التاشيرة طلعت والتفويض مازال والدراسة تبدأ قريب ؟؟

الله بفتح عليكم هل من الممكن تأجيل موعد الدراسه بعد الحصول علي التأشيره TEIR 4
عاجل جدا الذي عتده معلومه يفيدني والله يفتح عليكم

عدل سابقا من قبل Abu Mohamed في الأحد 06 أكتوبر 2013, 2:48 pm عدل 1 مرات (السبب : العنوان لايعبر عن المضمون)

بارك الله فيك بالنسبه للدراسه سوف تكون في جامعه كاردف وانا اريد ان ابعث للجامعه علي اساس نغير قبول علي شهر يناير،كان بديت جامعه وجاني تفويض علي نهايه شهر ١١ هل تقبل سفاره في دفع رسوم جامعه

السلام عليكم ورحمة الله وبركاته ....
اصدقائى اعزائى اعضاء منتدى الطلاب الليبين فى بريطانيا اتمنى ان تكون احوالكم بالف خير ...
كى لا اطيل عليكم انا باذن الله يبدا الكورس بريسيشنال فى جامعة هاريوت وات فى اسكتلندا بتاريخ 13/1/2013 وعندما ذهبت للبعتات وجدت روحى فى تفويض 27 الذى من المقرر ان يذهب للوزارة بتاريخ 3/12/2013 ومن عنوان يبان انه الاجراءات مش ها اتم قبل موعد الكورس فما نصيحتكم هل انسافر قبل ما انتم الاجراءات ونقعد غااادى على حسابى با الرغم عندى صديق غادى عايش واماجر سكن يعنى السكن مش مشكله او نستنى لين اتم الاجراءات ومعناها مرات انسافر بعد موعد الكورس وهنى فيه ناس قالولى لو سافرت بعد موعد الكورس حتقع فى مشاكل فى المطار وقداش الجامعه ها تصبر اعليا قبل ما انجيبلها ورقة من السفاره الليبه فا ريت الناس الى عندها خبره اتقولى افضل سيناريو انديرها وانطبقها با التفصيل رجاءا

ahmed.kawan كتب:

السلام عليكم ورحمة الله وبركاته ....
اصدقائى اعزائى اعضاء منتدى الطلاب الليبين فى بريطانيا اتمنى ان تكون احوالكم بالف خير ...
كى لا اطيل عليكم انا باذن الله يبدا الكورس بريسيشنال فى جامعة هاريوت وات فى اسكتلندا بتاريخ 13/1/2013 وعندما ذهبت للبعتات وجدت روحى فى تفويض 27 الذى من المقرر ان يذهب للوزارة بتاريخ 3/12/2013 ومن عنوان يبان انه الاجراءات مش ها اتم قبل موعد الكورس فما نصيحتكم هل انسافر قبل ما انتم الاجراءات ونقعد غااادى على حسابى با الرغم عندى صديق غادى عايش واماجر سكن يعنى السكن مش مشكله او نستنى لين اتم الاجراءات ومعناها مرات انسافر بعد موعد الكورس وهنى فيه ناس قالولى لو سافرت بعد موعد الكورس حتقع فى مشاكل فى المطار وقداش الجامعه ها تصبر اعليا قبل ما انجيبلها ورقة من السفاره الليبه فا ريت الناس الى عندها خبره اتقولى افضل سيناريو انديرها وانطبقها با التفصيل رجاءا

التاشيرة طلعت والتفويض مازال والدراسة تبدأ قريب ؟؟
http://www.almofad.com/t11254-topic

[rtl]السلام عليكم[/rtl]
[rtl]أو أن أشير في البداية إنني حاولت أن ابحث في المنتدى ولم أجد موضوع يتطرق مباشرة لمثل هذا الموضوع[/rtl]
[rtl]تحصلت على تأشيرة تاير 4 لكورس لغة برسشنال مدة 6 أسابيع بداية من 17/فبراير 2014 و دكتوراه غير مشروط 4 سنوات بدون وجود فاصل زمني بينهما وبنفس الجامعة وتقدمت للتفويض اليوم وحيث ذكر موظف البعثات أنة يأخذ على الأقل 30 يوم لصدوره يعني بعد تاريخ بداية الكورس[/rtl]
[rtl]المشكلة وصلني أيميل من مركز اللغة مفاده انه يجب أن التحق بالكورس في موعدة وفي حالة تغير موعد بداية الكورس (وهو ممكن من طرفهم) آو عدم التواجد بهذا التاريخ 27/2 تعتبر التأشيرة ملغية وعلي أن أتقدم للحصول على تأشيرة أخرى[/rtl]
[rtl]علية أرجو من مرت علية نفس هده الحالة إفادتي[/rtl]
[rtl]وهل لو سافرت على حسابي قبل صدور التفويض وان انتظر صدور التفويض تم ارجع من اجل استكمال باقي الإجراءات يكون حل لهده المشكلة ولا يتم إلغاء التأشيرة[/rtl]
[rtl]وهل ممكن ألملحقيه تصدر رسالة لمركز اللغة مفادها بأنها سوف تدفع هي المصاريف[/rtl]
[rtl]وهل هدا الدخول يعتبر قانوني بدون تفويض[/rtl]
[rtl]نأسف على الإطالة و نرجو المساعدة[/rtl]
[rtl]وشكرا[/rtl]

نأسف حدث خطا في كتابة التاريخ المره التانية والتاريخ الصحيح هو 17/02/2014

السلام عليكم
اي دولة؟
كورس لغة 6 اسابيع؟ انت قاري ماستر ف دولة تتحدث انجليزي؟
مادام عندك تاشيرة دخولك قانوني.
مادام عندك قرار ايفاد يعطوك رسالة بالدعم المالي.
لااستطيع ان افيدك ف السؤال الاول لانني لا اعرف اجابة الاسئلة اعلاه.
والله يوفقك ويوفق الجميع

Alsharef كتب:

[rtl]السلام عليكم[/rtl]


[rtl]أو أن أشير في البداية إنني حاولت أن ابحث في المنتدى ولم أجد موضوع يتطرق مباشرة لمثل هذا الموضوع[/rtl]


[rtl]تحصلت على تأشيرة تاير 4 لكورس لغة برسشنال مدة 6 أسابيع بداية من 17/فبراير 2014 و دكتوراه غير مشروط 4 سنوات بدون وجود فاصل زمني بينهما وبنفس الجامعة وتقدمت للتفويض اليوم وحيث ذكر موظف البعثات أنة يأخذ على الأقل 30 يوم لصدوره يعني بعد تاريخ بداية الكورس[/rtl]


[rtl]المشكلة وصلني أيميل من مركز اللغة مفاده انه يجب أن التحق بالكورس في موعدة وفي حالة تغير موعد بداية الكورس (وهو ممكن من طرفهم) آو عدم التواجد بهذا التاريخ 27/2 تعتبر التأشيرة ملغية وعلي أن أتقدم للحصول على تأشيرة أخرى[/rtl]


[rtl]علية أرجو من مرت علية نفس هده الحالة إفادتي[/rtl]


[rtl]وهل لو سافرت على حسابي قبل صدور التفويض وان انتظر صدور التفويض تم ارجع من اجل استكمال باقي الإجراءات يكون حل لهده المشكلة ولا يتم إلغاء التأشيرة[/rtl]

[rtl]وهل ممكن ألملحقيه تصدر رسالة لمركز اللغة مفادها بأنها سوف تدفع هي المصاريف[/rtl]


[rtl]وهل هدا الدخول يعتبر قانوني بدون تفويض[/rtl]

لا أتوقع أن الملحقية يعطوك رسالة دعم مالي بمجرد أنه عندك قرار إيفاد ،،، بعني قبل صدور التفويض وفتح ملف لديهم ...
بالنسبة لدخولك لو سافرت قبل صدور التفويض عادي ...
أعتقد أنه لعند 17 فبراير مازال في وقت ،،، أمامك أن تنتظر لعند صدور التفويض قبل هذه التاريخ ،،،
ولو ما طلعش التفويض وما تبيش تضيع هذه الفرصة تقدر تسافر على حسابك قبل موعد كورس اللغة وتسجل فيه وتخلص على حسابك ، ولما بطلع التفويض وصي أي شخص يستلم برقية بداية الصرف من البعثات ويبعثها لك ، ولما وتفتح ملف تسترجع القيمة المالية من الملحقية ... بس تأكد من أنهم برجعوا لك المبلغ ...

برا سافر بيه وافتح ملف و المنحة ماشية ... ومنها تتاقلم مع الجو وتتدهور... عادي الامور ...

Medona كتب:

[size=18.18181800842285]السلام عليكم [/size]
[size=18.18181800842285]لدي استفسار تفويضي المالي يصدر في شهر 4 ونبي نبدا في المعهد في شهر 9 [/size]
[size=18.18181800842285]هل توجد مشكله في تاخير التفويض بعد صدوره [/size]

نعم مرات تصيرلك مشكلة في المطار يعني يسألوك ليش ماشي من توة والدراسة في شهر 9 وبعدين مش عارف شن وضعك يعني هل كملت اللغة وهل عندك تأشيرة وشن نوعها؟
بالنسبة للملحقية حتى هم احتمال كبير مايعطوك منحة لو مازالت دراستك ولكن زيد أسأل.

عدل سابقا من قبل Abu Mohamed في الأحد 09 مارس 2014, 1:25 am عدل 1 مرات

انا تاشيرتي طالب زائر لكن التفويض تاخر وسنة اللغه راحت فيها نبي نبدا في 9 عشان نقرا سنه لغه كاملة 
لاني لو بديت في شهر 4 راح انكمل في شهر 4 السنة الاخري وبعدها نقعد بدون منحة ولا دراسة لغاية شهر 9 علي بداية الدراسة الاكاديمية

السلام عليكم,
بالله نبي نستفسر انا تاشيرتي تاير فور و بداية الكورس متعي 14.4.2014 بعد التاجيل بسبب تاخير التفويض المعهد قالي معش فيه تاجيل اكثر من هكي يعني لو مامشيتش في الموعد احتمال الكاس نمبر يلتغي و التاشيرة تلتغى ,,,,,بالله شنو الحل مع العلم انا التفويض متعي رقم 4 عندي شهر بس .............لو التفويض ما طلعش و مشيت علي حسابي قداش يكلفني ,,,,,,,,,,,,,قداش نرفع معاي لين يكملوا التفويض و نرجع لليبيا ناخد بداية الصرف و البرفية و ربع المرتب ...........و حسبي الله و نعم الوكيل يارب الطف بحالنا

عدل سابقا من قبل Abu Mohamed في الخميس 13 مارس 2014, 11:44 pm عدل 1 مرات (السبب : كتابة إنجليزية بحروف عربية قد لايفهمها الجميع)

انا نعرف انه المعاهد ياجلن عادي قوليلي انتي اي معهد وف اي منطقه

ASOM كتب:

السلام عليكم,
بالله نبي نستفسر انا تاشيرتي تاير فور و بداية الكورس متعي 14.4.2014 بعد التاجيل بسبب تاخير التفويض المعهد قالي معش فيه تاجيل اكثر من هكي يعني لو مامشيتش في الموعد احتمال الكاس نمبر يلتغي و التاشيرة تتكنسل ,,,,,بالله شنو الحل مع العلم انا التفويض متعي رقم 4 عندي شهر بس .............لو التفويض ما طلعش و مشيت علي حسابي قداش يكلفني ,,,,,,,,,,,,,قداش نرفع معاي لين يكملوا التفويض و نرجع لليبيا ناخد بداية الصرف و البرفية و ربع المرتب ...........و حسبي الله و نعم الوكيل يارب الطف بحالنا

 السلام عليكم  
خوي انت نفس حالتي انا بس انت هل انت اجلت بعد ما اخذت التاشيره والا لان اذا كان اجلت بعد ماخذيت التاشيره لازم فيه اجراء اديره مع المعهد لان احتمال تصير لك مشكله في المطار

ASOM كتب:

السلام عليكم,
بالله نبي نستفسر انا تاشيرتي تاير فور و بداية الكورس متعي 14.4.2014 بعد التاجيل بسبب تاخير التفويض المعهد قالي معش فيه تاجيل اكثر من هكي يعني لو مامشيتش في الموعد احتمال الكاس نمبر يلتغي و التاشيرة تتكنسل ,,,,,بالله شنو الحل مع العلم انا التفويض متعي رقم 4 عندي شهر بس .............لو التفويض ما طلعش و مشيت علي حسابي قداش يكلفني ,,,,,,,,,,,,,قداش نرفع معاي لين يكملوا التفويض و نرجع لليبيا ناخد بداية الصرف و البرفية و ربع المرتب ...........و حسبي الله و نعم الوكيل يارب الطف بحالنا

وعليكم السلام

أختي حاولي تراسلي المعهد مرة أخرى وحاولي تفهميهم أن الإجراءات عندنا بطيئة وأن الموضوع مش بيدك لأنك موفدة من الدولة وأنك فعلا جادة في السفر والدراسة بمجرد استكمال بقية الإجراءات ...

ويفترض أن المعهد يأجل لك وما فيش مشكلة ... العبد لله صار لي نفس الموقف والتأشيرة كانت تاير 4 ، استلمتها في بداية شهر 9 والكورس كان من المفترض أن يبدأ في بداية شهر 10 ، لذلك راسلت المعهد وقلت لهم نفس الكلام السابق ووافقوا على التأجيل ، لكن الأهم من ذلك لم أعطهم موعد جديد لبداية الكورس وقلت لهم حالما تنتهي الإجراءات أعطيكم الموعد الجديد (وهو ما أنصح به جميع الطلبة لتفادي تكرار عملبة التأجيل) ... وبالفعل بعد ما طلع التفويض والتذاكر وجهزت روحي للسفر راسلتهم وأعطيتهم موعد جديد للكورس وكانت في بداية شهر 1 ، يعني أكثر من 3 أشهر بعد صدور التأشيرة ...

بالتوفيق لك وللجميع ...

Medona كتب:

[size=18.18181800842285]السلام عليكم [/size]
[size=18.18181800842285]لدي استفسار تفويضي المالي يصدر في شهر 4 ونبي نبدا في المعهد في شهر 9 [/size]
[size=18.18181800842285]هل توجد مشكله في تاخير التفويض بعد صدوره [/size]

وعليكم السلام
شوف هذا الموضوع وسيتم نقل مشاركتك إليه
التاشيرة طلعت والتفويض مازال والدراسة تبدأ قريب
http://www.almofad.com/t11254-topic

ربي يساعدك

السلام عليكم ورحمة الله

الاخوة الكرام انا باذن الله دراستي للدكتوراه حتبدا 25/05 ومقدمة عالتفويض من 16/03 . في حالة اذا ما صدر التفويض في وقته نقدر نسافر على حسابي ونسجل في الجامعة بدون رسالة ضمان مالي من الملحقية؟

Asmaa Abdelkhalig كتب:

السلام عليكم ورحمة الله

الاخوة الكرام انا باذن الله دراستي للدكتوراه حتبدا 25/05 ومقدمة عالتفويض من 16/03 . في حالة اذا ما صدر التفويض في وقته نقدر نسافر على حسابي ونسجل في الجامعة بدون رسالة ضمان مالي من الملحقية؟

وعليكم السلام ورحمة الله
شوفي هذا الموضوع وسيتم نقل مشاركتك إليه

التاشيرة طلعت والتفويض مازال والدراسة تبدأ قريب
http://www.almofad.com/t11254-topic#85581

السلام عليكم
طالب موفد لدراسة الدكتوراه ، تحصلت على قبول غير مشروط من جامعة سراثكلايد على اساس بداية الدراسة 01-04-2014 نتيجة لبعض الظروف الطارئة تاخرت في  التقديم للتاشيرة.  تحصلت على الفيزا تير 4 اول شهر مارس وقدمت على التفويض المالي . مكتب البعثات بالجامعة تاخر في ارسال الملفات للبعثات، فطلبت من جامعة سراثكلايد تمديد فاعطوني تمديد لغاية اول شهر مايو القادم بحيث لا يلغى الكاس نمبر. اسمي في قائمة تفويض 7 وننتظروا في الاجراءات.
افيدوني اذا كان من الممكن الذهاب الى بريطانيا للتسجيل للدراسة الاكاديمية بضمان مالي شخصي الى حين صدور صدور برقيات البعثات وذلك تلافيا لالغاء الكاس نمبر.

Abu Ghaith كتب:

السلام عليكم
طالب موفد لدراسة الدكتوراه ، تحصلت على قبول غير مشروط من جامعة سراثكلايد على اساس بداية الدراسة 01-04-2014 نتيجة لبعض الظروف الطارئة تاخرت في  التقديم للتاشيرة.  تحصلت على الفيزا تير 4 اول شهر مارس وقدمت على التفويض المالي . مكتب البعثات بالجامعة تاخر في ارسال الملفات للبعثات، فطلبت من جامعة سراثكلايد تمديد فاعطوني تمديد لغاية اول شهر مايو القادم بحيث لا يلغى الكاس نمبر. اسمي في قائمة تفويض 7 وننتظروا في الاجراءات.
افيدوني اذا كان من الممكن الذهاب الى بريطانيا للتسجيل للدراسة الاكاديمية بضمان مالي شخصي الى حين صدور صدور برقيات البعثات وذلك تلافيا لالغاء الكاس نمبر.

وعليكم السلام
لايوجد شئ اسمه ضمان مالي شخصي ولكن بدلا منه ممكن أن تدفع لهم عربون أو جزء من الرسوم الدراسية إلى حين استلام التفويض ورسالة دعم مالي من الملحقية