الثالث وتبي وتبي وتبي وووووووووووواااااااااااااااااااااااااااااااااااك نفخ مسلح , من الاخير تبي واحد خناب او واحد بوه بيل جيتس,,,,ولهذا يااعزائي وفي ظل غلاء الذهب الذي هو من العرس كالوضوء للصلاة "حتى الله جعل الصعبد الطاهر للتيمم بديلا للماء في الوضوء عند انعدام وجود الماء ولكن ربي يهدي اولياء الامور"....يعني الرجل حيقعد يخدم زي الحمار طول عمره باش يتزوج ملكة الحسن والجمال واحيانا يموت ومايصير شيء,,, والحصيلة تاخير في الزواج للطرفين...فالحل للرجال تزوجوا بالاجنبيات اقلها نحلوا نصف المشكلة, بدل مانقعدوا احنى الاتنين بلا زواج, فالاجنبية المسلمة, امراءة لاتعرف الا الاسلام فهي تطبقه بحدافيره من قلة المهر وبدون تكاليف الزواج الاخرى و والله شقفة خاتم وخراص وسلسلة وممكن حتى فضة وهي فرحانة بيك انك عبرتها,,, وترفعها وقتي لاموعد عرس بعد سنة ولابيان بعد مش عارف كم...وطبعا الجمال خليك ساكت ,,,العيب الوحيد مرات تجد صعوبة في عودتها لليبيا...ولهذا حاول تأقلمها بالشوية بالشوية...وزي ماقالت اختنا لوزا استشير واستخير ومافي الا الجنبية من الاخير.

ياوحيد كلامك اكله كويس لكن مانوافقكش من ناحية تزوج اجنبيه فى ليبيين ومايشرطوش ويرضوا بالقليل اهم شى الرجل يكون كويس بس زيد دور وماتتسرعش فى الاخير بنت بلادك خير تصونك وتصون صغارك

(وزي ماقالت اختنا لوزا استشير واستخير ومافي الا الجنبية من الاخير..)

يا وحيد انا كيف اختي غاااادة,,,حذرتك رد بالك تاخذ وحده اجنبيه,,,,وقد اعذر من انذر

والله ياخوي وحيد الموضوع هذا مدايرلي صداع..... لكن أنا مش معاك بخصوص الزواج من الأجنبية لأن مشاكله كثيرة وأصعبها مشكلة الأطفال وتربيتهم .... يجب أن تنظر لعاقبة الأمور... وإدعي ربك إنه ينزلنا كنز... هههههههههههههههه

alhussein كتب:

والله ياخوي وحيد الموضوع هذا مدايرلي صداع..... لكن أنا مش معاك بخصوص الزواج من الأجنبية لأن مشاكله كثيرة وأصعبها مشكلة الأطفال وتربيتهم .... يجب أن تنظر لعاقبة الأمور... وإدعي ربك إنه ينزلنا كنز... هههههههههههههههه

ينزل كنز,,,,علي اساس فقراء الجماعه,,,وين مرتبات الجامعه,,,,وين العيدية الي وزعوها علي الثوار,,,وين ذهب الوالده
وين فلوس البزنس والكورسا امتاع السيارة,,,,,تشري سيارة جديده يطلعن فلوس,,,لكن عند المهر فقرااااااء

به بعد ما اتم فترة الدراسة ويردو للبلاد ؟ كيف يسير





نظرت الي جدي وهو متكئ تحت عرف الزيتون... وتتساقط قطرات العرق من جبينه الاسمر afro

فقلت له ياجدي انني انتظر الضم... study

قال لي يا بني انتظر ولكن ابحث لك عن قبر يضمك خير من انك تراجي affraid

ينزل كنز,,,,علي اساس فقراء الجماعه,,,وين مرتبات الجامعه,,,,وين العيدية الي وزعوها علي الثوار,,,وين ذهب الوالده
وين فلوس البزنس والكورسا امتاع السيارة,,,,,تشري سيارة جديده يطلعن فلوس,,,لكن عند المهر فقرااااااء

مرتب الجامعة 300 × السنة =3000
العيدية = 2500
البزنس = دراسة
السيارة = إفيكو
ذهب الوالدة = خط أحمر
المجموع= 5500

قطعة أرض = 50000 هههههههههههههههههههه
بناء منزل = 30000 هههههههههههههههههههه
عرس = 10000 ههههههههههههههههههههه

المجموع = 60 سنة خدمة هههههههههههههه

وبعدها = إنا لله وإنا إليه راجعون

مرتب الجامعة 600 دينار لينا ممكن سنة اوكتر نخلصوا هكى بالنسبة للاطباء
تقدر تشغل مخك وتخدمى خدمة يعنى اكتر من خدمة وتلقى الايرضى بالقليل زى ماقتلك
لكن حتى احنا اولادنا سامحهم الله يبو يرقدو ويلبسوا ويدهوروا ويسهروا وبعد ما العمر يوصل ل 35 يبدوا يفكروا انهم يتزوجوا ويبوا كل شى واتى عندنا العرض ياجماعة والنوم اهم حاجة يسيبوا الدنيا اكلها على خاطر ربع ساعة نومم وبدات امتع الصبح انا بنت نخدم اكتر من الايخدموا فيه خوتى الشبا الا 24 ساعة يدوروا وخلاص

يا حسين توه الناس ما اتدور الا في راجل يكون كويس,,,,ومعش ايدورا في الذهب
والفرح والكماليات الاخري,,,,,غير انت ماعندك نيه,,,,انوي وتو اندورولك وفكنا من عياطك

غيدا محمد كتب:

مرتب الجامعة 600 دينار لينا ممكن سنة اوكتر نخلصوا هكى بالنسبة للاطباء
تقدر تشغل مخك وتخدمى خدمة يعنى اكتر من خدمة وتلقى الايرضى بالقليل زى ماقتلك
لكن حتى احنا اولادنا سامحهم الله يبو يرقدو ويلبسوا ويدهوروا ويسهروا وبعد ما العمر يوصل ل 35 يبدوا يفكروا انهم يتزوجوا ويبوا كل شى واتى عندنا العرض ياجماعة والنوم اهم حاجة يسيبوا الدنيا اكلها على خاطر ربع ساعة نومم وبدات امتع الصبح انا بنت نخدم اكتر من الايخدموا فيه خوتى الشبا الا 24 ساعة يدوروا وخلاص

نجك ليا وخلاص يا غوغو,,,,,لافوضفوك,,,,,لقد ضربتي فاوجعتي,,,,,كملوها رقود واراب جوت تالنت,,,,وبعدها يقولوا المهر غالي
والله صاح,,,,فكونا من الحركات فاهمينكم ايوه اشتغل واتعب عشان تحصل بنت الصون والعفاف,,,ولا اندوزوها لك

شادينها سبلة بكل والله
حتى هم مش خادمين بكري على روسهم

alhussein كتب:

ينزل كنز,,,,علي اساس فقراء الجماعه,,,وين مرتبات الجامعه,,,,وين العيدية الي وزعوها علي الثوار,,,وين ذهب الوالده
وين فلوس البزنس والكورسا امتاع السيارة,,,,,تشري سيارة جديده يطلعن فلوس,,,لكن عند المهر فقرااااااء

مرتب الجامعة 300 × السنة =3000
العيدية = 2500
البزنس = دراسة
السيارة = إفيكو
ذهب الوالدة = خط أحمر
المجموع= 5500

قطعة أرض = 50000 هههههههههههههههههههه
بناء منزل = 30000 هههههههههههههههههههه
عرس = 10000 ههههههههههههههههههههه

المجموع = 60 سنة خدمة هههههههههههههه

وبعدها = إنا لله وإنا إليه راجعون

هذا واجبكم حتى لو كانت الزوجة عندها ايفاد يعني لا مفر و اني كان عليا حتى لو كان عندي حوش بإسمي و سيارتي و خدمتي مانرضى نتزوج الا بواحد عنده هذا كله

هذا عليه مش عليا

(هذا عليه مش عليا),,,,,ام سمايلي نجك ليا وخلاص,,,,,يهبلن بكل بنات الموفد

والله عجباً لأمركن .... يبدو أنكن لا ولم تعشن في هذه الدنيا، والواقع مغيبٌ عنكن ، إذا كانت الأمور كما تتصورن لتزوجت بدل الواحدة أربعة.......
أما مايخص الجدّية : فالواقع يجبرنا على التراجع.... هكذا هي الحياة الأرزاق فيها تساق .....

أسأل الله أن يوفق الجميع.....

باهي تراجع الي منطقة الاربعين,,,,,بعد البريقه

يا اخي الحسين حتى في الاسلام احد شروط الزواج هو المال يعني توفير الحياة الكريمة لعائلتك و الحياة الكريمة هالوقت صارت بيت + سيارة + مرتب قوي ولا ماتعيشش لا انت ولا العائلة

هذا كلام سليم ماعندك ماتقول فيه

هذا واجبكم حتى لو كانت الزوجة عندها ايفاد يعني لا مفر و اني كان عليا حتى لو كان عندي حوش بإسمي و سيارتي و خدمتي مانرضى نتزوج الا بواحد عنده هذا كله

هذا عليه مش عليا.

أنا لم أتحدث عن وجوب توفير هذه الأشياء من عدمه ، كلامي كان عن القيمة المالية لهذه " الواجبات " وغلاء الأسعار المستشري هذه الأيام... أما بالنسبة لي لا أرضى أن أتزوج وأنا لا أملك منزلنا ...... لهذا آثرت أن أسافر وحيداً مكتفياً بالذي أنا......

alhussein كتب:

هذا واجبكم حتى لو كانت الزوجة عندها ايفاد يعني لا مفر و اني كان عليا حتى لو كان عندي حوش بإسمي و سيارتي و خدمتي مانرضى نتزوج الا بواحد عنده هذا كله

هذا عليه مش عليا.

أنا لم أتحدث عن وجوب توفير هذه الأشياء من عدمه ، كلامي كان عن القيمة المالية لهذه " الواجبات " وغلاء الأسعار المستشري هذه الأيام... أما بالنسبة لي لا أرضى أن أتزوج وأنا لا أملك منزلنا ...... لهذا آثرت أن أسافر وحيداً مكتفياً بالذي أنا......

لالالالالالالالالالالالالالا ماتسافرش بروحك وتاخذ وحده اجنبيه,,,,,كان سبلتك الماده تو انخفضوا قيمة المهر,,,,خلاص اعتبر روحك تزوجت

يااخي حسين من الواضح بان اخواتنا, مايعرفوش الدنيا بكل, الباين تأثير المسلسلات, والله العظيم الموضوع يكاد يكون مستحيل ياالوزا, وانت تقولي المهم الرجل ولكن وقت الجد الكل يغير في رايه وهذه بالتجربة ومن غير افتراضات, والدليل فيه واحدة من الاخوات قالت لو ماعنداش مايلزمنيش وانا احييها على الصراحة, ومن الاخير فلوس الحرام والله ماني خاش عليهم لاقرض ربوي ولااستغلال وظيفة ولايتجمل عليا حد,,,مافيش الا الدعاء وان شاء الله ياحسين ينزل علينا كنز من السماء, مع العلم اننا نخدموا ليل ونهار ولكن في طرابلس اقل شقة او جحر كجحر الظب يساوي 80 الف وفي العادة مش ملك مقدس و وللاسف الشرف في بلدي لايساوي هذا المبلغ, نحبك ياليبيا يابلد الطيوب ونحب كل من كان يحمل رائحتك الطيبة الزاكية, ولكننا عاجزون والحلال والشرف لايعترف به من ناسك, ونحن لانملك الا اياه, فلاحل الا الاجنبية ثم الاجنبية ثم الاجنبية واحدة ليك ووواحدة ليا والا ياحسين فمرحبا بالعنوسية...

لوزا كتب:

alhussein كتب:

هذا واجبكم حتى لو كانت الزوجة عندها ايفاد يعني لا مفر و اني كان عليا حتى لو كان عندي حوش بإسمي و سيارتي و خدمتي مانرضى نتزوج الا بواحد عنده هذا كله

هذا عليه مش عليا.

أنا لم أتحدث عن وجوب توفير هذه الأشياء من عدمه ، كلامي كان عن القيمة المالية لهذه " الواجبات " وغلاء الأسعار المستشري هذه الأيام... أما بالنسبة لي لا أرضى أن أتزوج وأنا لا أملك منزلنا ...... لهذا آثرت أن أسافر وحيداً مكتفياً بالذي أنا......

لالالالالالالالالالالالالالا ماتسافرش بروحك وتاخذ وحده اجنبيه,,,,,كان سبلتك الماده تو انخفضوا قيمة المهر,,,,خلاص اعتبر روحك تزوجت

لوزا مافهمتكش ههههههههههههه خلي يسافر و يكون نفسه و يتزوج باللي يبيه