التاشيرة طلعت والتفويض مازال والدراسة تبدأ قريب ؟؟

والله يا اصيلة ماعندي كيف ناكد لكن لو في كندا راني اتصلتلك بالمكتب واستفسرت لكن نصيحة لو تستطيعي تاخديها امعاك ايكون افضل
بالتوفيق ان شاء الله وان شاء الله انشوفوك دكتورة

اختي اصيلة قصدك الابراقات مش حتجهز الاربعاء كيف ما وعدونا؟؟

لاحول ولا قوة الا بالله

امة الرحمن كتب:

اختي اصيلة قصدك الابراقات مش حتجهز الاربعاء كيف ما وعدونا؟؟

لاحول ولا قوة الا بالله

والله شكله هكي اختي
لانني اليوم كنت في البعتاث وللاسف الموظف اللي تخدم فيهم غايبة قالوا ما جتش
والموظف اللي في وحدة المحفوظات الصادرة وخاصة بتسليم البرقيات قالي انهم يبو يخدمو المجموعة كلها مع بعض 186 طالب مع بعض
بالله هدا كلام
فيه ناس اليوم جايبة برقية الخزانة وفيه ناس مازال ما استلمت برقية الخزانة..؟
يعني نستنوهم والا كيف ؟
بصراحة اعصابي انحرقت اليوم
وربي يسهل..ادعو اخوتي وبس

لاحول ولا قوة الا بالله

معقولة هالبعثات متعمدين حرق اعصابنا لاخر ورقة؟؟؟؟؟؟؟؟؟؟!!!!!!!!!!!!!!!

[center][b]و الله يا أخت أصيلة رأيي تسألي الىدي اتش ال وهو خدمة النقل السريع وانا شخصيا اعتمدت عليه في توصيل اوراق من بنغازي إلى بريطانيا وكذلك محليا
بحيث يستلم شخص هنا الاوراق الاصلية ويدزها بلدي اتش ال وان شاء الله توصل لعنوانك غادي
بس طبعا محتاجة تصرفي على روحك طول الفترة هذي

وهناك مكانين في طرابلس :
DHL Express - Tripoli
Mahri Worldwide Express
El Nasr Road
Down Town
Tripoli

DHL Express - Tripoli
Mahri Wordwide Express
El Fateh Street
Tripoli


وبالنسبة لموضوع اذن الصرف فانا جيت لطرابلس الاحد وسلمتها الاوراق فقالتلي تعال الاربعاء كيف جماعة الاربعاء وهذا يدل ان الموضوع ماشي كويس لكن ما يحبوش يعطو موعد قريب للطلبة عشان يتتريحو

Optimistic كتب:

[center][b]و الله يا أخت أصيلة رأيي تسألي الىدي اتش ال وهو خدمة النقل السريع وانا شخصيا اعتمدت عليه في توصيل اوراق من بنغازي إلى بريطانيا وكذلك محليا
بحيث يستلم شخص هنا الاوراق الاصلية ويدزها بلدي اتش ال وان شاء الله توصل لعنوانك غادي
بس طبعا محتاجة تصرفي على روحك طول الفترة هذي

وهناك مكانين في طرابلس :
DHL Express - Tripoli
Mahri Worldwide Express
El Nasr Road
Down Town
Tripoli

DHL Express - Tripoli
Mahri Wordwide Express
El Fateh Street
Tripoli
بارك اله يك اخي
وتوة اليوم بعون الله نسئل عن dhl في طرابلس
واحنا كلنا قالو لنا الاربعاء بس زي مما قلت يعني يخدمو في الازراق حسب البرقيات المستلمة / مش يخدموها ويخلوها
ربي يستر

وبالنسبة لموضوع اذن الصرف فانا جيت لطرابلس الاحد وسلمتها الاوراق فقالتلي تعال الاربعاء كيف جماعة الاربعاء وهذا يدل ان الموضوع ماشي كويس لكن ما يحبوش يعطو موعد قريب للطلبة عشان يتتريحو

السلام عليكم

اختي الاصيلة اليوم كنت في البعثات واكدتلي الموضفة اللي في المكتب اللي استلمت مني الابراق ان غدا الاربعاء حنستلموا اوراقنا كلها منهم

وان شاء الله خير.

امة الرحمن كتب:

السلام عليكم

اختي الاصيلة اليوم كنت في البعثات واكدتلي الموضفة اللي في المكتب اللي استلمت مني الابراق ان غدا الاربعاء حنستلموا اوراقنا كلها منهم

وان شاء الله خير.

الله يبشرك بالخير يا اختي ..لان ظروفي الحالية في طربلس لا يعلم بها الا الله وحده

السلام عليكم..
انا دراستي تبدأ يوم 16-9 وتوا  بس طلع التفويض (17)  ومازال الابراق وحسب ما شفت ان التذاكر ممكن تتاخر عن موعد دراستي وعندي تأشيرة tier4 فهل ممكن نأجل الدراسه شويه لحين صدور التذاكر مع العلم ان التأشيرة تبدأ يوم 16-8

شريفة كتب:

السلام عليكم..
انا دراستي تبدأ يوم 16-9 وتوا  بس طلع التفويض (17)  ومازال الابراق وحسب ما شفت ان التذاكر ممكن تتاخر عن موعد دراستي وعندي تأشيرة tier4 فهل ممكن نأجل الدراسه شويه لحين صدور التذاكر مع العلم ان التأشيرة تبدأ يوم 16-8

 السلام عليكم ورحمة الله وبركاته
الأخت الفاضلة شريفة
اعتقد والله اعلم انه لا داعي لأن تأجلي الدراسة ففترة شهر و3 ايام اعتقد كافية لتجهزي فيها امورك وتكوني هناك ان شاء الله هذا ما اتوقعه انا شخصيا حسب رأي 
وان كان أحد الأخوة له رأي اخر فليقدم النصح لك ولكني لا اشجعك على تأخير الموعد بما ان التفويض قد صدر فهذا يعني ان مسألتك قد تحتاج 3 اسابيع على الأكثر والله اعلم

مازال شهر ف ممكن يطلع الابراق والتذاكر قبل موعد الدراسة ... بس لو ماطلعوش راسل المعهد وقوليلهم انك راح تتأخري بسبب الاجراءات فى ليبيا وهما راح يقدرو وضعك .... واحتمال يستنوك اسبوع او اسبوعين

شكرا لكم جميعا ولو حد عنده رأي اخر يتفضل... بس عادة كم تاخذ التذاكر  من وقت علشان تصدر بعد الابراق ؟؟؟؟؟

ع حسب علمى ان التذاكر تصدر من البعثات وليس لها علاقة بالابراق واحيانا تصدر حتى قبل الابراق

لو سمحت يا اخت supereme85 انا نقصد بعد نستلم برقيه الخزانه ونعطيها للبعثات قالولي الاخوه في المنتدى عاده تاخذ اسبوع او اسبوعين علشان نستلم برقيه التعليم وتعريف الطالب فهل نستلم معاهم التذاكر طول والا كم تاخذ التذاكر من وقت علشان تكون جاهزه

كلا يا أخت شريفة ،،، البعثات يسلموك تعريف طالب وبرقية بداية الصرف اللي بتسافري بها فقط ، أما التذاكر لما يطلع تفويضهم تمشي تستلميهم من الوكالة التي أحيل إليها هذا التفويض ...

السلام عليكم إخوتي وأخواتي بالمنتدى
لدي استفسار وخصوصا لمن مر بهذه التجربة وسافر قبل الحصول على برقية الصرف
تاشيرتي Tier4 ولأنني تحصلت على 7 في IELTS ولكسب الوقت لم أسجل في كورس لغة ولكن بعد حصولي على قبول أكاديمي من جامعة Aston علمت بوجودPre-sessional course خاص بمن لديه قبول غير مشروط وهو تجهيز للدراسة الأكاديمية وبرأيي هو مفيد جدا قبل البداية بالدراسة فسجلت فيه المشكلة أنه يبدأ يوم 28 اغسطس وأقصى موعد للتأخير حسب الإيميل اللي بعتوهولي يوم 30 اغسطس لأنه الكورس كله شهر والأكاديمي يبدأ يوم 23 سبتمبر واسمي بالتفويض 17 وآخر الأخبار تشير إلى أنه في الوزارة يعني ممكن البرقية تتاخر ويضيع عليا الكورس طبعا مش ممكن تأجيله وعندي خيارين إما السفر يوم 24اغسطس قبل حصولي على البرقية أو الدخول للدراسة الأكاديمية مباشرة فما هي نصيحتكم؟
تكاليف شهر اللغة الأكاديمية 1800 باوند يعني 450 للأسبوع وهي أعلى من السقف هل ستدفع الملحقية هذا المبلغ عل اعتبار أن المدة شهر فقط وليست 3 شهور كباقي الطلاب؟ وهل ستدفع الملحقية التكاليف في حالة فتحي للملف في نهاية الكورس أو بعده؟
وفي حالة تأجيل السفر لموعد الدراسة الأكاديمية هل توجد مشكلة بخصوص التأشيرة لأن cas number
يشمل شهر اللغة وكورس الماستر؟

بارك الله فيك أخي أبو محمد على الرد
جزاك الله عنا ألف خير

السلام عليكم... انا قررت نسافر على حسابي بالنسبه لموضوع التذاكر وأخّذت تذكره ذهاب فقط لانه برقيه الخزانه ما زال ما جهزت واليوم 1-9 ,,,فعلى فرض ان البرقيات ما كانوا جاهزين وقت الرحله امتاعي (14-9) فهل هذا ممكن يسبب مشكله في المطار ...والا يكفي القبول والكاس نمبر ,,ولو كان فيه مشاكل فهل نقدر نغيرها ذهاب واياب؟؟؟؟؟؟؟؟؟؟؟

شريفة كتب:

السلام عليكم... انا قررت نسافر على حسابي بالنسبه لموضوع التذاكر وأخّذت تذكره ذهاب فقط لانه برقيه الخزانه ما زال ما جهزت واليوم 1-9 ,,,فعلى فرض ان البرقيات ما كانوا جاهزين وقت الرحله امتاعي (14-9) فهل هذا ممكن يسبب مشكله في المطار ...والا يكفي القبول والكاس نمبر ,,ولو كان فيه مشاكل فهل نقدر نغيرها ذهاب واياب؟؟؟؟؟؟؟؟؟؟؟

تم اجابتك في احد المواضيع .

السلام عليكم : انا تحصلت على درجه الماجستير في الفسيولوجيا الطبيه من جامه الاسكندريه قبل المده المحدده وصدر لي قرار تمديد للدكتوراه ونتيجة الظروف الامنيه الغير مستقره في مصر غيرت الساحه الي بريطانيا وتحصلت على قبول اكاديمي مشروط بلغه 2-3 كورسس وايضا تحصلت على قبول غير مشروط لدراسه اللغه والان تحصلت على الفيزا ولكن اجراءات التفويض المالي لم تنتهي الى الان (تفويض 21) والتسجيل في الكورس يبدا يوم 23 \9 ولمدة اسبوع فقط فهل يمكن الذهاب الى بيطانيا والالتحاق بالكورس  بدون ورقه التفويض وهل يمكن فتح ملف  في الملحقيه وماذا يكون مصير الرسوم الدراسيه للكورس اللغه هل ستدفعمن قبل الملحقيه برساله الدعم المالي فقط ارجو الردالسريع لاهميه الوقت.

وعليكم السلام

لبذا من البرقية التي ستصرف فيه بداية مرتبك ونهايته .

هناك من سافر بعد ظهور اسمه في التفويض ويريد تجنب الانتظار 

وفي بريطانيا هناك من انتظر اسبوعين والبعض انتظر حتى شهر .

اغلب الجامعات اخر فرصة لتسجيل تتفاوت من 3-10 وحتى 7-10 

امامك اكثر من 10 ايام وان شاء الله سوف تفرج حتى هذا الوقت .

انصحك بأن تحجز رحلة الطائرة  من الان مثلا قبل اخر يوم من التسجيل ب 3-4 ايام

واذا غيرت رائيك او حصل اي عذر تستطيعي ان تلغي السفر وترجعي ثمن التذاكر .

السلام عليكم انا في حالتي تحصلت علي الماجستير من مصروجاني تمديد غيرت الساحه الى بريطانيا لان مصر مش مستقره وتعبوني بكل المشكله انا الدعم المالي جاني يتضمن اللغه والاكاديمي وتحصلت علي قبول اكاديمي مشروط وقبول لغه غير مشروط .بس التفويض المالي مازال ما طلع لعند توه وكورس الانجليزي قريب يبدا السؤال هل التفويض المالي سيتضمن تكاليف كورس اللغه اولا علما باني قررت الذهاب على حسابي لحين صدور التفويض المالي رقمه 21 ردو عليا بتوقعاتكم اللي عنده خبره في موضوعي  مشكورين