التاشيرة طلعت والتفويض مازال والدراسة تبدأ قريب ؟؟

اني راسلتهم وقالولي اخر موعد 15 اكتوبر منعرفش لاني كمبيش ناجل التاجيل يعني قصة كبيرة والله مني عارف اني رح ادرس فب بريطانيا

ربي يكون في عونك وعوننا ياخوي.... والله كلنا مأرقتنا بريطانيا
كان يسكروها ويريحونا منها احسن

والله الحقيقة هم كانو معاي مية المية أجلولي قبولي من شهر 1 إلى شهر أربعة ومن شهر 4 إلى 9 يعني خلاص بس القصة هنايا التاخير منعرفش علاش التفويض ليه اكثر من 3 اسابيع ومزال مصدرش هذا كله تعطيل ووقت يصدر التفويض يحتاج لشهر آخر باش تحصل على رسائلك وتقدر تفتح ملفك والله ربي يستر ويوفق الجميع

السلام عليكم اني في التفويض17 و الى هدا الوقت مازال تحت الاجراء و اني موعد الدراسه يوم 12/1 و بأعتبار يوم 1 و2 يوافقن سبت و احد عطله .. فكيف الرأي نسافر و ندير توكيل لحد يأخد الابراق ويبعتهولي؟؟ وامتى نسافر يوم الجمعه و يوافق 11/30 و الا المفروض قبل هدا اليوم؟؟

شن نوعها تاشيرتك ... تاير 4 او طالب زائر
لو طالب زائر تقدر تأجل موعد الكورس لين اتم الاجراءات وهدا افضل ليك وتسافر براحتك

تأشيرتي تاير4 اختي سوما

طيب راسل الجامعة وقوللهم انك بتتأخر عن الموعد ...مرات يقدروا وضعك ويعطوك اسبوع او اسبوعين

السلام عليكم اخوتى الكرام اخواتى الكريمات انا طالب موفد للدراسة بالخارج فى بريطانيا تحديدا وتحصلت على التأشيرة يوم 12 12 2012 وموعد الكورس امتعى يبدا فى 7 1 2013 والتفويض زى ماعارفين ياخد من الشهر الى الشهرين ففى اشخاص قالولى برا فى موعد اقرايتك عادى وخلى حد ايتبعلك تفويضك...وانى مافهمتش هل يفتحو ملف غادى ولا لا ؟؟؟؟وزد عن ذلك انه قالولى الكورس كان بناجله بيتاجل الى شهر 4 وهكى هلبة .....نبى شخص ايفهمنى على قصة السفر قبل صدور التفويض على رحمة ولديكم....وشكرا

بارك الله فيك يااخ ابو محمد

ان شاء الله موفق أخي

وبارك الله فيك اخونا ابو محمد

معليشى شن مضمونها لانه القيته امعبى هلبة مسجات اخى ابو محمد ..؟؟؟؟؟؟

السلام عليكم ورحمة الله انا عندى قبول 7/1/2013 فى kings bormouth ,وتفويض عارفين ياخد وقت شن تنصحونى اندير

نصيحة ،،، حفاظاً على مصداقية الطلبة الليبيين ،،، اتصل بالمعهد بأسرع وقت ، واحكي لهم على ظروف الإجراءات وما ينتج عنها من تأخير ، واعتذر منهم كونك ما تقدرش تلحق على الدراسة في موعده المحدد ،، واطلب منهم تأجيل موعد بداية الكورس متعك ،،، ونصيحة ايضاً ،،، حتى تتفادى التأجيل المتكرر ، ما تعطيهمش موعد جديد لبداية الكورس متعك إلا لما تستكمل إجراءاتك وتحدد موعد ولو مبدئي لسفرك ،،، وخلال الفترة هادي خليك على اتصال بالمعهد مرة مرة !!!

بالتوفيق !!!

اخي اولا انك تفتح ملف قبل ما تتحصل على رسالة الخزانة ورسالة البعثات مستحيل
رسالة الخزانة ورسالة البعثات مش رح تتحصل عليهم الا لما يصدر التفويض
التفويض بالجو مليشي وقت معروف بيش يصدر وقصته قصة
اني كنت في التفويض 15 صدر في اول اسبوع من شهر 10 وقرايتي تبدا من 24 /9 الى 15/10 ودراستي اكاديمية اتصلت بالجامعة حتى اجل الدراسة لبداية 11 قالولي لو تاجل ضروري تقدم طلب من جديد وقصة فلدلك لقيت روحي مضطر للمجي لبريطانيا قبل منتصف 10 جيت بدون اي رسالة فقط ان اسمي صدر في التفويض
واستمريت على حسابي حتى منتصف شهر 11 وبعدها وصلتني اوراقي ومشيت فتحت ملفي وسجلت في الجامعة وبديت
نصيحتي ليك
1 حاول انك تتاكد من ان اسمك وملفك 100% في التفويض ومتى رح يصدر التفويض
2 متسافرش الا لما يصدر التفويض وقبول اللغة ممكن تبعث رسالة لمدرسة اللغة توضحلهم ان تقدر تجي وتبدا بس مش رح تقدر توفرلهم رسالة الدعم المالي من السفارة لكن ترفقلهم صورة من رسالة دعم الفيزا وصورة من رسالة دعم القبول وفيزتك انت لو وافقو بالاوراق اللي بعثهن وقالولك رسالة السفار حتى بعدين وقتها تقدر تسافر لو ظروفك المادية تسمح وتوكل احد بتابع اوراقك ويجيبلك ورقة الخزانه والبعثات وقت صدورهم ويبعثهملك في بريطانيا
3 لو مدرسة اللغة قالولك ضروري رسالة السفارة فهنا لك الخيار ان تقوللهم اجلولي الى حين حصولي على الرسالة وهدا اضن ممكن لان معظم مدارس اللغة يقبلو في طلبة معظم الوقت الا مدارس اللغة التابعة للجامعة او تقوللهم اني رح نخلص وتشرط عليهم بمجرد حصولك على رسالة الضمان المالي من السفارة هم يرجعولك فلوسك وتتاكد ان قيمة الاسبوع مسموح بيها مع السفارة
في جميع الاحوال ونصيحتي لو ظروفك متسمحش راجي اوراقيك افضل وعارف انك لما بتراجي اوراقيك فيها ضياع من مدة الفيزا فالموضوع يعتمد على كل شي
على اي حال لو احتجت اي مساعدة نقدر نساعدك بيها فقط اكتبلي على الخاص وحاضر

السلام عليكم اعضاء المنتدى الاعزاء..
عندى استفسار بسيط.. انا دراستى تبدأ يوم 28-1 فى معهد نيوكاسل وخوفاً منى بعدم انتهاء الاجراءات فى موعدها قمت بتأجيل موعد الدراسه الى 25-2 كأجراء احتياطى فبعثلى المعهد رساله عاديه تفيد بتأجيل الموعد. سؤلى هو هل هذه الرساله تكفى ام لازم من قبول جديد بتاريخ جديد؟مع العلم بأن الرسالة رسلت لى عبر الايميل فقط ولم يصلنى اصل الرساله هل فى ذلك مشكله؟؟ولكم جزيل الشكر سلفاً

ahmad.attrkawi كتب:

السلام عليكم ورحمة الله وبركاته

كيف حالكم أخواتي

عندي صديقي مسجل في معهد اللغة التابع للجامة نيوكسل ببريطانيا على أن يكون موعد الدراسة يوم 6/1/2013 ولكن بسبب الأجرارات تأخر وهو حالي موجود في ليبيا . ,
سؤالي ماذا يجب عليها أن يفعل هل يقوم بمراسلة المعهد ؟

أما ينتظر الى أن يصل إلى هناك ويغير الموعد ؟ وما هي الية تغيير الموعد وهل تحتاج لرسوم أخرى

وشكرا سلفا

وبارك الله في كل من قرأ
وجزا الله كل من شارك وبارك الله فيكم
وشكرا للمنتدى المفيد جدا

سؤال متأخر يا اخي الكريم
المفترض كان صديقك سأل و استفسر قبل موعد الدراسة
على العموم كان من المفترض ان يراسل المعهد لكي يقوم بتغيير موعد الدراسة
لانه تأخر هلبة الدراسة المفترض 1-6 واحني توا 22-1
عليه ان يراسل المعهد ويغير موعد الدراسة
وانا ننصحه ان ايخلي موعد الدراسة بالزايد
يعني كان متوقع روحه يسافر في أول 2 ايدير الموعد في نص 2 وهكذا
وان شاء الله خير

السلام عليكم ،،،

إحذر يا أخي أن تسافر قبل ما يطلع التفويض ، حتى بعد طلوع التفويض رد بالك تسافر قبل ما تستلم برقية الخزانة وبرقية بداية الصرف ،،،

1 - لأنك لما تقدم ملفك للتفويض ما تعرفش كم بياخذ من وقت با يطلع ، والوقت هذا يتقعده على حسابك في بريطانيا ...
2- بعد مايطلع التفويض تقعد تسنى في برقية الخزانة وبعدها برقية البعثات ( وهذا بافتراض أنك ما تبيش تستنى التذاكر) ، وهادوا حتى هما ياخذوا وقت ، ومن غيرهم مش حتعترف بيك السفارة كطالب موفد ،،، يعني حتى هذا الوقت بتقعده على حسابك لعند صدور هاتين البرقيتين ...
3- فرضاً أنك قررت تسافر بالرغم من ذلك كله ،،، فإن السفارة لن تفتح لك ملف ومش حتعاملك كطالب موفد لعند ما تجيب البرقيتين اللي ذكرتهم ، وهادوا باش تحصلهم قصة بروحها ،،، ولو فرضنا أنه فيه من يجري عليهم ويحصلهملك ويبعثهملك في ليبيا ،،، في هذه الحالة الفترة ما بين وصول البرقيات وفتح ملفك في السفارة بتقعده على حسابك الخاص ...
4- ولو فرضنا أنك تقدر تقعد الفترة هذه كلها على حسابك الخاص ،،، تقعد مشكلة المعهد والدراسة ، لربما لن تستطيع الالتحاق من الدراسة لعند ما تجيب للمعهد رسالة الضمانة المالية من السفارة ، والسفارة بدون فتح ملف مش حيعطوك الرسالة ،،، صحيح في بعض المعاهد يستنوا ويمكنوا الطالب من الدراسة ، لكن أغلبهم ما يمكنوش الطالب من دخول القاعة لعند ما توصلهم رسالة الضمانة المالية ، وهو ما حدث معي شخصياً ..،
5- بافتراض أن المعهد مكنوك من الدخول للدراسة لعند وصول رسالة الضمانة المالية من السفارة ،،، لكنك ما تعرفش كم الوقت اللي بياخذه صدور التفويض المالي وبعدها برقية الخزانة وبعدها برقية البعثات وبعدها فتح الملف في السفار وبعدها إعداد الرسالة نفسها وإرساله للمعهد، والوقت هذا كله مرات المعهد يجي في النص ويقولك الرسالة تأخرت وما نقدرش ننتظر أكثر من هكي وتقعد في موقف محرج ، ومرات يوقفك ععلى الحضور ...

نصحية أخي الكريم ،،، انتظر تفويضك لعند ما يطلع وخوذ برقياتك وتوكل على الله ، والداسة اعتقد ما فيهاش مشكلة ، يعني تقدر تراسل المعهد وقوللهم يأجلولك بداية الكورس ، غير ما تعطيهمش تاريخ معين لعند ما تكمل إجراءاتك وتقرر موعد السفر ، عنده حدد لهم تاريخ بداية الكورس تفادياً للتأجيل المتكرر الناتج عن تأخر الإجراءات ...

بالتوفيق إن شاء الله !!!

المتوكل على الله كتب:

السلام عليكم ،،،

إحذر يا أخي أن تسافر قبل ما يطلع التفويض ، حتى بعد طلوع التفويض رد بالك تسافر قبل ما تستلم برقية الخزانة وبرقية بداية الصرف ،،،

1 - لأنك لما تقدم ملفك للتفويض ما تعرفش كم بياخذ من وقت با يطلع ، والوقت هذا يتقعده
......................................
.......................................

نصحية أخي الكريم ،،، انتظر تفويضك لعند ما يطلع وخوذ برقياتك وتوكل على الله ، والداسة اعتقد ما فيهاش مشكلة ، يعني تقدر تراسل المعهد وقوللهم يأجلولك بداية الكورس ، غير ما تعطيهمش تاريخ معين لعند ما تكمل إجراءاتك وتقرر موعد السفر ، عنده حدد لهم تاريخ بداية الكورس تفادياً للتأجيل المتكرر الناتج عن تأخر الإجراءات ...

بالتوفيق إن شاء الله !!!

اسأل الله العلي القدير ان ييسرلك امورك
وبارك الله علي النصيحة
وجزاك الله عنا خيرا

وفيك بارك الله ...

موفق إن شاء الله أخي لكريم !!!