زواج الايقاد

[quote]يااخي حسين من الواضح بان اخواتنا, مايعرفوش الدنيا بكل, الباين تأثير المسلسلات, والله العظيم الموضوع يكاد يكون مستحيل ياالوزا, وانت تقولي المهم الرجل ولكن وقت الجد الكل يغير في رايه وهذه بالتجربة ومن غير افتراضات, والدليل فيه واحدة من الاخوات قالت لو ماعنداش مايلزمنيش وانا احييها على الصراحة, ومن الاخير فلوس الحرام والله ماني خاش عليهم لاقرض ربوي ولااستغلال وظيفة ولايتجمل عليا حد,,,مافيش الا الدعاء وان شاء الله ياحسين ينزل علينا كنز من السماء, مع العلم اننا نخدموا ليل ونهار ولكن في طرابلس اقل شقة او جحر كجحر الظب يساوي 80 الف وفي العادة مش ملك مقدس و وللاسف الشرف في بلدي لايساوي هذا المبلغ, نحبك ياليبيا يابلد الطيوب ونحب كل من كان يحمل رائحتك الطيبة الزاكية, ولكننا عاجزون والحلال والشرف لايعترف به من ناسك, ونحن لانملك الا اياه, فلاحل الا الاجنبية ثم الاجنبية ثم الاجنبية واحدة ليك ووواحدة ليا والا ياحسين فمرحبا بالعنوسية...

الله أكبر الله أكبر
وينك ياخوي وحيد خليتني في وسطهم ومشيت وأني نكلم وحدة تطلعلي الثانية


عدل سابقا من قبل alhussein في الأحد 27 مايو 2012, 10:48 pm عدل 1 مرات

يا ام سمايلي احسبيها صاح يابنتي,,,,هما توه فقراء معدومين مفلسين لكن لما يطلعوا بره ويتزوجوا اجنبيات ويشتغلوا حالهم حيكون احسن وحيكون عندهم فلوووووووس واجده

يعني نخلوا الاجنبيات يتمتعوا بفلوسنا وشبابنا,,,,,,,خلاص نحنا نتحملوا وناخذوهم غلابه وفقراء وبعد ربي يفرجها عليهم,,,,,,اسحبي منهم الفلوس وقوليلهم خاشه جمعيه,,,,

وبهكي تضربي عصفورين ببلكه,,,,,منها ولد بلادك ياخذك وانتي تاخذي فلوسه,,,,انتي الرابحه,,,,,,,,وافقي يا ام سمايلي وافقي سلم خيتي وماتخربش علي روحك....

انا معك الى النهاية ياحسين ... المنكوب للمنكوب رحمة ,,,قد تحررنا وحررنا الوطن...لارجوع لارجوع لارجوع لامناص لامناص لامناص....اجنبية اجنبية اجنبية.

وارجوكم يااخوات كل واحدة توزن كلمتها قبل ماتكتبها, وراعوا مشاعرنا, فالمخلوقات التي تنتمي الى ممكلة الرجولة هي مخلوقات لطيفة مرهفة الحس, رقيقة المشاعر...فقدرونا وراعوا مشاعرنا خيرلكم...هكذا يعاملوننا الاجنبيات..

ملاحظة لااحب ان اكتبها ولكن بما ناكم فتحتم الموضوع فأنا ساعبر عن رأي...الصراحة انا اعتبر ان الايفاد عيب للمراءة وليس ميزة...مستحيل اني نتزوج امراءة عندها ايفاد, مستحيل مستحيل,,هذه قناعاتي من الاول والان زدت اكدت هذه القناعات, عيوب كثيرة وكثيرة جداو والله العظيم لاتحصى ولاتعد, وانا لااحكي على القوامة لا, فهذا موضوع مفروغ منه, وكلن شدوا عندكم, القراية في الخارج مافيهش مزاح ياتقري ياما تقلبي وجهك لبلادك, ولهذا نظام الساعات مقرف جدا,,يبي حد يرفع ويجب ويرجع للحوش يقعد بجانب الصغار يوكل ويشرب ويلعب ويغير الحفاظات ولازم يحس على دمه ويطيب اي حاجة لان الامورة بتروح تعبانة,,, ومرة مرة يكنس ومرات يسيق ...وحبذا انه يعرف يطبخ لان الامتحانات حتكون مشعولة الام...طبعا انا نحكي لو كان الزوج مرافق وصايع افندي..اما اذا كان الزوج حتى هو موفد اذا غبارة غبارة غبارة حرفة سوداء من الاخير..اما بتحط الصغار في الحضانة وهذا ليه ضرائب ستحرمهم من حنانك ومن عنايتك, وايضا ماديا مكلفة جدا والدولة الليبية لاتدفع في فلوس للحضانة..فيه احد الموفدات دارت غكرة جهمنية, غلطت وجابت بنية واكتشفت الحقيقة, فدارت بنيتها في سيلفر ودزتها بالدي اتش الى ليبيا حوش جدها وسكرت موضوع الجياب من اصله..والله ماني عارف شن نقول....من الاخير اللي مش يقدها يريح روحه....والحل ياحسين اجنبية اجنبية اجنبية وتوقف عن رؤيتك الماسأوية.

والحل ياحسين اجنبية اجنبية اجنبية وتوقف عن رؤيتك الماسأوية.

زعما ياوحيد:

اكــــــــــــــــــــــــــيد ياحسين...خودها من كل النواحي, من الناحية المادية نحن ميتون ولامستقبل لنا ولو بعد حين, طبعا الامل في الله كبير, العائلات وبالرغم من ارتفاع نسبة العنوسة, مايبوش يتنازلوا ابدا, يقولولك غير تعال بس, وين تجي ياواقي وأأأأأأأأأأأأأأأأأك, جلد ياحسين, تخش في الديون والهموم والنهارات الحرف, عندي صاحبي خذي قرض من الهم مع انه كان من اكثر الناس ينهى على الربا, ووين قلت له شن ادير قال لي معاش نقدر. يعني الزواج باليبية اقرب للحرام منه الحلال...وبعدين تعال جاي ياولد...تحسين النسل وهذه نقطة مهمة ياحسين, قطع جبنة تمشي على وجه االارض, خلاص معاش نبوا اللون القهوي لالالاا معاش نبوه لون الزقرلوا " البوشبو"..نعم للجبنة ..وحيفتخروا بك صغارك وحيفرحوا...لن نعيد اخطاء الاباء...نعم للبن ومشتقاته ولا للشوكلاتة .....النقطة الاخيرة مزاح فقط مايحرج مني حد...ولك لا مناص اجنبية اجنبية اجنبية. ياحسين هيا لحق عليا.

مضطر للانسحاب ياحسين...اعتذر لاخواتنا ولكنني كنت امزح في بعض النقاط...واعتقد واضحة ومش قصدي..والموضوع يطول وذو شجون ولكنني وصلت لقناعة الاجنبية بجديات معاش فيها كيف هذه اخر سنة ولو ربي ماهداشاولياء الامور حنكون برات ذمتي امام الله عز وجل....بالمناسبة ياحسين عمرك زي عمري والنكتة امي كلمتني تهني فيا وقالت لي كل عام وانت بخير اليومين اللي فاتوا وقالت لي شوف روحك هههههههههههه ياوالله امي وخلاص.....لازم نفرحوها ياحسين ولهذا اجنبية اجنبية اجنبية....نتلاقوا ياحسين ان شاء الله...السلام عليكم.

ههههههههههههههه إنسحاب مشروع ياخوي وحيد وربي يوفقك ويوفق كل بنات وشباب بلادي لكل خير....

الأجنبية الأجنبية الأجنبية ههههههههه

لوزا حتي احني الاجنبي الاجنبي الاجنبي ههههههههه

يعني نخلوه يسلم و هكي حصلنا اجر و زواج مع بعض ههههههههه

السلام عليكم
الحق يا خوي فيه عائلات هاي لكن تبي تكسب راجل وفيه عائلات هاي تبي تناسب الهاي ولا يهما راجل ولا شبه راجل والفرق هو فيه عائلات حديثة المال والعائلات الاخري من الاصل هاي زي ما قلت حضرتك وهنا تعرف الفرق
بصراحه والله انا لو عزمت على الخطوبه والزواج راح نتقدم لعائلة وضعهم المالي عادي لاني حا نرتاح معاها بكل المقاييس ..وتتحملك ...مع احترامي لكل بنات ليبيا المحترمات

شكلك يا خوي مفهمتنيش رغم اني حبيت نوضح بالالوان

لكن المهم

اني مستغرب في حاجه في الدين و الي هذه اللحظه مازلت مستغربا ولم اجد المعني الصحيح والحجة

وانا اعلم ان هناك اشياء في الشرع تاخد سواء علمت بالحجه او لم تعلم

والشئ المستغرب هو:

من حق البنت الهاي ترفضه لان امكانياته محدوده

قصدي حسيت فيا نوع من الظلم الواقع على عاتق الرجوله

انشاء الله فهمتني

يالقلق

غبت خمسة دقايق نلقاها 5 صفحات

فهمتك akram

msmiley كتب:

لوزا حتي احني الاجنبي الاجنبي الاجنبي ههههههههه

يعني نخلوه يسلم و هكي حصلنا اجر و زواج مع بعض ههههههههه

عندك حق ام يمايلي,,,,,,مرتزق,,,,,مرتزق,,,تشادي ,,,تشادي هههههههههههههههه

فيه مقالة للشيخ الاديب الاريب علي طنطاوي السوري رحمه الله بعنوان

[ تزوجوا بنات بلادكم ]

مقالة جدا رائعة وانصح الجميع بقراءتها

خلاص كل واحد يسافر بروحة وبعدين يحلها ستين حلاال

كان ماتنحل قبل ماتسافر حتي حلالة الحكاك ماتحلها

ليبي متنحدب كتب:

كان ماتنحل قبل ماتسافر حتي حلالة الحكاك ماتحلها

هههههههههههههههههههههههههههههههههههههههههه
ربي ما ينسي حد ,,,,,بالعكس السفر مع او بدون مرافق في كلا الحالتين هناك عيوب ومميزات,,,غير انت سافر وتوكل علي الله

السلام عليكم ورحمة الله
من دواعي نكاح المرأة الجمال والمال والدين وكل أنسان عنده أولويات. أني مش في موضوع تحديد الأولوية ليك فأنت أعلم بنفسك.
ولو نظرنا لقرار الأيفاد من زاوية أقتصادية بحثة نجد أنه يأتي في باب المال
يعني زوجة معاها قرار أيفاد يعني فرصة دراسة وتطوير ذاتي يساهم في التطوير الوظيفي
يعني من غير مصطلحات فلسفية زايدة، تحسين الوظع الوظيفي والمالي والأجتماعي.
المهم في الموضوع
أوك معاها قرار أيفاد معناها تستاهل الواحد يفكر فاها.
خلي نقولوا نقطة بداية.
Start
شوف عيلتها، أخلاقها، دينها، وأكيد جمالها قبل كل شي. أكيد الجمال مش كل شي لكن من المهمات في المرأة.
دير دراسة جدوى وأستخير ربك وتوكل على الله.
وشوف خوي، حني نعرفو أن الليبي عنده عزة نفس وكبرياء مع العلم أن الكبرياء لله
فياريت ماتسمعش كلام الناس وفكر بدماغك
وكان ربي بيفتح عليك تكون زوجتك بالمواصفات التالية:



[b]بنت عيلة،صغيرة، جميلة، متدينة‘، خلوقة ،مبحبحة، ودمها خفيف، وقرار أيفادها واقف على أجراءات المرافق.
يعني حمرة وجراية وماتكلش في الشعير

تحياتي ورزقني الله واياك بزوجة ذات المواصفات أعلاه

تحياتي

lc كتب:

السلام عليكم ورحمة الله
من دواعي نكاح المرأة الجمال والمال والدين وكل أنسان عنده أولويات. أني مش في موضوع تحديد الأولوية ليك فأنت أعلم بنفسك.
ولو نظرنا لقرار الأيفاد من زاوية أقتصادية بحثة نجد أنه يأتي في باب المال
يعني زوجة معاها قرار أيفاد يعني فرصة دراسة وتطوير ذاتي يساهم في التطوير الوظيفي
يعني من غير مصطلحات فلسفية زايدة، تحسين الوظع الوظيفي والمالي والأجتماعي.
المهم في الموضوع
أوك معاها قرار أيفاد معناها تستاهل الواحد يفكر فاها.
خلي نقولوا نقطة بداية.
Start
شوف عيلتها، أخلاقها، دينها، وأكيد جمالها قبل كل شي. أكيد الجمال مش كل شي لكن من المهمات في المرأة.
دير دراسة جدوى وأستخير ربك وتوكل على الله.
وشوف خوي، حني نعرفو أن الليبي عنده عزة نفس وكبرياء مع العلم أن الكبرياء لله
فياريت ماتسمعش كلام الناس وفكر بدماغك
وكان ربي بيفتح عليك تكون زوجتك بالمواصفات التالية:



[b]بنت عيلة،صغيرة، جميلة، متدينة‘، خلوقة ،مبحبحة، ودمها خفيف، وقرار أيفادها واقف على أجراءات المرافق.
يعني حمرة وجراية وماتكلش في الشعير

تحياتي ورزقني الله واياك بزوجة ذات المواصفات أعلاه

تحياتي

قولي ..ماتريدهش حامل..بالمره

lc يعني تبيها perfect مع بعض المزايا

[b]بنت عيلة،صغيرة، جميلة، متدينة‘، خلوقة ،مبحبحة، ودمها خفيف، وقرار أيفادها واقف على أجراءات المرافق.
يعني حمرة وجراية وماتكلش في الشعير

تحياتي ورزقني الله واياك بزوجة ذات المواصفات أعلاه

تحياتي[/quote]
ومن الطمع ما قتل ,,, مش ضروري فل اوبشن , حتى صاحب النص رابح