التاشيرة طلعت والتفويض مازال والدراسة تبدأ قريب ؟؟

gog84 كتب:

هل التأجيل متاع الكورس نحصله بسرعه عشان موعد التأشيرة 3-12 هل هما متعاونين في المجال هذا لانه عندي كاس نمبر او في حاجه يغيروها معاه

في العادة التأجيل مايأخذ وقت ممكن يوم أو يومين عمل ولكن لازم تأجيلي ولو اضطررتي لتأجيل موعد التاشيرة لأن لو قدمتي بالموعد القديم احتمال كبير يرفضوك لو أنه قريب جدا بداية الدراسة وحتى لو قبلوك مش حتلحقي لأنك حتستني التفويض وصعب جدا يأجلولك بعهدها ومرات مايأجللولك اكثر من مرة.

الأخ الكريم اللي قال تأجل لعند شهر 4. لو أجلت لعند شهر 4 مش حتقدر تقدم توة في شهر 12 لأن ماتقدر تقدم أكثر من 3 شهور قبل موعد الدراسة لذلك ممكن تخلي الدراسة في 3-3 أو قبلها بشوي لو بتقدمي يوم 3-12 عشان تكون المدة بين التقديم وبداية الدراسة مش أكثر من 3 أشهر.

عدل سابقا من قبل Abu Mohamed في الجمعة 21 نوفمبر 2014, 5:58 pm عدل 1 مرات

نعم لاتستطيعى التأجيل فى شهر 4 لانك مطالبة ان المدة اللى مابين تقديميك للتأشيرة وبداية دراستك لاتتجاوز 3 اشهر لذلك اتفق مع
      مع ماذكر اخى الكريم بخصوص التاجيل الى 3 - 3 طالما انك بتقدمى 3 -12 .
     
       اذا كان كورس لغة فى معهد خاص التاجيل سهل وياخد يوم او يومين بس لو كانت دراستك اكاديمية او مركز لغة يتبع الجامعة
       فالتاجيل معقد لانهم عادتا عندهم مواعيد ثابتة فى الدراسة بعكس الدراسة فى المعاهد الخاصة. لكن انتى حاولى فى كلتا الحالتين.

انا االقبول واخذته من new college of Manchester عن طريق مكتب ..هل تغيير موعد الكورس يعني تغيير حتى الكاس نمبر ..المكتب بلغني انه المعهد معش يعطي كاس نمبر لليبين ..بس تأجيلالكور قالي مفيش مشكلة ان شاء الله حتى ولو طلعت التأشيرة وهما مش محددين اقصى مدة قالي لعند شهر مفيش مشكلة انا الدراسة تبدا بعد شهر ونص من موعدي متاع التاشيرة

gog84 كتب:

انا االقبول واخذته من new college of Manchester  عن طريق مكتب ..هل تغيير موعد الكورس يعني تغيير حتى الكاس نمبر ..المكتب بلغني انه المعهد معش يعطي كاس نمبر لليبين ..بس تأجيلالكور قالي مفيش مشكلة ان شاء الله حتى ولو طلعت التأشيرة وهما مش محددين اقصى مدة قالي لعند شهر مفيش مشكلة انا الدراسة تبدا بعد شهر ونص من موعدي متاع التاشيرة

تغيير موعد الكورس لايعني تغير رقم الكاس نفسه

لو بعد شهر ونص من التقديم على التاشيرة ومازال ماعندك تفويض نأكدلك أنه مستحيل تلحقي على الدراسة فإما يأجلولك من توة لعند شهر 3 باعتبار مازال ماقدمتي على التأشيرة أو تجيبي قبول من معهد ثاني ولو تبي مساعدة في قبول من مدينة ثانية ممكن تبعثيلي على الخاص.

السلام عليكم.
تحصلت على تأشيرة تير 4 تبدأ من 1/ 8/ 2014 الى 1/ 7/ 2015 علما بأن الكاس نمبر يبدأ من 1/ 9/ 2014 ال 30/ 5/ 2015 و للاسف لم اقدم للعائلة لانني لم اكن واثق من حصولي على التأشيرة و بعدها اغلق مكتب التأشيرات في ليبيا و انشغالنا بالوضع الراهن . الان التفويض جاهز , هل تنصحونني بالسفر ام الانتظار من ناحية الدراسة و تأشيرة العائلة. شكرا

Momer كتب:

السلام عليكم.
تحصلت على تأشيرة تير 4 تبدأ من 1/ 8/ 2014 الى 1/ 7/ 2015 علما بأن الكاس نمبر يبدأ من 1/ 9/ 2014  ال 30/ 5/ 2015  و للاسف لم اقدم للعائلة لانني لم اكن واثق من حصولي على التأشيرة و بعدها اغلق مكتب التأشيرات في ليبيا و انشغالنا بالوضع الراهن . الان التفويض جاهز , هل تنصحونني بالسفر ام الانتظار  من ناحية الدراسة  و تأشيرة العائلة. شكرا

أول حاجة راسل مكان الدراسة وشوفهم على يقدروا يتنظروك أو لا وهل يقدروا يعدلوا تاريخ الدراسة في الكاس لأن من 1-9 مرات يكونوا لاغيين الكاس متاعك لو ماراسلتهم من قبل واحتمال مايقدروا يعدلوا في الكاس وبالتالي حتى لو جيت بروحك ماتقدر تخش المطار. 

اذا لم تتمكن من الحصول على تأشيرة للعائلة في الوقت المتبقي قبل ان تنتهي صلاحية تاشيرتك، أنصحك بالسفر و تثبيت وضعك في بريطانيا كطالب مقيم بتير4 من حقه في الدخول والخروج دون الحاجة لتأشيرة اخرى. اظن ان الحد الأدنى لتحقيق ذلك يتطلب دخول بريطانيا قبل انتهاء صلاحية التير 4 متاعك + التسجيل عند الشرطة في غضون أسبوع من وصولك + التسجيل في الجامعة أو معهد اللغة + ربما مفروض يكون عندك عنوان سكن محدد في بريطانيا (أظن التسجيل عند البوليس يتطلب ذلك). انوي اللجوء الى هذا الحل لتجنب انتهاء صلاحية تأشيرتي قبل الحصول على التفويض (وضع مشابه لوضعك وان كانت مشكلتي في التفويض بينما مشكلتك انت في عدم امكانية سفر العائلة معك قبل حصولهم على تأشيرة). انا مستعد لتحمل التكاليف و المتاعب التي ينطوي عليها هذا الحل (اساسا تكاليف و متاعب العودة إلى ليبيا لاستكمال الجراءات ومن ثم السفر الى بريطانيا مرة ثانية) في سبيل إلا اضطر إلى الدخول في معمعة التقديم على تير4 من أول وجديد والله أعلم نحصلها مرة ثانية والا لا حتى لو رضيت بالمعمعة.

إذا قدمت كل المستندات المطلوبة للحصول على التفويض و سافرت قبل صدوره إلى بلد الايفاد على أساس اعتمد على نفسي ماديا في الأشهر الاولى إلى أن يجهز التفويض، هل هناك ما يستوجب عودتي إلى ليبيا وحضوري شخصيا لإستكمال الإجراءات عند صدور التفويض مثلا لطلب أو استلام الرسالة أو البرقية الضرورية لفتح ملف موفد في السفارة ببلد الايفاد أو أية إجراءات أخرى مطلوب فيها حضور الموفد شخصيا وليس من ينوب عنه من الأهل أو الاصدقاء؟

كنت قد راسلتهم في السابق و اخبرتهم عن التأخير و احتمال استكمال الاجراءات في نوفمبر , سوف اطلب منهم تحديث تاريخ الدراسة ان شاء الله.

السلام عليكم ورحمة الله وبركاته
انى عندى تاشيره تاير 4 لكن نتيجه تعطيل التفويض مر منها هلبا وقت المهم بنعاود تاشيره وبنشوف معهد تانى مش ناخد كاس جديد المهم نبى نعرف لما بنستخرج تاشيره تانيه لازم نذكر السبب نبى كان حد اخرج تاشيره شن هيا افضل صيغه وبارك الله فيكم هل نذكر مشاكل البلاد وتاخر التفويض او فيه اسباب تانيه نذكرها

m.gartaa كتب:

السلام عليكم ورحمة الله وبركاته
انى عندى تاشيره تاير 4 لكن نتيجه تعطيل التفويض مر منها هلبا وقت  المهم بنعاود تاشيره وبنشوف معهد تانى مش ناخد كاس جديد المهم نبى نعرف لما بنستخرج تاشيره تانيه لازم نذكر السبب نبى كان حد اخرج تاشيره شن هيا افضل صيغه وبارك الله فيكم هل نذكر مشاكل البلاد وتاخر التفويض او فيه اسباب تانيه نذكرها

وعليكم السلام ورحمة الله وبركاته

نعم أنصحك بأن تكتبه لأنهم مسبلين على الرفض واليوم واحد رفضوا عائلته على خاطر خطأ كاتبه في أول استمارة تأشيرة له رغم أنه قدم على تاشيرة ثانية بعده وأهله مقدمين لوحدهم.
أكتب الصيغة اللي تراها مناسبة ونترجموها لك.


مرات ماتستحق تستخرج تأشيرة ثانية تأكد قبل من المعهد ولو تبي معهد ثاني نساعدوك وفيه حتى معاهد متساهلة يعني عادي حتى لو طولت عليهم أشهر مافي مشكلة.

Abu Mohamed كتب:

m.gartaa كتب:

السلام عليكم ورحمة الله وبركاته
انى عندى تاشيره تاير 4 لكن نتيجه تعطيل التفويض مر منها هلبا وقت  المهم بنعاود تاشيره وبنشوف معهد تانى مش ناخد كاس جديد المهم نبى نعرف لما بنستخرج تاشيره تانيه لازم نذكر السبب نبى كان حد اخرج تاشيره شن هيا افضل صيغه وبارك الله فيكم هل نذكر مشاكل البلاد وتاخر التفويض او فيه اسباب تانيه نذكرها

وعليكم السلام ورحمة الله وبركاته

نعم أنصحك بأن تكتبه لأنهم مسبلين على الرفض واليوم واحد رفضوا عائلته على خاطر خطأ كاتبه في أول استمارة تأشيرة له رغم أنه قدم على تاشيرة ثانية بعده وأهله مقدمين لوحدهم.
أكتب الصيغة اللي تراها مناسبة ونترجموها لك.


مرات ماتستحق تستخرج تأشيرة ثانية تأكد قبل من المعهد ولو تبي معهد ثاني نساعدوك وفيه حتى معاهد متساهلة يعني عادي حتى لو طولت عليهم أشهر مافي مشكلة.

بارك الله فيك خونا ابو محمد انى اصلا التاشيره فيها اقل من 6 شهور وانى زاد عليا مولود طبعا لو بنقدملها على تاشيره بيرفضوها بحجه الكورس مازال فيه اقل من 6 شهور وهما المعهد قالى تعالى اربعه شهور وخلاص وبعدين جيب عيلتك وخود كاس من معهد ثانى قصدى مايساعدش وضغط عليا بيكون وكمل فلهذا بنغير المعهد وبناخد تاشيره جديده على الاقل نقرا المده كلها ونحسبها صح مش نقرا الاكاديمى طول ونجدد من غادى المهم توا نتواصل على الخاص ونتفاهمو ومنور خوى

Momer كتب:

السلام عليكم.
تحصلت على تأشيرة تير 4 تبدأ من 1/ 8/ 2014 الى 1/ 7/ 2015 علما بأن الكاس نمبر يبدأ من 1/ 9/ 2014  ال 30/ 5/ 2015  و للاسف لم اقدم للعائلة لانني لم اكن واثق من حصولي على التأشيرة و بعدها اغلق مكتب التأشيرات في ليبيا و انشغالنا بالوضع الراهن . الان التفويض جاهز , هل تنصحونني بالسفر ام الانتظار  من ناحية الدراسة  و تأشيرة العائلة. شكرا

وعليكم السلام
طالما تاشيرتك من 1-8-2014 جاهزة يعني قريب 6 شهور المفروض قدمت للعائلة من زمان بس شنو قصدك  الكاس نمبر يبدأ من 1/ 9/ 2014  هل قصدك بداية الدراسة وهل أجلتها لأن 1-9 له ته قريب 5 شهور ولو تمشي من غير ما تأجل الدراسة مش حيخلوك تدخل من المطار. ولو أجلت خليهم يعدلوا في الكاس لو أمكن وإلا لما تقدم العائلة ماتكتب غي استماراتهم أنك ماشي معاهم.

السلام عليكم
انا موفدة لبرنامج دكتوراة لبريطانيا ...
تحصلت على تاشيرة تاير 4 و تكبدت خسائر مادية ومعنوية يعلم بيها الله للحصول علىها لاجل برنامج الدكتوراة .........
سأسافر ان قدر الله لا جل اللحاق بهدا البرنامج ...
اعلم تاخر المنحة وبرنامجها ؟ ولكن هل تصبر علي الجامعه ان اخبرتهم انني سأبدا البرنامج بورقة دعم التاشيرة ؟ لان التفويض لازال في البعتات ...وعلى اساسه لن يكون لي ملف في الملحقية لعدم توفر التفويض حاليا؟
ام ان الموضوع فيه مخاطرة؟
المشكلة لايمكنني تاجيل الدراسة لانه المشرف اصر على تواجدي خلال الشهر القادم والا سيلغي البرنامج ؟ لانه مكتض بالطلبة ؟وقعت بين نارين ؟
ارجو ابدأ رايكم بالخصوص ...والتوضيح لي من اهل الخبرة والدرايه ؟

Salaams
I am not a student in UK, based on my personal experience I have been waiting for Tafweeth 25 since last December 2014, and it looks that it is not going to happened within next four month at least perhaps more, you know current situation in Libya, so if you have decided to go and start your program just prepare for the worst, you may start your program and university will ask you to pay the tuition fees, they might give you a couple of months extension to pay.  Living in UK is very expensive, It is tough decision, again prepare for the worst which you may end up paying tuition fees and your expenses for the next 6 months by yourself, think very wisely, if I am in your shoes, I have enough fund to survive I go if I am not then I stay and observe for any changes.

عدل سابقا من قبل Abu Mohamed في الإثنين 02 مارس 2015, 2:20 am عدل 1 مرات (السبب : خطأ إملائي)

اولا اعتذر لاننى قمت بالنشر فى مكان اخر بالخطاء و اعتقد ان هذ المكان المناسب .

الحمد اللة تحصلت على تاشيرة تير فور  لدراسة الدكتوراة و قد استفدت من هذا الموقع كثيرا و خاصة الاخ ابو محمد
و تبداء التاشرة بتاريخ 1/12/2014 و تنتهى بعد اربع سنوات 30/4/2019 و بداية الدراسة 1/1/2015

و بسبب احوال البلاد المتقلبة لم يصدر التفويض و طلبت بالتمديد من الجامعة و تم التمديد للالتحاق الى 1/3/2015   الى 31/3/2015 و لكن الصورة سوداء جدا فى ظل حكومتين ...
فما هو الخيار المناسب لى ؟
لاننى ارسلت صديق لهم قالوا لة نممدو لة الى شهر 9 و لكنة يجب ان ياخذ تاشرة جديدة بعدين ؟؟؟؟ وهذا مكلف جدا و مش مضمون اصلا انك تاخذها اخرى
كنت افكر ان اذهب الى بريطانيا و التحق 14/3/2015  و انتظر هناك و لكن الجامعة سوف تطلب منى خطاب الضمان المالى من الملحقية و الملحقية لن تعطية لى لان التفويض لم يصدر

فهناك التحاق مشروط و لكن مدتة 2 اسبوع  فما العمل فى هذة الحالة ؟

هل  دفع القيمة المقدمة المذكورة فى القبول 2000 باوند يمكننى من التاجيل الى 9  و بدون ما تلغى التاشيرة ؟
كل ما افكر فية كيف امدد دون ان اخسر التاشيرة
ارجو منكم الرد العاجل و بارك اللة فيكم